Jérémi 50:26 - Kazambale lé Sebe Sauunu 1979

²⁶ ’Ka si Babilɔn zi fɛfaana yé ’ka bɔra fla; ’ka alé fɛtadɔboonu lɛ so; ’ka wo gifɛ zun dɔ bélé ’sanwun zun dɔle zo yé ’ka a sɛrɛ tata. Té alé fɛ do kpen é vo ana é dɛrɛ lo.

Jérémi 50:26 ပူးပေါင်းရင်းမြစ်များ

Ézai 10:6

Maa wo pa zia bɛn nyané va, munu lé an bli ke flina wo ma, maa wo nwunvɔ ’bɛnu va, léé, ’wo ’wii ’bɛnu ta yé ’wo gulizarafɛ si, yé wo ’bɛnu zɔn ’wo gane nya bélé voli zo zia.

Ézai 14:23

Lai sunyanu lé Gakelebale léé: Maa dan a kɛlɛ lɛ ’téli nyanana valé ’yidɔna nya. Maa dan ana sia lɛ yé ana sia faané a fɛ sɛrɛle nya.

Ézai 25:10

Naa, Gakelebale bɛ nyané a gɔ ’ko ɛ ta; wo Moab zɔn ’wo gane nya fɛ ’ko ɛ na, fɛan zo lé woo lɔɔ zɔn‐o ’wo gane nya kɔn fwina, a zo.

Ézai 45:3

Maa dan fɛwezan yɔɔlenu nɔ lɛ i lɛ, ’Bɛ valé fuafɛ yɔɔlenu nya, Ilé a gi dɔɔle we gi léé, Maa a Gakelebale lé maa i laa i tɔ nya, a nya, Maa a Izraɛl lé Bale nya.

Ézai 5:26

Gakelebale drapo nwa munu lé wo ke baa, wo laale we ma. É ’furu fɛn, munu lé wo ke tɛrɛ glɛ sina, wo laale we ma, yé bé ye, wa dana fiéfié, wo ta a kelekele.

Jérémi 50:10

Wo dan ’wii lɛ Kaldénu lé tɛrɛ la. Munu faa lé wo ’wii tɛrɛ ’ko la, wo dan kan lɛ. Maa Gakelebale ɛ ke a fena.

Jérémi 50:13

Gakelebale bli flile we ma, mi ’ka dan kɛlɛ lɛ ana é dɛrɛ lo. É dan kɛlɛ lɛ fɛna pla nya é wo. Munu faa lé wo dan gié lɛ Babilɔn sɔnɔ, wo gi é dan vuru lɛ wo ma, yé wo dan ’furu fɛn lɛ we faa lé é bɔ a ma, a we ma.

Jérémi 50:15

’Ka siaa gulidandére nya a zi fɛfaana. É yɔfalo fu nwa; a ganevɔnanu zana a gi; a gurunu zana. Naa, Gakelebale ézé lɛgi pa a ma; ’ka kazé lɛgi pa a ma, ’ka kɛlɛ a lɛ bélé fɛan zo lé é a kɛlɛ, a zo.

Jérémi 50:23

Éé, mɛ léé? Wo tɛrɛ faa lé maato yéli; wa ’wii; Babilɔn sɛrɛ bɛnnu méléna.

Jérémi 50:41

Ka ye, munu a sina yirinwana bɛbolazia, Bɛn blɛn do valé munu nwiinzan blɛn plɛplɛnu nya; Wa nwana tɛrɛ glɛ sinanu na,

Jérémi 51:44

Maa dan we lɛdɔ lɛ Bɛl gi Babilɔn; maa dan fɛblele so lɛ a ’léé, yé bɛnnu ’ka dan yoro lɛ a vazia é dɛrɛ lo. Babilɔn zi gɔrɔ boen dia;

Jérémi 51:64

yé i dan a fe lɛ léma: A zo duo lé Babilɔn é dan san lɛ ’yi wuo. We tɔntɔnnu lé maa dan wo bɔ lɛ a ma, é ’ka dan so lɛ wo gi lo; a tamunu fuu é dan si lɛ wo ta yé wo dan dia lɛ. Jérémi lé we nyaana lé ke bɛ.

Misé 7:10

An nyanézan é dan a ye lɛ yé yara é dan a gyɛ lɛ; yee lé éé a fé turu an lɛ léé, Gakelebale, ilé Bale a kyɛɛn? bɛ, yee lé. Wo dan a zɔn lɛ ’wo gane nya bélé zia voli zo. Maa dan a ye lɛ yé an gi é dan nana lɛ.

Matio 6:26

’Ka mianénu nagini. Wo ’ka fɛ do féi paan lo yé wo ’ka fɛ do kulian lo, yé wo ’ka fɛ do kpen zun dɔa lo; yé ka Lagi Ti éé fɛblele no wo lɛ. Ka we ’ka mini lɛ wo ta loo?

Wegɔɔnle 14:19

Yé lanje élé kɔblané gié tɛrɛ la. É tɛrɛ la dɔrɔporo pannu bɔi yé é a zén Kazambale lé bliflile zéngikana blɛn gi.

Wegɔɔnle 19:15

Gwɔun ’lɛzan do bɔra a ’léé, bɛnnu gyɛfɛ nya; é dan pla lɛ wo nwiin foliɛwɔlɛ nya é lee; yé Plɛplɛfaazan Bale lé bliflile baba lé é ke kana blɛn gi, é dan a zɔn lɛ é gane nya bélé dɔrɔporo zo.