Jérémi 5:8 - Kazambale lé Sebe Sauunu 1979

⁸ Wa bélé wisoogɔnénu lé wo ke é buale, ’té woo vlanburuwo ’ko valé ’ko, wo zo. Wo faa do do a siaana ’wo bɔlu bɛ na zuo.

Jérémi 5:8 ပူးပေါင်းရင်းမြစ်များ

Wepélisiananu 39:9

Yeebozen ’ka blɛn yé é mini maa ta kɔn ’ko gi lo; yé é ’ka fɛ do kpen yi ga lɛ an lee lo, ’té dé é ’ka bii do nya lo; bii a a na nya, azama. An kɛla kaa yé an ’bɛ zo wenaané blɛn kɛlɛ yé an wenyané kɛlɛ Kazambale maa?

JOB (Job) 31:9

Dé le do an ’wuo sɛrɛ, Dé maa an bɔluzan na gini,

Fwile 20:14

Té i le bɛ gini lo, té i gɔné bɛ gini lo.

Fwile 20:17

Té i bli é bɔ mi bɛ lé kɔn ma lo; té i bli é bɔ mi bɛ na ma lo; a wuogɔné koo, a wuole koo, alé diri koo, alé sokofale koo, alé fɛnu koo, té i bli é bɔ wo va fɛ do kpen ma lo.

Wegɔnévɔlenu 6:29

A zo duo lé éé kɛla mi lé é go é bɔluzan na vazia, a lɛ; mian é bɛ mane a ma, é ’ka dan vo lɛ é pla lo.

Jérémi 13:27

Maa ilé mi bɛ naginilenu ye, yé maa i wele a zuo ’ma; ilé wenaané lé bé kɛlɛ pɛnpɛnné gyɛle nya gɔpanénu nwiin valé féinu ta, maa wo ye; maa ilé bozowenu ye. Bii Jérusalɛm, we tɔntɔn kɛlɛ i lɛ; i tiri é dan vo lɛ é dɔle yifaamaa?

Jérémi 23:10

Naa, tɛrɛ la fan gɔné ginile valé le ginile nya; Bale a é pale tɛrɛ ’ko la munu ma, amalé gyɛbole ke; Winu lé fɛblena lé é ke bwi la, ’bɛna lu a é gale. Munu éé vlan buruwo wenaané kɛlɛle we ma, Plɛplɛ lé é ke wo lee, é a weple saa kɛlɛfɛ nya.

Jérémi 29:23

Wo tɛrɛgyɛwe kɛlɛ Izraɛl tɛrɛ la; wo ’wo bɔlu bɛ na gini, yé wo vié wo an tɔ gi, dɔlé ’té maa ’ka wo béli dɔ lɛ ’bɛ nya lo, amalé we ’konu é dan bɔ lɛ. Maa a gi dɔɔ yé maa a anayezan nya. Maa Gakelebale ɛ ke a fena.

Jérémi 50:11

Iin, ka lé, ka ’wii anlé tɔnɔ ta, ka gi ’é nana yé ka bli ’é vo drɔɔ. Iin, ’ka fɔrɔ bélé diridané lé éé fɔrɔan luyɛ gi, a zo. ’Ka siaa bélé wisoonu lé wo fuu ke wo ta, a zo.

Jérémi 9:2

Oo, dé é vo léé, kɔn do a an lee bwi gi giézannu nyanana nya, ’Té an sɔn vɔ anlé munu ma yé an si wo ma baa; Naa, wo faa a le bɛ valé gɔné bɛ ginizannu nya; Wa dabli munu nya.

Ézékiɛl 22:11

Bii fla ’ko ta lé mi faa do do ’wobo no bozowenu kɛlɛle lɛ ’wo bɔluzan na va. Mi faa do do ’wobo tiri dɔa wenyané kɛlɛle nya wo be nanu va; mi faa do do é ’ébo tiri dɔa tɛrɛgyɛwe kɛlɛle nya ébo ti giné va.

Bélidɔwesɛbɛ Fiézan 5:18

Té i le bɛ gini lo; té i gɔné bɛ gini lo.

Bélidɔwesɛbɛ Fiézan 5:21

Té i bli é bɔ i bɔluzan na ma lo; alé kɔn koo, alé féi koo, a wuogɔné koo, a wuole koo, alé diri koo, alé sokofale koo, dé é a alé fɛofɛan nya, té i bli é bɔ a do kpen ma lo.