Jérémi 5:7 - Kazambale lé Sebe Sauunu 1979

⁷ Maa kɛla kaa ’naan, yé an ka ma we voo? Kalé nénu sɔn vɔ an ma, Yé vié balenu lé wo ’ka lo, woo wo ’nyɔɔn‐an. Maa fɛ kiɛre nɔ wo lɛ, naa, woo goo gɔné bɛ gini lɛ. Woo wɔraan gɔnégini le lé kɔn gi wo gu nya.

Jérémi 5:7 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 13:9

Arɔn benu, Gakelebale banzannu valé Lévinu, ka ’ka wo bin lɛ loo? Yé balebanzannu lé ke bélé tɛrɛ bɛ la munu zé zo, ka ’ka wo kɛlɛ lɛ kazé nya loo? Dé miomian da dirigɔné boroné valé ’blagɔné sɔrafié nya, léé, ’ka ’é kɛlɛ balebanzan nya, ka ’bɛzan kɛla fɛ lé é ’ka Bale nya lo, a banzan nya.

JOB (Job) 31:12

É a bélé kyɛ lé éé fɛnu faa blé, a zo, Yé é a kɔɔn lé é anlé fuafɛnu faa sɛrɛ.

Lɛrɛvɔ Sɛbɛ 50:18

Dé i kyeenwozan ye, i nanaan a va, Yé bii valé leginimunu péli a do.

Jérémi 12:16

Dé anlé munu kɛlɛwe vɔ wo lee, dé wo an tɔ ’nyɔɔn a fele nya léé: Gakelebale a é yuɛma, bélé fɛan zo lé wo Baal ’nyɔɔnle paa anlé munu gi bɛ, a zo, ’té wo gi é dan nana lɛ zin yele we ma anlé munu méléna.

Jérémi 13:27

Maa ilé mi bɛ naginilenu ye, yé maa i wele a zuo ’ma; ilé wenaané lé bé kɛlɛ pɛnpɛnné gyɛle nya gɔpanénu nwiin valé féinu ta, maa wo ye; maa ilé bozowenu ye. Bii Jérusalɛm, we tɔntɔn kɛlɛ i lɛ; i tiri é dan vo lɛ é dɔle yifaamaa?

Jérémi 16:11

Yé bé zi pa wo lɛ léma: Gakelebale léma: Ka tranu sɔn vɔ an ma, ’té woo goo bale bɛnu zuo, yé wo wo bɔ yé wo dia wo bli la wo ’lɛ; wo sɔn vɔ an ma yé wo ’ka tawo lɛ anlé bélidɔwe ta lo.

Jérémi 16:20

Blami é bɔalɛ léé, é balenu kɛlɛɛ? Naa, bale ’konu ’ka balebozen nya lo.

Jérémi 2:11

Bɛn lé é ézé balenu tavɔɔan Dɔlé ’té wo ’ka bale bozennu nya lo, ’bɛ bɛn a kyɛɛn? Naa, anlé munu wozé Fuabale tavɔɔ yonu lé wo ’ka bɔa mi va lo, wo nya.

Jérémi 2:31

Bléyi ’ko va munu, ’ka bɔn‐in bɔrɔ Gakelebale dére ma. Maa kɛlɛ bélé nyéné saa lé fɛna zo Izraɛlnu lɛɛ? Maa kɛlɛ bélé tɛrɛ lé gunuti tiritiri ke é sɔɔlale a ta, a zoo? Mɛmalé anlé munu a fena léé: Ko a kobo ma, ko ’ka a va léé, ko nɔla i va é ziin loo?

Jérémi 23:10

Naa, tɛrɛ la fan gɔné ginile valé le ginile nya; Bale a é pale tɛrɛ ’ko la munu ma, amalé gyɛbole ke; Winu lé fɛblena lé é ke bwi la, ’bɛna lu a é gale. Munu éé vlan buruwo wenaané kɛlɛle we ma, Plɛplɛ lé é ke wo lee, é a weple saa kɛlɛfɛ nya.

Jérémi 3:19

Maa léé: Maa kɛla kaa yé maa i pa anlé nénu va, Yé an tɛrɛ nyɔnɔzan nɔ i lɛ, Tɔnɔfɛ lé é ke é nɔnɔmi é mini bɛn tɛrɛnu faa ta, yé maa a nɔ i lɛɛ? Maa léé, ka dan an laa lɛ, ka ti, Yé ka ’ka dan diéra lɛ an zuo lilo.

Jérémi 3:8

Izraɛl lé é ’ka vo an wuo lo, maa a bɔra élé gɔnéginile faa lé we ma, yé maa a bɔrasɛbɛ nɔ a lɛ. Naa, duowo, maa a ye léé, a buru Juda lé éé gilawe kɛla, é ’ka kana lɛ monomono lo, naa, é go gɔné gini lɛ é ziin bélé Izraɛl zé zo.

Jérémi 7:9

Mɛ ɛ kɛlɛɛ? Ka kyeen woo, ka mi gya, ka mi bɛ na valé mi bɛ zana ginian, ka bale ’nyɔɔn‐an vié nya, ka lasikɔrɔpo kyɛ blé Baal lɛ, ka goo bale bɛnu lé ka ’ka wo dɔɔa lo, wo zuo.

Jérémi 9:1

Yiba! dé é kɛlɛ kɔɔn léé, an ’wuo a é fanle ’yi nya, Dé an yuɛ a kɔɔn ’yibɔna zo, ’Té maa dan anlé munu galenu wuvɔ lɛ, Bladi nyanadi.

