Jérémi 50:29 - Kazambale lé Sebe Sauunu 1979

²⁹ ’Ka savulizannu faa laa, léé, ’wo nwa Babilɔn ma, wo lé wo savulile dɔɔ, wo lé. ’Ka diri a zi, té mi do é so a ta lo. ’Ka a lɛgi pa a kɛlɛwenu yɛrama. ’Ka kɛlɛ a lɛ fɛan zo lé é a kɛlɛ, a zo ’té. Naa, é nwa boblɛn nya Gakelebale ma, Izraɛl lé Mi Sauun ma,

Jérémi 50:29 ပူးပေါင်းရင်းမြစ်များ

Fwile 10:3

Moizi valé Arɔn go Faraɔn va yé wo lé a lɛ léé: Gakelebale, Ébrunu lé Bale léma: I dan ibo kɛlɛ lɛ kiéné ’é ’lɛ mɛ yi laa? ’I daan ’élé munu ma, ’wo go ’é bɔ.

Ézai 37:23

Mi kyɛn lé bé sɔnɔ yé i bɔrɔ yéli a maa? Mi kyɛn ta lé i siaan? I yuɛ fuoan plɛplɛ Izraɛl lé Mi Sauun ma.

Ézai 47:10

I pale a ilé wenaané ta, I léé, mi do kpen ’ka ’é yé lo. Ilé gikini valé ilé wedɔɔle i saan. I lé i bli gi léé: Maa lé, maa, maa do kpen ɛ ke ana.

Jérémi 25:14

Naa, Kaldé munu é ziin, wo dan kɛlɛ lɛ bɛn plɛplɛnu valé minwiinzan blɛnnu lé luunu nya, yé maa dan wozé lɛgi pa lɛ wo kɛlɛwe valé wo bɛ kɛlɛfɛnu yɛrama.

Jérémi 48:26

’Ka a gyɛ nwɛ nya, naa, é nwa Gakelebale ma; Moab ’é burula é féé va, yé ’é kɛlɛ é ziin yérisiémazan nya ma.

Jérémi 49:16

Bii lé i nyanaan gɔlɛkoro gi, yé i nyanaan gɔ sokoro?-?nénu nwiin, ilé kana zénle mi gi valé ilé boblɛn, wo i saan. Dé ilé kɔn dɔ fɛna nwale loruna bélé gola zooo, maa dan i dia lɛ. Maa Gakelebale ɛ ke a fena.

Jérémi 50:24

Babilɔn, an san vɔ i ’lɛ yé maa i kun a nya i ma trɔnné va. Wo bɔ i ma, wo i kun, i gulidan Gakelebale va, azama.

Jérémi 50:26

’Ka si Babilɔn zi fɛfaana yé ’ka bɔra fla; ’ka alé fɛtadɔboonu lɛ so; ’ka wo gifɛ zun dɔ bélé ’sanwun zun dɔle zo yé ’ka a sɛrɛ tata. Té alé fɛ do kpen é vo ana é dɛrɛ lo.

Jérémi 50:32

Boblɛnzan sɔné é dan san lɛ yé é dan dia lɛ, yé a nwazan ’ka dan kɛlɛ lɛ lo. Maa dan alé flanu valé é zi tɛrɛnu faa kyɛ ble lɛ.

Jérémi 50:9

Naa, ka ye, maa dan bɛn blɛn kiɛre nwa lɛ yirinwana bɛbolazia tɛrɛ la yé wo nwa Babilɔn munu ma. Wo dan wo ma’lɛrɛ lɛ gulidanle we gi a va, yé wo dan a si lɛ. Wolé sawɔlɛnu a bélé gulidan sunya lé wo gulidanle dɔɔ, ’té wo ’ka dan wo pa gi wo leekoro nya lo, wo zo.

Jérémi 51:24

Wenaané faa lé Babilɔn munu valé Kaldé munu faa a kɛlɛ Siɔn lɛ ka yuɛ gi, maa dan a lɛgi pa lɛ wo ma. Maa Gakelebale ɛ ke a fena.

