Jérémi 50:15 - Kazambale lé Sebe Sauunu 1979

¹⁵ ’Ka siaa gulidandére nya a zi fɛfaana. É yɔfalo fu nwa; a ganevɔnanu zana a gi; a gurunu zana. Naa, Gakelebale ézé lɛgi pa a ma; ’ka kazé lɛgi pa a ma, ’ka kɛlɛ a lɛ bélé fɛan zo lé é a kɛlɛ, a zo.

Jérémi 50:15 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:24

Minwiinzannu faa valé tɔzannu pla minwiinzan blɛn Salomɔn wuo, minwiinzan blɛn David benu boen‐oo.

2 Minwiinmunu lé Wezuofe Sɛbɛ 30:8

Té ka kɛlɛ wemaplɛplɛzannu nya bélé ka tranu zo lo; ’ka ka ’wuo dɔ Gakelebale wuo. Alé fɛna sauun lé é a pa é yɛrama lɛɛ faa zé nya bɛ, ’ka da ana, yé ’ka Gakelebale kalé Bale bɔ, léé, alé bliflile plɛplɛ ’é si ka ma.

Lɛrɛvɔ Sɛbɛ 149:7

We lɛgi pale bɛnnu ma we ma, We lɛdɔle migɔnɔnu gi we ma,

Lɛrɛvɔ Sɛbɛ 94:1

Gakelebale, welɛgipa Bale, Panu dɔrazan Bale, ’i bɔra a gi.

Ézai 59:17

É dan wetegele zén lɛ ’é ta gɔlɛtayɔɔfɛ nya, yé é dan silewegi wɔra lɛ ’é ’wuo ma bélé kanakoro zo; é dan welɛgipale zén lɛ ’é ta varɔ nya, yé é dan maawole zén lɛ ’é ta sɔ zo.

Ézai 59:18

É dan mi faa do do banwo lɛ wo kɛlɛwe yɛrama; é dan é mazannu banwo lɛ é wɛwɛ nya; é dan é nyanézannu banwo lɛ yee duo zo; é dan wɛyiworona tɛrɛ la munu banwo lɛ yee duo zo.

Ézai 61:2

É an pa zia Gakelebale lé zin‐yelɛɛ zana dɔɔle we ma, ’Bɛ valé kolé Bale lé welɛgipayi nya. É an pa zia nyanéblemunu faa tɔrɔpaale we ma,

Ézai 63:4

Naa, we lɛgi payi a an bli gi, yé anlé munu tabolɛɛ bɔ.

Jérémi 46:10

Yi ’ko a Mizan, lai sunyanu lé Gakelebale lé yi nya, We lɛgi payi lé, we lɛgi payi nya Gakelebale nyanézannu ma. Gwɔun é dan fɛ ble lɛ, é dan kan lɛ, Yé wo nyɛ é dan gwɔun gyɛ lɛ bélé nwɛ zo. Naa, Mizan lai sunyanu lé Gakelebale, éé saraka boo Yirinwana bɛbolazia tɛrɛ la, Yufrat yuu gɔ la.

Jérémi 50:14

’Kaa savulizannu faa lé, ’ka ma’lɛrɛ yé ’ka diri Babilɔn zi gulidanle a va we ma; ’ka sa vuli a va, té ka sawɔlɛnu ta dɔ lo. Naa, é wenyané kɛlɛ Gakelebale ma.

Jérémi 50:25

Gakelebale élé gulidanfɛnu pagi?-?kɔn lɛ so, yé élé bli fli gulidanfɛnu si a gi; naa, Mizan lai sunyanu lé Gakelebale lé nyanama lé é a pa Kaldé munu lé tɛrɛ la, yee lé ke bɛ.

Jérémi 50:44

Ka ye, wo nyanézannu éé giéan Juudɛn yuu gɔnu tɔbɔlenu ma bélé golizra zo, yé woo giéan nyanana plɛplɛ ma. Kele tɔɔn maa dan wo bin lɛ yé mi lé maa si a va, maa dan ’bɛ dɔ lɛ a nwiin. Naa, de ɛ ke bélé maa zoo? De ɛ dan an béli dɔ lɛɛ? Yé minwiinzan kyɛn ɛ dan dɔ lɛ an maa?