Jérémi 9:2

Oo, dé é vo léé, kɔn do a an lee bwi gi giézannu nyanana nya, ’Té an sɔn vɔ anlé munu ma yé an si wo ma baa; Naa, wo faa a le bɛ valé gɔné bɛ ginizannu nya; Wa dabli munu nya.

Jérémi Lé Wuvɔ Sɛbɛ 3:42

Ko wenyané kɛlɛ, ko nwa Bale ma, I ’ka ko ma we vo lɛ lo.

Ézékiɛl 22:11

Bii fla ’ko ta lé mi faa do do ’wobo no bozowenu kɛlɛle lɛ ’wo bɔluzan na va. Mi faa do do ’wobo tiri dɔa wenyané kɛlɛle nya wo be nanu va; mi faa do do é ’ébo tiri dɔa tɛrɛgyɛwe kɛlɛle nya ébo ti giné va.

OZÉ (Osée) 11:8

Éfraim, maa dan kɛlɛ lɛ ilé we ma kaa? Izraɛl, é a lé maa i pa mi bɛ lee? É a lé maa a kɛlɛ i lɛ bélé Adima zoo? É a lé maa we kɛlɛ i lɛ bélé Séboim zoo? An bli a diana an gi, An nyanai faa a zénna.

OZÉ (Osée) 13:6

Wo kan wo blefɛ nya; wo kan yé wo blii boblɛn nya, bɛwemalé an sele saan wo gi.

OZÉ (Osée) 4:2

Bale ’nyɔɔnle vié nya koo, viéwole koo, nɔmaga wole koo, kyeenwole valé leginile koo, ’bɛ saa ɛ ke ana. Wa glawe kɛlɛna, ’té woo goo migyɛle nya é ke la mi.

OZÉ (Osée) 7:4

Wo faa a mi bɛ na ginizannu nya; wa bélé burukɛlɛzan lé ’furu lé é tana, a zo; Wa yɔɔ zɔn aan wo, wo ’ka kyɛ bɛ zén lɛ a ta lo fɔɔ buruyɔɔ nwa, a zo.

Lévinu 20:10

Dé mi do wenyané kɛlɛ gɔné na va, dé é wenyané kɛlɛ é bɔlu do na va, ’wo we lɛdɔ gɔnézan valé gɔné gini le gi ga nya.

Amɔs 8:14

Samarinu lé wenyané lé ke ’wolé yonu nya, woo ’bɛnu ’nyɔɔn‐an yé wo léé: Dan, ilé bale tɔ gi, Bɛɛ‐Sééba zi, i tɔ gi; naa, munu faa lé wa kɛla a zo, wo dan dia lɛ yé wo ’ka dan nwa lɛ é dɛrɛ lo.

Sofoni 1:5

Munu lé woo diaan ’wo bli ta kɔnnu nwiin lagifɛnu ’lɛ, munu lé woo diaan ’wo bli ta Gakelebale ’nyɔɔnle nya, ’té wo nwiinzan blɛn tɔ ’nyɔɔn‐an,

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

1 Korent munu 6:9

Ka ’ka a gi dɔɔa léé, mi plenu ’ka dan tɔnɔ ble lɛ Kazambale lé fuatɛrɛ la lo loo? Té ka saan we ’ko gi lo. Pɛnpɛnnégyɛzannu koo, miyilibɔzannu koo, le bɛ valé gɔné bɛ ginizannu koo, wizowe kɛlɛmunu koo, wevɔnle kɛlɛmunu koo,

1 Korent munu 8:4

Yobanwi blele lé we a ’ko zo: ko a gi dɔɔ léé, miyili ’ka we do nya tɛrɛ la lo, yé Bale a do kpen.

Galasi munu 4:8

É li, ’té ka ’ka Kazambale dɔɔa lo, ’té balenu lé wo ’ka bale bozennu nya lo, ’té ka wo bɔa.

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,

Bélidɔwesɛbɛ Fiézan 32:21

Wo anlé maawole nwa fɛnu lé wo ’ka bale nya lo, wo nya, Yé wo an bli fli wolé miyili planu nya; Yé maa, maa dan wolé maawole nwa lɛ, munu lé wo ’ka mi nya lo, wo nya, Yé maa dan wo bli fli lɛ, bɛn lé é ke ’tugyɛbɛn nya, a nya.

Ébrunu 13:4

Munu faa ’é kalé le sile valé bo sile tɔ zin fe ma; té kalé yialafɛ tiri ’é dɔ lo ma. Naa, pɛnpɛnnégyɛzannu koo, le bɛ valé gɔné bɛ ginizannu koo, Kazambale é dan wolé we ble lɛ.

SEBE LÉ JAK A GYE (Épitre de Jacques) 4:4

Ka a bélé le bɛ valé gɔné bɛ ginizannu zo. Ka ’ka a gi dɔɔa léé, tɛrɛla sɔle mi lɛ éé mi kɛla Kazambale nyanézan nya loo? Bɛwemalé, dé mian éé tɛrɛlawe kɛla ’é béé nya, ’té é a ébo kɛlɛna Kazambale nyanézan nya.

Jozué 23:7

Bɛn ’konu lé wo vo ka méléna, té ka vɔɔ wo nya lo, té ka wolé balenu tɔ fe lo, yé té ka bale ’nyɔɔn wolé balenu tɔ nya lo, té ka wo bɔ lo, yé té ka dia wo ’lɛ lo.