Jérémi 50:11 - Kazambale lé Sebe Sauunu 1979

¹¹ Iin, ka lé, ka ’wii anlé tɔnɔ ta, ka gi ’é nana yé ka bli ’é vo drɔɔ. Iin, ’ka fɔrɔ bélé diridané lé éé fɔrɔan luyɛ gi, a zo. ’Ka siaa bélé wisoonu lé wo fuu ke wo ta, a zo.

Jérémi 50:11 ပူးပေါင်းရင်းမြစ်များ

Lɛrɛvɔ Sɛbɛ 22:12

Dé kleblele bɔ an ma, Dé mi do kpen ’ka da lɛ bɔ lɛ an va lo, té i si an ma baa lo.

Wegɔnévɔlenu 17:5

Mi lé éé we nanaan nyanégyɛzan ma, é a a Kɛlɛzan sɔnɔna, mi lé a gi éé nanaan blikyɛdɔwe ma, é ’ka dan vuru lɛ we lɛdɔle ’é gi ma lo.

Ézai 47:6

An bli fli anlé munu ma, Maa anlé tɔnɔfɛ kɛlɛ boafɛ nya, Yé maa wo pa i lee; I nyanai ’ka zén lɛ wo ta lo, I kɔné bɛnzan dɔ gɔné segele nwiin.

Ézai 47:8

Le nɔnɔmi kaii lé i nyanaan ibo ma duaa, ’Té bé fé i bli gi léé, Maa lé, maa, maa do kpen ɛ ke ana, Maa ’ka dan kɛlɛ lɛ gyɛzarale nya monomono lo. An ’ka dan vuru lɛ nénu ma lo, ’I tɔné dɔ sin.

Jérémi 12:14

An zi bɛn nyanénu lé woo nwaan tɔnɔfɛ lé Bale a nɔ élé munu Izraɛl lɛ, a ma bɛ, Gakelebale wo ma we fe yé é léma: Ka ye, maa dan wo si lɛ wolé tɛrɛ la, yé maa dan Juda munu si lɛ wo méléna.

Jérémi 46:20

Éjipiti a bélé dirida boroné zima zo, (Misɛrɛzan éé sié yirinwana bɛbolazia, é a dana.)

Jérémi 46:21

Éjipitinu lé nyanamapamunu é ziin, wa Éjipitinu méléna bélé diriné bualenu zo. Yé wo é ziin, wo ’wo lala dɔa yee misɛrɛzan lɛ, wo faa fwila ’bɛnu ’lɛ; Wo ’ka guli vɔ lɛ ’bɛnu lɛ lo. Naa, wolé yi nyané é dan bɔ lɛ wo ma, Bléyi lé woo we lɛdɔa wo gi, yee lé.

Jérémi 5:28

Woo buaan, wo kɔlɛ éé bié wo ta planplan; wolé wenaané kɛlɛle éé giéan é glɛ la; wo ’ka dɔa tigalazannu valé bugalazannu zuo lo, yé ’bɛ faa nyian éé woo wo ma; wo ’ka we tegele kɛla nyanégyɛzannu lɛ lo.

Jérémi 5:8

Wa bélé wisoogɔnénu lé wo ke é buale, ’té woo vlanburuwo ’ko valé ’ko, wo zo. Wo faa do do a siaana ’wo bɔlu bɛ na zuo.

Jérémi 50:17

Izraɛl a ’bla sanle lé golizra a zuo bin‐é, a nya; Asirinu nwiinzan blɛn a ble é vinin, yé é voéla ’ko, Babilɔn nwiinzan blɛn Nébukanɛsaa a wɔlɛnu yéli.

Jérémi 50:27

’Ka dirigɔnénu faa gyɛ, ’ka wo bɔrɔ bo. Wenaané kɛlɛ wo lɛ ma, naa, wozé yi bɔ; we lɛdɔ wo gi bléyi bɔ.

Jérémi Lé Wuvɔ Sɛbɛ 1:21

Wo anlé bamaflinle ’ma, yé mi do ’ka an tɔrɔ paa lɛ lo; An nyanézannu faa anlé we tɔntɔnnu ’ma; Wo gi nana léé, bé kɛlɛ é zima; Naa, yi lé bé zana dɔɔ, léé, wozé ’é kɛlɛ bélé anzé zo, a yi ’é bɔ ma.

Ézékiɛl 35:15

Wo Izraɛl munu lé tɔnɔfɛnu sɛrɛ, yé i gi nana ’bɛ lé we ma, amalé maa dan izé kɛlɛ lɛ a zo; Séii gɔ, i dan kɛlɛ lɛ fɛna tété nya, bii valé Édom tɛrɛ faa nya. Yé wo dan a gi dɔɔ lɛ léé, maa ɛ ke Gakelebale nya.

Ézékiɛl 36:5

Mizan Gakelebale léma: Iin, anlé maawole nwa wo ma bélé kyɛ zo; maa a we fena bɛn bɛnu valé Édom tɛrɛ faa lɛ. Wo lé wo anlé tɛrɛ si wozé nya, ’wiile ana fɛnu ta we ma bɛ, ’té wo gi éé nanama, ’té woo serele boo anlé tɛrɛ ma wo bli gi bɛ, maa a we fena wo ɛ lɛ.

OZÉ (Osée) 10:11

Éfraim a bélé diridané lé wo pla a nwiin, a zo, ’té ’sa sunwole sɔ a lɛ, a zo. Sin, maa dan bɔrɔmayili vɔ lɛ a bɔrɔ nɔnɔmi ma. Maa dan nyanamapafɛ vɔ lɛ Éfraim bɔrɔ ma, Juda é dan nyanama pa lɛ, Jakɔb é dan tɛrɛ ta bɔ lɛ ékema.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Abudias 1:12

Té i gi é nana i bwe lé nyanébleyi nya lo; yian nya lé we tɔntɔn bɔ a ma, té i gi é nana lo. Yian nya lé Juda munu lé fɛna vo é ’bin nya, té i gi é nana ’bɛ ma lo. Wolé klebleyi nya, té i ’léé blɛnblɛn vɔ wo ma lo.

Abaku 1:15

Wo nyanézan éé wo faa gya kɔ nya; éé wo ganaan élé séli nya. Éé wo zén‐é ékeva élé duɛ gi, ’té a gi éé nanaan, ’té a gi a drɔɔ.

Zakari 14:12

Munu faa lé wo dan guli dan lɛ Jérusalɛm va, bawurumagyɛ lé Gakelebale é dan a vɔ lɛ wo ma, yee lé ke ’ko: Wo wi é dan vɔn lɛ, ’té wa tan é yuɛma, wo yuɛnu é dan vɔn lɛ é koro gi; wo nɛnɛ é dan vɔn lɛ wo ’léé.

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,