Jérémi 50:18 - Kazambale lé Sebe Sauunu 1979

¹⁸ Bɛwemalé lai sunyanu lé Bale, Izraɛl lé Bale léma: Ka ye, maa dan we lɛdɔ lɛ Babilɔn nwiinzan blɛn valé alé tɛrɛ la munu gi bélé fɛan zo lé maa we lɛdɔ Asirinu nwiinzan blɛn gi fɛan zo, a zo.

Jérémi 50:18 ပူးပေါင်းရင်းမြစ်များ

Ézai 10:12

Naa, dé Mizan élé we kɛlɛle faa lɛ sɔɔ Siɔn gɔ nwiin koo, Jérusalɛm koo, wona faa, maa dan we lɛdɔ lɛ Asirinu nwiinzan blɛn gi, a kɛlɛwenu lé alé boblɛn a nagɔɔn a lɛ, wo ma, ’bɛ valé alé mi naginile é yuɛ zuo nya.

Jérémi 27:7

Bɛnnu faa é dan pla lɛ a wuo, yee koo, a be koo, a néné koo, wo dan pla lɛ wo wuo fɔɔ yé wozé bléyi é nyaa, ’bɛ zuo yee Babilɔn tɛrɛ é dan pla lɛ bɛn plɛplɛ bɛnu valé minwiinzan blɛn bɛnu wuo.

Jérémi 46:10

Yi ’ko a Mizan, lai sunyanu lé Gakelebale lé yi nya, We lɛgi payi lé, we lɛgi payi nya Gakelebale nyanézannu ma. Gwɔun é dan fɛ ble lɛ, é dan kan lɛ, Yé wo nyɛ é dan gwɔun gyɛ lɛ bélé nwɛ zo. Naa, Mizan lai sunyanu lé Gakelebale, éé saraka boo Yirinwana bɛbolazia tɛrɛ la, Yufrat yuu gɔ la.

Naum 3:18

Asirimunu nwiinzan blɛn, ilé ’blatabinmunu a yigyɛna; ilé nyanazannu a flinna; ilé munu a é kinile ékema gɔnu nwiin, yé mi do kpen ’ka wo zénna ékeva lo.

Naum 3:7

Munu faa lé wo dan i ye lɛ, wo dan si lɛ i ma baa, Yé wo dan a fe lɛ léé: Wo Ninive guru zana a gi! De ɛ dan azé fe lɛɛ? Maa dan i tɔrɔpaazannu ye lɛ kyɛɛn?

Abaku 2:8

Naa, i ’wii bɛngɔnɔ kiɛre ta, amalé migɔnɔ pɔnénu é dan ’wii lɛ i ta. Naa, i munu nyɛ zana, yé i glawe kɛlɛ tɛrɛ ’ko la flanu valé wotazannu lɛ, azama.

Bélidɔwesɛbɛ Fiézan 32:41

Dé maa anlé gwɔun lɛ vɔ Yé dé an kun we tegele kɛlɛle ma, Maa dan anlé we lɛgi pa lɛ an mazannu ma, Yé an dan we lɛdɔ lɛ an zapamunu gi;