Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jérémi 50:21 - Kazambale lé Sebe Sauunu 1979

21 Tɛrɛ ’ko la munu lé wo nwa Bale ma gɔnɔ fié, ’i nwa wo ma; ’i nwa ana munu ma, yé i we lɛdɔ wo gi. ’I wo zuo bin, ’i wo gyɛ, ’i wo kulu ga. Maa Gakelebale ɛ ke a fena. ’I anlé bélidɔwenu lɛ sɔɔ ’té.

အခန်းကိုကြည့်ပါ။ ကော်ပီ




Jérémi 50:21
17 ပူးပေါင်းရင်းမြစ်များ  

Yé David lé Abisai valé é wuozanu faa lɛ léé: Ka ye, an be lé é si an bɔn gi, é a a va léé, ’é an gya ’naan, ’té Bɛnjamɛn mi ’ko nii? ’Ka a vo, ’é bale pa ma, naa Gakelebale ɛ fe a lɛ.


É ziin, é ’ka Gakelebale lé blibɔmawe nya léé, an nwa fɛkona ma yé maa a sɛrɛ loo? Gakelebale lé an lɛ léé, ’an nwa tɛrɛ ’ko ma, ’maa sɛrɛ.


Pɛɛs munu nwiinzan blɛn Sirus léma: Gakelebale, lanu lé Bale bɛn tɛrɛnu faa nɔ an lɛ, yé é an béli dɔ léé, ’an kɔn dɔ ’é lɛ Jérusalɛm, Juda tɛrɛ la. Ka va mi kyɛn ɛ ke alé mi nyaa? Alé Bale ’é kɛlɛ a va ma, yé ’é go ana ma.


Maa wo pa zia bɛn nyané va, munu lé an bli ke flina wo ma, maa wo nwunvɔ ’bɛnu va, léé, ’wo ’wii ’bɛnu ta yé ’wo gulizarafɛ si, yé wo ’bɛnu zɔn ’wo gane nya bélé voli zo zia.


Maa lé Sirus ma léé, é a anlé ’blatabinzan nya, Yé é dan anlé blibɔmawe faa lɛ sɔɔ lɛ; É dan a fe lɛ léé, ’wo Jérusalɛm pa é ziin; É dan a fe lɛ léé, ’wo Balekɔn gane vɔ.


’Kaa faa lé, ’ka zén ékeva, ’ka tɔné dɔ; Yee balenu vazan kyɛn ɛ we ’konu fee? Mi lé éé sɔa Gakelebale lɛ, ’bɛ é dan alé blibɔmawe lɛ sɔɔ lɛ Babilɔn ma, Yé é dan dɔra lɛ Kaldé munu ta plɛplɛ.


Maa, maa ɛ fe, yé maa ɛ a laa; Maa da a nya, yé alé nyanama é dan vɔ lɛ a ma.


Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.


Mian éé Gakelebale lé nyanama paan yuɛgi blan nya, ’wo bale pa a ma ma; Mian é léé, té élé gwɔun é mi gyɛ lo, ’wo bale pa ’bɛzan ma ma.


’Ka siaa gulidandére nya a zi fɛfaana. É yɔfalo fu nwa; a ganevɔnanu zana a gi; a gurunu zana. Naa, Gakelebale ézé lɛgi pa a ma; ’ka kazé lɛgi pa a ma, ’ka kɛlɛ a lɛ bélé fɛan zo lé é a kɛlɛ, a zo.


Naa, bɛn do nwa a ma yirinwana bɛbolazia, yé é dan Babilɔn tɛrɛ kɛlɛ lɛ bwi nya; mi do kpen ’ka dan nyana lɛ ana é dɛrɛ lo. Munu valé winu fwi; wo si ana.


Naa, ka ye, maa dan bɛn blɛn kiɛre nwa lɛ yirinwana bɛbolazia tɛrɛ la yé wo nwa Babilɔn munu ma. Wo dan wo ma’lɛrɛ lɛ gulidanle we gi a va, yé wo dan a si lɛ. Wolé sawɔlɛnu a bélé gulidan sunya lé wo gulidanle dɔɔ, ’té wo ’ka dan wo pa gi wo leekoro nya lo, wo zo.


Babilɔn munu valé Kaldénu faa lé wo ke tɔzannu valé minisinu valé mizannu nya, maa dan wo zén lɛ ékeva i ma; maa dan Asirinu faa pa lɛ wo va é ziin. Wa pɛniɛ boronénu lé lomu bli éé bɔa wo ma, wo nya; wo faa a minisinu valé mi blɛnnu nya, mi blɛn tɔbɔlenu nya, ’té wo faa a é vɔle wisoonu ta.


Bale lé a glɛ ’ka lo, é a mi vɔzizan nya, Yé woo yɔɔan a bɛ lé é ’ka nyaan lo, a wuo. É i nyanézan bin i ’lɛ, Yé é léé: ’Bé kulu ga.


’I go sin, ’i guli dan Amalɛk va yé ’i alé fɛnu faa sɛrɛ; té i wo do kpen vo lo; gɔnénu valé lomu koo, nénu valé nyɔmanénu koo, dirinu valé ’blanu koo, nyɔgɔménu valé sokofalenu koo, ’ka bale pa wo ma, ’ka wo faa gyɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