Jérémi 50:10 - Kazambale lé Sebe Sauunu 1979

¹⁰ Wo dan ’wii lɛ Kaldénu lé tɛrɛ la. Munu faa lé wo ’wii tɛrɛ ’ko la, wo dan kan lɛ. Maa Gakelebale ɛ ke a fena.

Jérémi 50:10 ပူးပေါင်းရင်းမြစ်များ

Ézai 33:23

Bii a bélé bato zo, i ma balenu fuo sin. Wo ’ka dan i gwagɔné yere lɛ é dɛrɛ lo, yé wo ’ka dan sɔ dun lɛ i ma é dɛrɛ lo. Ka dan gulizarafɛ guli lɛ; ganesuruzan boen, é dan ézé ye lɛ.

Ézai 33:4

Wo ilé gulizarafɛ si bélé flɛlɛ gaan éé ’sa blé fɛan zo, a zo; wo zén a ta bélé flɛlɛ gaan éé zén‐é fɛ ta fɛan zo, a zo.

Ézai 45:3

Maa dan fɛwezan yɔɔlenu nɔ lɛ i lɛ, ’Bɛ valé fuafɛ yɔɔlenu nya, Ilé a gi dɔɔle we gi léé, Maa a Gakelebale lé maa i laa i tɔ nya, a nya, Maa a Izraɛl lé Bale nya.

Jérémi 25:12

Naa, lɛɛ yɔ yaa wɔlɛ vu ’konu nyaale zuo, maa dan we lɛdɔ lɛ Babilɔn nwiinzan blɛn valé bɛn ’ko gi, wolé weplenu lé we ma. Maa dan we lɛdɔ lɛ Kaldé tɛrɛ la munu gi, yé maa dan wo sɛrɛ lɛ lɛɛ faa zé nya. Maa Gakelebale ɛ ke a fena.

Jérémi 27:7

Bɛnnu faa é dan pla lɛ a wuo, yee koo, a be koo, a néné koo, wo dan pla lɛ wo wuo fɔɔ yé wozé bléyi é nyaa, ’bɛ zuo yee Babilɔn tɛrɛ é dan pla lɛ bɛn plɛplɛ bɛnu valé minwiinzan blɛn bɛnu wuo.

Jérémi 50:26

’Ka si Babilɔn zi fɛfaana yé ’ka bɔra fla; ’ka alé fɛtadɔboonu lɛ so; ’ka wo gifɛ zun dɔ bélé ’sanwun zun dɔle zo yé ’ka a sɛrɛ tata. Té alé fɛ do kpen é vo ana é dɛrɛ lo.

Jérémi 50:37

’Wo gwɔun sia alé wisoonu valé alé gulidanmunu ma, Munu gɔnɔ faa lé wo ke a va, ’wa sia wo ma ma; ’Wo kɛlɛ bélé lomu zo ma. ’Wo gwɔun sia wolé fɛwezannu ma, ’wo wii wo ta ma.

Jérémi 51:24

Wenaané faa lé Babilɔn munu valé Kaldé munu faa a kɛlɛ Siɔn lɛ ka yuɛ gi, maa dan a lɛgi pa lɛ wo ma. Maa Gakelebale ɛ ke a fena.

Jérémi 51:35

Munu lé woo nyanaan Siɔn, wo léma: Glawenu lé wa kɛlɛ ko lɛ koo, ko wi kinile ékema koo, ’é dia Babilɔn ta. Jérusalɛm munu léma: Ko nyɛwe ’é dɔ Kaldé munu nwiin ma.

Ézékiɛl 11:24

Yuɛzi gi mi, Bale Léli an si yé é go an nya luugimunu va Kaldé tɛrɛ la, yé yuɛzifɛnu lé maa a ye é vinin é san an ta loru.

Abaku 2:8

Naa, i ’wii bɛngɔnɔ kiɛre ta, amalé migɔnɔ pɔnénu é dan ’wii lɛ i ta. Naa, i munu nyɛ zana, yé i glawe kɛlɛ tɛrɛ ’ko la flanu valé wotazannu lɛ, azama.

Wegɔɔnle 17:16

Béli vu lé bé ye, wo valé wi, wo dan gɔnégini le za pa lɛ, yé wo dan ’bɛlé fɛnu faa si lɛ, yé wo dan ’bɛ poro lɛ, yé wo dan ’bɛ wi ble lɛ, yé wo dan ’bɛ kyɛ ble lɛ.