Jérémi 50:20 - Kazambale lé Sebe Sauunu 1979

²⁰ Gakelebale léma: ’Bɛ yi ’konu la, ’bɛ bléyi ’ko va, wo dan Izraɛl lé weplenu gini lɛ, yé wo ’ka ana é dɛrɛ lo; wo dan Juda lé wenyanénu gini lɛ, yé wo ’ka dan wo ye lɛ é dɛrɛ lo; naa, munu lé maa wo vo ana, maa dan wo ma we vo lɛ.

Jérémi 50:20 ပူးပေါင်းရင်းမြစ်များ

Lɛrɛvɔ Sɛbɛ 103:12

Fɛan zo lé yirivɔna ke é sile yirinwana ma baa, A zo lé éé kolé bélidɔwe sɛrɛlenu sié ko ma baa.

Lɛrɛvɔ Sɛbɛ 17:3

Dé i an bli nagini, dé i da an va é bélioo, Dé i an gi dan, i ’ka dan we do ye lɛ ana lo. An bɔn‐in bɔrɔmawe valé an ’lééwe a do.

Lɛrɛvɔ Sɛbɛ 85:3

I ilé munu ma we vo wolé weplenu ma, I wolé wenyanénu faa ta yɔɔ. Ka ye do.

Ézai 1:9

Dé lai sunyanu lé Gakelebale ’ka kɔɔn ko tɔɔtɔɔ pɔné vo lɛ lo, ’té ko kɛlɛ bélé Sɔdɔm zo, ’té ko valé Gɔmɔɔ bɔ ékema.

Ézai 10:21

Wo lé wo vo, Jakɔb lé munu lé wo vo, wo dan da lɛ Plɛplɛzan Bale va.

Ézai 33:24

Ana nyanazan do kpen ’ka dan a fe lɛ léé, gyɛ a ’é ma, lo. Bale é dan Jérusalɛm munu ma we vo lɛ wolé weplenu ma.

Ézai 43:25

Maa, maa ɛ ilé bélidɔwe sɛrɛlenu fwi, an sɔ anbo lɛ, azama. Yé ilé wenyané sele ’ka dan dɔ lɛ an gi é dɛrɛ lo.

Ézai 44:22

Maa ilé bélidɔwe sɛrɛle fwian bélé lati fwile zo; Maa ilé wenyané fwian bélé lati borozan fwile zo; Maa i tabo, Amalé ’i da an va i pa gi.

Jérémi 31:34

Mi do kpen ’ka dan we paa lɛ é bɔluzan gi lo, yé mi do kpen ’ka dan we paa lɛ é bwe gi a fele nya léé, ’ka Gakelebale dɔɔ, lo. Naa, é sia né kiénénu ma, fɔɔ yé é bɔ mi kwakwanu ma, munu faa é dan an dɔɔ lɛ. Naa, maa dan wo ma we vo lɛ wolé weplenu ma, yé wolé wenyanénu sele ’ka dan dɔ lɛ an gi é dɛrɛ lo. Maa Gakelebale ɛ ke a fena.

Jérémi 33:15

’Bɛ yinu la, yé ’bɛ bléyi va, David punla é dan nɛɛ lɛ mi tegele do nya. É dan we tegele valé we drɔle kɛlɛ lɛ tɛrɛ la.

Jérémi 33:8

Weplenu faa lé wa kɛlɛ an lɛ, maa dan wo zuru lɛ ’bɛ we ma, yé weplenu lé wa kɛlɛ an ’namawe nya, yé wo nwa an ma wo nya, maa dan wo ma we vo lɛ ’bɛ we ma.

Jérémi 44:14

Juda munu pɔnénu lé wo go nyana lɛ Éjipiti tɛrɛ la, ’té é a wo gi léé, wo dan go lɛ ’wo pa gi Juda tɛrɛ la, fɛana lé wa a va léé, wo nyana kli, ana, wo va mi do kpen ’ka dan fwi lɛ lo, mi do kpen ’ka dan so lɛ a ta lo, mi do kpen ’ka dan go lɛ Juda tɛrɛ la é dɛrɛ lo, ’té dé é ’ka mi kenu lé ’bɛnu é dan vɔ lɛ fli gi, wo saa nya lo.