Jérémi 51:11

’Kalé dinnu lɛ vɔ, ’ka kun ka botakuunfɛ ma; Gakelebale ɛ Médi munu nwiinzan blɛn bli nwa, é sɔ a lɛ léé, é Babilɔn sɛrɛ, azama. Naa, Gakelebale lé we lɛgi pale lé; a bangikɔn lé we lɛgi pale lé.

Jérémi 51:14

Lai sunyanu lé Gakelebale ébo ’nyɔɔn léé: Iin, maa dan i nyanézannu fan lɛ bélé gangannu zo, yé wo dan nwa lɛ i ma gulidan siaalenu nya.

Jérémi 51:24

Wenaané faa lé Babilɔn munu valé Kaldé munu faa a kɛlɛ Siɔn lɛ ka yuɛ gi, maa dan a lɛgi pa lɛ wo ma. Maa Gakelebale ɛ ke a fena.

Jérémi 51:25

Gakelebale léma: Bé ye, bii Babilɔn, migyɛgɔ, bii lé i tɛrɛ faa sɛrɛ, maa a i ma. An dan an bɛ soi lɛ i ma; maa dan i burula lɛ yé i si gɔlɛgɔnu nwiin, yé maa i kɛlɛ gɔ lé kyɛ a ble, a nya.

Jérémi 51:30

Babilɔn lé sunyanu daan gulidanle ma, wo vɔ wolé yɔɔna plɛplɛnu na; wo fuu si wo ta, wa bélé lomu zo. Wo kyɛ vɔ wo nyanana, wo wolé kɔn lɛ tan foliɛwɔlɛnu yéli.

Jérémi 51:36

Bɛwemalé Gakelebale léma: Maa dan bɔ lɛ i va; maa dan ilé we lɛgi pa lɛ, maa dan Babilɔn wɛyi guru gi ga lɛ; maa dan alé ’yibɔna dɔ lɛ.

Jérémi 51:44

Maa dan we lɛdɔ lɛ Bɛl gi Babilɔn; maa dan fɛblele so lɛ a ’léé, yé bɛnnu ’ka dan yoro lɛ a vazia é dɛrɛ lo. Babilɔn zi gɔrɔ boen dia;

Jérémi 51:58

Lai sunyanu lé Gakelebale léma: Wo dan Babilɔn lé gɔrɔ laala blɛnnu zana lɛ a gi, Wo dan alé duoli torolenu kyɛ ble lɛ; ’Bɛ gi léé, alé munu nyanama pa é pla; Bɛnnu wɔlɛ gi nyaa wo ma é pla, é kɛlɛ kyɛ zé nya.

Jérémi 51:6

’Ka fwi Babilɔn, yé ka faa é vo é yuɛma, dé ka da zamaga wo a sɛrɛbléyi va. Naa, é a Gakelebale lé we lɛgi pabléyi nya; é dan alé we lɛgi pa lɛ a kɛlɛwenu yɛrama.

Jérémi 51:64

yé i dan a fe lɛ léma: A zo duo lé Babilɔn é dan san lɛ ’yi wuo. We tɔntɔnnu lé maa dan wo bɔ lɛ a ma, é ’ka dan so lɛ wo gi lo; a tamunu fuu é dan si lɛ wo ta yé wo dan dia lɛ. Jérémi lé we nyaana lé ke bɛ.

Jérémi Lé Wuvɔ Sɛbɛ 5:6

Ko bɛ soi Éjipiti valé Asiri vazia, léé, Wo fɛblele nɔ ko lɛ.

Ézékiɛl 17:18

É bale ’nyɔɔnle ye boawe nya, yé é gipawe sɛrɛ, dɔlé ’té é a nyi si é vinin, yé é we ’konu faa kɛlɛ. É ’ka dan so lɛ we ’ko lee lilo.

Ézékiɛl 21:22

Yé maa é ziin, maa dan an bɛ gyɛ lɛ, yé an wɛwɛ dɔle lɛ é dan sɔɔ lɛ. Maa Gakelebale, maa ɛ fe.

