Jérémi 50:17 - Kazambale lé Sebe Sauunu 1979

¹⁷ Izraɛl a ’bla sanle lé golizra a zuo bin‐é, a nya; Asirinu nwiinzan blɛn a ble é vinin, yé é voéla ’ko, Babilɔn nwiinzan blɛn Nébukanɛsaa a wɔlɛnu yéli.

Jérémi 50:17 ပူးပေါင်းရင်းမြစ်များ

2 Minwiinzannu 15:19

Asiri nwiinzan blɛn Pul da ana tɛrɛ la; yé Ménaɛm gɔɔlifu talan wuru soru nɔ Pul lɛ, ’bɛ bɔle a va we gi yé alé plale munu nwiin ’é dɔ gligli.

2 Minwiinzannu 15:29

Izraɛl nwiinzan blɛn Pékas bléyi va, Asiri nwiinzan blɛn Tiglat‐Pilézɛɛ da, yé Ijɔn koo, Abɛl‐Bɛt‐Maaka koo, Janoas koo, Kédɛs koo, Asɔɔ koo, Galaad koo, Galilé koo, Néfitali lé tɛrɛ faa koo, é wo si, yé é go ana munu nya luu gi Asiri tɛrɛ la.

2 Minwiinzannu 24:1

Jojakim bléyi va, Babilɔn nwiinzan Nébukanɛsaa go guli dan lɛ a va. Jojakim pla a wuo lɛɛ yaa; ’bɛ zuo Jojakim nwa a ma é ziin.

2 Minwiinzannu 24:10

’Bɛ bléyi va, Babilɔn nwiinzan blɛn Nébukanɛsaa wuozannu nwa Jérusalɛm ma, yé wo fla mabɛn.

2 Minwiinzannu 25:1

Sédésias plale munu nwiin lɛɛ sɔraziɛnzan lé moné vuzan lé yi vuzan nya, Babilɔn nwiinzan Nébukanɛsaa da Jérusalɛm ma, élé sunyanu faa nya é va; é sɔkɔnnu dɔ a ’lɛ, yé é tɛrɛ zun dɔ a zi.

2 Minwiinmunu lé Wezuofe Sɛbɛ 28:20

Asirinu nwiinzan blɛn Tiglat‐Pilézɛɛ da a va guli nya yé é we kɛlɛ a lɛ bélé é nyanézan zo. É ’ka bɔ lɛ a va lo.

2 Minwiinmunu lé Wezuofe Sɛbɛ 33:11

Yé Gakelebale Asiri nwiinzan blɛn lé sunyanu nwiinzannu nwa yé é da wo nya Izraɛlnu ma. Wo Manasé kun yé wo foliɛwɔlɛbale vɔ a ma. Wa yere zéné gɔgɔbalenu nya, yé wo go a nya Babilɔn.

Ézai 15:9

’Yibanu gi fan nyɛ nya Dimɔn. Maa dan nyané taa pa lɛ Dimɔn munu ta; Moab munu lé wo so we lee, maa dan golizra pa lɛ wo lɛ zia; wo kiéné lé wo vo Moab tɛrɛ la, maa dan golizra pa lɛ wo lɛzia.

Ézai 47:6

An bli fli anlé munu ma, Maa anlé tɔnɔfɛ kɛlɛ boafɛ nya, Yé maa wo pa i lee; I nyanai ’ka zén lɛ wo ta lo, I kɔné bɛnzan dɔ gɔné segele nwiin.

Jérémi 10:25

’I wɛwɛ dɔ bɛnnu lé wo ’ka i dɔɔa lo, wo ma, Yé munu lé wo ’ka i tɔ laan lo, ’i wɛwɛ dɔ wo ma. Naa, wa Jakɔb kulu gana, kulu ganaoo, wa kulu gana! Wa a nyanana sɛrɛna.

Jérémi 2:15

Golizra boronénu éé wé wo ma, woo siaan wo ta, Woo ’wiié wolé tɛrɛ ta; Kyɛ wolé flanu ble, mi ’ka nyanaan wona é dɛrɛ lo.