Jérémi 50:4

Gakelebale léma: ’Bɛ yi ’ko la, ’bɛ bléyi ’ko va, Izraɛl munu valé Juda munu é dan da lɛ é ziin ékeva; wo dan tawo lɛ wuvɔle nya; wo dan Gakelebale, wolé Bale nagini lɛ.

Jérémi Lé Wuvɔ Sɛbɛ 4:22

Siɔn munu, wo kalé weple ’yibo; É ’ka dan go lɛ ka nya luu gi é dɛrɛ lo. Édom munu, é dan we lɛdɔ lɛ ka gi kalé weplenu ma, É dan kalé wenyanénu bɔra lɛ gɔrɔ la.

Ézékiɛl 18:22

Alé bélidɔwe sɔnné sɛrɛlenu faa sele é dan saan lɛ an gi. We tegele lé é a kɛlɛ, é dan vo lɛ é yuɛma ’bɛ we ma.

Misé 7:19

I nyanai é dan zén lɛ é ziin ko ta; i dan kolé weplenu pla lɛ i gane wuo, i dan kolé wenyanénu vuli lɛ wɛyi wɔlɛ ma.

Sofoni 3:12

Migɔnɔ kiéné lé wobo kɛla kiéné, ’té woo yɔɔna yé Gakelebale tɔ gi bɛ, maa dan wo vo lɛ ka va.

Zakari 3:9

Bé ye, gɔlɛ lé maa pla Jozué ’lɛ, yuɛ sɔrafié a gɔlɛ do ’ko ma; lai sunyanu lé Gakelebale léma: Guru lé é a lé wa vɔ a ma, maa dan guru ’ko vɔ lɛ a ma anboan; maa dan tɛrɛ ’ko lé wenyané si lɛ é ma yi do kpen.

Mi Nɔnɔle 23:21

É ’ka weple yé Jakɔb gi monomono lo, Wean é ’ka tegele lo, é ’ka a yé Izraɛl gi monomono lo. Gakelebale, alé Bale a a va, É a a nwiinzan blɛn nya, Bale a Izraɛl ginanamazan nya.

Kelewenu 3:19

Bɛwemalé, ’ka bli nɔla, yé ’ka zi nɔla kalé wenyané ’yibole we ma,

Kelewenu 3:26

Kazambale é wuozan Jézu nwa aan wo yé é a pa ka lɛ zia é vinin, ka drɔɔ vole we gi, yé ka faa do do ’é si kalé weple kɛlɛle zuo.

Rom munu 11:6

Naa, dé Bale wo si a va élé zin yɛrama, ’té kɛlɛwenu ’ka a va é dɛrɛ lo; dé ’bɛ kaan lo, ’té zin ’ka zin nya é dɛrɛ lo.

Rom munu 5:16

É ziin, mi do lé wenyané kɛlɛle zuowe valé blɛ kɛlɛle zuowe ’ka bɔ lɛ ékema lo. Wenyané kɛlɛle zuowe ɛ ke weblele nya yé ’bɛ ’wuo pla welɛdɔle mi gi nya, naa, wenyané kiɛre kɛlɛle zuo Kazambale élé blɛ kɛlɛ yé ’bɛ ’wuo pla mi kɛlɛle tegele nya.

Rom munu 6:13

Té ka ka kɔlɛvafɛnu nɔ wenyané lɛ weple kɛlɛfɛnu nya lo; naa, ’ka kabozen nɔ Kazambale lɛ, munu lé wo ke é gale é vinin yé wo béli, wo nya, yé ’ka ka kɔlɛvafɛnu nɔ Kazambale lɛ we tegele kɛlɛfɛnu nya ma.

2 Piɛri 3:15

É a lé ka gi dɔɔ léé, Kaazan lé bli tiéé we ma lé ka dan béli lɛ, bélé fɛan zo lé kaa bwe Pɔl lé é sɔ kaa lɛ, é a gyɛ ka lɛ sɛbɛ gi, wedɔɔle lé Bale a nɔ a lɛ, a yɛrama bɛ, a zo.