Jérémi 50:2 - Kazambale lé Sebe Sauunu 1979

² ’Ka a zuo fe bɛnnu méléna, ’ka a zana dɔɔ wo lɛ, ’ka drapo do nwa loru; ’Ka zana dɔɔ wo lɛ, té ka gɔ do kpen yɔɔ wo ma lo. ’Ka fe léma: Wo Babilɔn si, wolé bale Bɛl fuu si é ta. Wo wolé bale Mérodak sɛrɛ. Wolé miyilinu ’lɛ ’ka é dɛrɛ lo, wolé miyilinu yéli.

Jérémi 50:2 ပူးပေါင်းရင်းမြစ်များ

Lɛrɛvɔ Sɛbɛ 64:9

Wo dére ma lé wo ga ye, Munu faa lé woo wo yé, woo ’wuo nyɔɔn‐an.

Lɛrɛvɔ Sɛbɛ 96:3

’Ka a tɔbɔle zuo fe bɛnnu lɛ, ’Ka alé we blɛnnu zuo fe migɔnɔnu faa lɛ,

Lɛrɛvɔ Sɛbɛ 97:7

Munu faa lé woo miyilinu bɔa, ’Té woo miyilinu tɔ bɔa, yara wo gyɛ. Balenu faa éé diaan a ’lɛ.

Ézai 12:4

Yé ka dan a fe lɛ ’bɛ yi la léé: ’Ka Gakelebale tɔ zin fe, ’ka a tɔ laa, Ka a kɛlɛwenu zana dɔɔ munu va, ’Ka a tɔ blɛn sele dɔ wo gi.

Ézai 13:2

’Ka drapo nwa gɔlɛgɔ nwiin, ’ka siaa gulidandére nya Babilɔn nyanézannu lɛ. ’Ka tɔmase kɛlɛ wo lɛ ka bɛ nya yé ’wo da yaamitamunu lé flagɔrɔ ’léé.

Ézai 21:9

Yé bé ye, wisootazannu a dana, ’té woo tawoo mi fié, mi fié. É we fe é ziin yé é léé: Babilɔn diaoo, é dia! Alé miyilinu faa dia tɛrɛ va yé wo yéli nuu.

Ézai 37:19

yé wo wolé balenu vuli kyɛ va; naa, wo ’ka balenu nya lo, mi bɛ panyanama lé wa kɛlɛ yili valé gɔlɛ nya, yee lé ke wo nya; yé wo wo kɛlɛ é boa.

Ézai 39:1

’Bɛ bléyi duo nya, Babilɔn minwiinzan Baladan be Bérodak Baladan sɛbɛ valé blan pa Ézékia lɛ zia, naa, é a ’ma léé, Ézékia gyɛ kɛlɛ yé é béli.

Ézai 46:1

Bɛl zana a gi; Nébo dia; Wo miyili ’konu pla winu punu; wa pla kɔnésiwinu punu. Bale ’konu lé ka go wo nya, wo bɛn dɔ winu ta, ’Té wo wɔlɛi nyaa wo ma.

Ézai 48:20

’Ka si Babilɔn, ’ka fwi Kaldé munu méléna; ’Ka fe léé: Gakelebale é wuozan Jakɔb tabo. ’Ka fe ginanale nya, ’ka a zana dɔɔ, ’Ka munu bɔn‐in kini a nya fɔɔ tɛrɛ glɛ sina.

Ézai 48:6

Wenu lé maa wo fe, ka a ’ma yé ka wo lɛsɔɔle ye, Yé ka ’ka a nyi sié léé, ka fe loo? Sin, maa we dɛrɛ lɛ kini ka lɛ, We yɔɔle lé ka ’ka a gi dɔɔa lo, maa fe ka lɛ.

Jérémi 10:11

’Ka fe wo lɛ léma: Balenu lé wo ’ka lanu valé tɛrɛ kɛlɛ lɛ lo, Wo dan san lɛ tɛrɛ la, yé wo dan san lɛ lanu wuo.

Jérémi 10:15

Wa fɛnu lé wo ’ka we do nyian wo mi ma lo, wo nya; wa dabli panyanama nya; Dé we lɛdɔ mi gi yi bɔ, wozé é dan nyaa lɛ.

Jérémi 31:10

’Kaa bɛnnu, ’ka tɔné dɔ Gakelebale dére lɛ, Yé ’ka a zana dɔɔ wɛyi worona tɛrɛ baanu ta, ’Ka fe léé: Mian é Izraɛl munu kini ékema, é dan wo zén lɛ ékema é ziin, Yé é dan wo tabin lɛ bélé ’blata‐binzan élé ’blanu tabin‐é fɛan zo, a zo.

Jérémi 4:16

’Ka a fe bɛngɔnɔnu lɛ, yé ’ka a gi bɔra Jérusalɛm munu lɛ léé: Plaminwiinzannu si tɛrɛ baa do la; wo siaa guli?-?dére nya Juda tɛrɛ la flanu ma.