Jérémi 21:7

Gakelebale léé: ’Bɛ zuo, Juda nwiinzan blɛn Sédésias koo, a wuozannu koo, munu koo, fla ’ko la munu lé wo so bawurumagyɛ valé gwɔun valé lɔrɔ lee, ’bɛnu koo, maa dan wo pa lɛ Babilɔn nwiinzan blɛn Nébukanɛsaa lee; munu lé é sɔ ’bɛnu lɛ léé, ’wo wolé tɛrɛla nyaa, maa dan wo pa lɛ ’bɛnu lee, yé Nébukanɛsaa é dan wo gyɛ lɛ gwɔun nya, é ’ka dan wo vo lɛ lo; é ’ka dan nyanai zén lɛ wo ta lo; é ’ka dan wo ye lɛ mi nya lo.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 49:19

Bé ye, é si Juudɛn yuu tɔbɔle gɔɔn ma yé é nwa nyanana plɛplɛ ma bélé golizra zo. Kele tɔɔn, maa kɛlɛ léé, Édom munu é fwi, yé mi lé maa a si a va, maa dan ’bɛzan dɔ lɛ ana. Naa, de ɛ ke bélé maa zoo? De ɛ dan an béli dɔ lɛɛ? Yé minwiinzan lé é dan dɔ lɛ an ma, é a kyɛɛn?

Jérémi 5:17

É dan kalé féifɛnu valé kalé buru ble lɛ; é dan ka benu valé ka lunu kulu ga lɛ; é dan kalé ’blanu valé kalé dirinu ble lɛ; é dan kalé dɔrɔféinu valé kalé bɔrɔféinu ble lɛ; yé kalé nyanamunu lé flanu lé ka ke é pale wo ta, wo dan wo sɛrɛ lɛ tata.

Jérémi 5:6

Amalé pɔrɔ gi golizra éé wo gya, Bwila glau éé wo wi kinié ékema, Kua a wo mavɔɔna wolé flagɔrɔ ’léé, Munu faa lé woo sié fla, é dan wo wi kini lɛ ékema; Naa, wo bélidɔwe sɛrɛ di, Wo yuɛgiblanle gi gyɛ.

Jérémi 50:6

Anlé munu a ’bla trubɛ palu sanle nya. Wo tabinzannu zi saan wo nya, wo wo saan gɔnu nwiin; wo si gɔ blɛnnu nwiin yé wo go gɔpanénu nwiin; wo gi san ’wo nyanana ma.

Jérémi 51:38

Wo dan ’wo gi gunu lɛ ékeva bélé golizranu zo. Wo dan siaa lɛ bélé golizranénu zo.

Jérémi 52:1

Sédésias kɛlɛ minwiinzan blɛn nya bléyian va, ’té a lɛɛ a yɔ do wɔlɛ do, yé é pla munu nwiin lɛɛ vu ta do Jérusalɛm. A bu a Libina le lé wa laama Jérémi lu Amutal, a nya.

Ézékiɛl 34:12

’Blapazan a élé ’bla fwilalenu méléna fɛan zo, ’té éé wo ginian bɛ, a zo lé maa dan anlé ’blanu gini lɛ, yé fɛana lé wo kini ékema yé wo go, yian nya lé fɛna gunu dɔra yé té yiri ’ka bié lo bɛ, maa dan wo si lɛ ’bɛna yé maa da wo nya an va.

Daniɛl 6:24

Minwiinzan blɛn léé, munu lé wo we dɔ Daniɛl nwiin, ’wo da wo nya yé ’wo wo vuli golizra guru gi; wo koo, wolé nénu koo, wo nanu koo, woo lé. Dé wo ’ka tan dia lɛ guru wɔlɛ ma lo, golizranu wo kun, yé ’bɛnu wo wɔlɛnu faa ’wii.

Joɛl 3:2

An dan bɛnnu faa zén lɛ ékeva, Yé maa dan wo zun lɛ Jozafat lé gɔ worona; Anlé munu Izraɛl, anlé tɔnɔ lé we ma lé, Maa dan wolé we ble lɛ ’bɛna. Wo anlé munu sɔɔla bɛnnu gi, Yé wo anlé tɛrɛ guli, azama.

1 Piɛri 2:25

Naa, ka a turu bélé ’bla sanlenu zo, naa, sin, ka nɔla ka boen pazan va, ka boen tabinzan va.