Naum 1:2

Gakelebale a maawobale nya; é ézé lɛgi paan; Gakelebale é ézé lɛgi paan, a wɛwɛ a é baba. Gakelebale é ézé lɛgi paan ’é mazannu ma, Éé é nyanézannu va we paan é bli gi.

Matio 7:2

Bɛan zo lé i mi bɛ ma we blé, a bɛ duo gi lé wo dan i ma we ble lɛ. I fɛ no mi lɛ fɛan zo, a zo lé wo dan izé nɔ lɛ.

WENÉNÉ LÉ LUK A GYE (Évangile selon Luc) 21:22

Naa, ’bɛ yinu é dan kɛlɛ lɛ we lɛgi pa yinu nya, we faa lé wa gyɛ sɛbɛ gi, a lɛsɔɔle we ma.

Rom munu 12:19

An blibɔmamunu, té ka kabozen lé we lɛgi pa lo; naa, ’ka ’bɛ vo Kazambale lé bliflile lee. Naa, é a é gyɛle sɛbɛ gi léé: Mizambale léé: Maa ɛ we lɛgi paan; maa ɛ mi banwoo.

Rom munu 3:5

Naa, dé kolé weple éé Kazambale lé we tegele nagɔɔn‐an wéiin, ’té mɛ we lé ko féé? Dé Kazambale éé we lɛgi paan, ’té éé weple kɛlaa? Gba! Maa a wefena mi lé wefebɛ gi. Dé é kɛlɛ ’bɛ zo, ’té Kazambale éé tɛrɛlamunu lé we blé kaa?

Bélidɔwesɛbɛ Fiézan 32:35

Dé wo saan Maa ɛ lɛ gi paan, maa ɛ wo banwoo. Naa, wolé we tɔntɔn ye yi bié é pu, Yé we lé é ke wo lɛbɛnna, é ’ka dan mɔn lɛ lo.

Bélidɔwesɛbɛ Fiézan 32:41

Dé maa anlé gwɔun lɛ vɔ Yé dé an kun we tegele kɛlɛle ma, Maa dan anlé we lɛgi pa lɛ an mazannu ma, Yé an dan we lɛdɔ lɛ an zapamunu gi;

Bélidɔwesɛbɛ Fiézan 32:43

Bɛnnu, ’ka alé munu tɔ zin fe lɛrɛ vɔle nya. Naa, Gakelebale é wuozannu nyɛ lɛgi paan, Yé é we lɛgi paan ’é mazannu ma, Yé alé tɛrɛ koo, alé munu koo, Éé wolé wenyané ’yiboo.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

SEBE LÉ JAK A GYE (Épitre de Jacques) 2:13

Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.

Jozué 6:20

Munu siaa plɛplɛ yé Balebanzannu béli fɛn. Munu béli vun ’ma aan wo, wo siaa plɛplɛ, yé flagɔrɔ zana yé munu faa do do wɔra fla tegele. Wo fla si,

Jozué 6:5

Dé wo béli fɛn, yé ka béli dére ’ma, munu faa ’é siaa dére plɛplɛ nya. Tɔɔn, wolé fla zi gɔrɔ é dan zana lɛ, yé ka faa do do é dan wɔra lɛ tegele.

Wegɔɔnle 16:6

Naa, wo Kazambale lé munu valé balelayemunu nyɛ zana, amalé ilé nyɛ nɔle wo lɛ yé wa mini yara lé.

Wegɔɔnle 18:6

’Ka a banwo bélé fɛan zo lé éé mi banwoo, a zo, yé ’ka a nɔ a lɛ gɔnɔ fié a kɛlɛwenu yɛrama. Kana lé, é fɛ zén a gi, ’ka azé zén a gi gɔnɔ fié.

Wegɔɔnle 19:2

naa, alé weblelenu a webozen valé we tegele nya; gɔnégini le baba lé, é tɛrɛ sɛrɛ élé pɛnpɛnnégyɛle nya, é alé we ble, yé ’é wuomunu nyɛ lɛgi pa a ma.

1 Samuɛl 15:33

Samuɛl léé: Ilé gwɔun nénu si lomu lee fɛan zo, a zo duo lé i bu é dan vuru lɛ é be ma lomu méléna. Yé Samuɛl Agaga bɔi é kuru nya Gakelebale ’lɛ, Gilgal.