Jérémi 51:3

Savulizan ’é sa vuli mian éé sa vulian a va, a va, ’bɛ valé mi lé a pale ke ébo takuunfɛ ta, a va. Té ka pɛniɛnu vo lo. ’Ka Babilɔn lé sunyanu faa gyɛ.

Jérémi 51:49

Oo, Izraɛl lé mi galenu, Babilɔn é ziin, é dan dia lɛ fɛan zo lé é tɛrɛ faa lé mi galenu dia, a zo.

Jérémi 51:56

Iin, fɛsɛrɛzan baa yee Babilɔn ta; Wo Babilɔn lé sunyanu si, Wo wolé sanu yéli. Naa, Gakelebale a Bale lé, éé mi faa do do banwoo ’Wo kɛlɛwenu yɛrama, a nya, Yee ɛ munu do do gooli paan.

Jérémi Lé Wuvɔ Sɛbɛ 1:9

Alé sɔ lɔlu tiri dɔ, yé é ’ka bɔn‐in bɔrɔan é nyaale ma lo; Munu gi vuru a diabɛ lé we ma, yé a tɔrɔpaazan ’ka lo; Oo Gakelebale, ’i anlé nyanainya we ye. Ko nyanézannu éé ko naginian ’wo yuɛ zuo.

Jérémi Lé Wuvɔ Sɛbɛ 3:64

Oo Gakelebale, i dan wo gooli pa lɛ Wo bɛ panyanama yɛrama;

Daniɛl 11:36

Wean é sɔ minwiinzan blɛn ’ko lɛ, yee lé é dan a kɛlɛ lɛ. É dan nwa lɛ, é dan ébo tɔ pla lɛ balenu faa tɔ nwiin, yé é dan sɔnɔ dére fe lɛ balenu lé Bale ma; a bɛ ma é dan kɛlɛ lɛ néné fɔɔ yé bliflile lɛ é sɔɔ. Naa, wean wa kɛlɛle béli dɔ, a lɛ é dan sɔɔ lɛ.

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

Daniɛl 5:23

I nwa lanu Nwiinzan ma. Wo da alé kɔn gi kananu nya i lɛ, yé ka wo si dɔrɔminikananu nya, yé bii koo, ilé mi blɛnnu koo, i nanu valé i bwɛnu koo, ka dɔrɔ mini wo gi; balenu lé wo wo kɛlɛ gɔɔlifu koo, kyan koo, foliɛwɔlɛ koo, yili koo, gɔlɛ koo, wo nya, ’té wo ’ka yɛrɛ yé lo, yé wo ’ka we maan lo, yé ’té wo ’ka we do dɔɔa lo bɛ, wo lé i vo wo tɔ zin fena, yé Bale lé ilé flinle valé ilé tawobɛ faa ke a lee, i ’ka ’bɛ tɔ nwa lɛ lo.

Abudias 1:15

Naa, Gakelebale lé yi bɔ é pu, bɛnnu faa zé nya. I we kɛlɛ fɛan zo, a zo duo lé wo dan izé kɛlɛ lɛ. I kɛlɛwenu é dan dia lɛ i ta;

2 Tɛsalɔnik munu 1:6

Kazambale éé we kɛla tegele amalé munu lé woo kle paan ka ta bɛ, é dan kle pa lɛ wo ta.

2 Tɛsalɔnik munu 2:4

É a mi nyanézan nya. É léé, fɛ faa lé wa laama Bale, é valé fɛ faa lé munu a bɔa, ’é a wo nwiin, fɔɔ yé é nyana Balebangikɔn gi, ’té é ébozen laama Bale.

Wegɔɔnle 16:6

Naa, wo Kazambale lé munu valé balelayemunu nyɛ zana, amalé ilé nyɛ nɔle wo lɛ yé wa mini yara lé.

Wegɔɔnle 18:6

’Ka a banwo bélé fɛan zo lé éé mi banwoo, a zo, yé ’ka a nɔ a lɛ gɔnɔ fié a kɛlɛwenu yɛrama. Kana lé, é fɛ zén a gi, ’ka azé zén a gi gɔnɔ fié.