Jérémi 4:6

’Ka drapo do dun Siɔn vazia, ’Ka vɔ fli gi, té ka dɔ lo. Naa, an dan we tɔntɔn valé dunuzénmita we si lɛ Yirinwana bɛbolazia, yé wo da.

Jérémi 46:14

’Ka a zuo fe Éjipiti tɛrɛ la, ’Ka a zana dɔɔ Migidɔl, Yé ’ka a zana dɔɔ Nofa valé Tapanɛs, Léé, ’i nwa, ’i ma’lɛrɛ, Naa, gwɔun a mi gyɛna i zi.

Jérémi 50:46

Vun lé é we Babilɔn sile we ma, é tɛrɛ ma nyɔɔn, yé wo wo siaale ’ma bɛnnu méléna.

Jérémi 51:12

’Ka drapo nwa Babilɔn ma, ’ka sunyanu taa pa, ’ka wo taginizannu dɔ, ’ka fla mabɛn! Naa, we do a Gakelebale gi, yé wean é a fe Babilɔn munu ma, é dan a lɛ sɔɔ lɛ.

Jérémi 51:27

’Ka drapo nwa bɛn tɛrɛ la, ’ka béli fɛn bɛnnu méléna; ’ka bɛnnu ma’lɛrɛ nwale a ma we ma; Ararat munu koo, Mini munu koo, Asikénaz munu koo, ’ka wo laa, ’wo nwa wo ma. ’Ka sunyanu nwiinzannu dɔ, ’ka wo pa zia wo ma, ’ka wisoonu pa zia wo ma kiɛre bélé gangannu lé woo kana zén‐é mi gi, wo zo.

Jérémi 51:31

Lɛtrɛ kɔné sizannu kee, nwunvɔzannu gié é ke la, we zuo fele Babilɔn nwiinzan blɛn lɛ we ma; Wo léé: Wo diri ilé fla zi yé wa si;

Jérémi 51:44

Maa dan we lɛdɔ lɛ Bɛl gi Babilɔn; maa dan fɛblele so lɛ a ’léé, yé bɛnnu ’ka dan yoro lɛ a vazia é dɛrɛ lo. Babilɔn zi gɔrɔ boen dia;

Jérémi 51:47

Bɛwemalé, ka ye, a yi é dan bɔ lɛ yé maa dan Babilɔn lé miyilinu sɛrɛ lɛ, yé yara é dan tɛrɛ ’ko la munu faa gyɛ lɛ, yé alé munu faa galenu é dan dia lɛ ana.

Jérémi 51:52

Bɛwemalé Gakelebale léma: Ka ye, ’bɛ yinu é dan bɔ lɛ, yé an dan miyilinu sɛrɛ lɛ, yé munu lé wo tuo, wo dan dunnu lɛ wolé tɛrɛ faa la.

Jérémi 51:8

Kele tɔɔn, Babilɔn dia, yé wa ’wii. ’Ka dunnu alé we ma, ’ka lia pa a tuona gi, dé é dan béli lɛɛ?

Jérémi 52:31

Juda nwiinzan blɛn Jojakɛn vole luubale gi lɛɛ yɔ do wɔlɛ vu ta sɔrafiézan nya, a moné vu ta fiézan lé yi yɔ do wɔlɛ soruzan nya, Babilɔn munu nwiinzan blɛn Évil‐Mérodɔk plale mi nwiin lɛɛ vininzan nya, é tɛrɛ si Juda munu nwiinzan blɛn Jojakɛn nwiin, yé é a bɔra bokɔn gi.

Jérémi 6:18

Amalé, bɛngɔnɔnu, ’ka tɔné dɔ, yé ’kaa zén‐ékevamunu, we lé é dan bɔ lɛ wo ma, ’ka a gi dɔɔ ma.

Daniɛl 1:2

Mizambale Juda nwiinzan blɛn Jojakim pa a lee, ’é valé Balebangikɔn gi nyanamapafɛ kenu nya. Nébukanɛsaa nyanamapafɛ ’konu si yé é go wo nya Sinéaa tɛrɛ la, yé é wo pa ’élé bale lé kɔn gi fɛwezannu pana.

Daniɛl 3:14

Nébukanɛsaa we fe Sadrak koo, Mésak koo, Abɛd‐Négo koo, wo lɛ, yé é léma: É a ka gi webozen nya léé, ka ’ka ka ’wuo tuaan anlé balenu lɛ loo? Yé kyan miyili lé maa a dɔ, ka ’ka a bɔa loo?

Sofoni 2:11

Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

Wegɔɔnle 18:2

É siaa dére plɛplɛ nya yé é léé: A guru zana a gioo, a guru zana a gi, fla blɛn Babilɔn guru zana a gi! É kinin yonu nyanana nya, yé yo tiridɔlenu faa koo, miané tiridɔle ginzannu faa koo, é kinin wo zénna ékeva nya;