Jérémi 5:6 - Kazambale lé Sebe Sauunu 1979

⁶ Amalé pɔrɔ gi golizra éé wo gya, Bwila glau éé wo wi kinié ékema, Kua a wo mavɔɔna wolé flagɔrɔ ’léé, Munu faa lé woo sié fla, é dan wo wi kini lɛ ékema; Naa, wo bélidɔwe sɛrɛ di, Wo yuɛgiblanle gi gyɛ.

Jérémi 5:6 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:14

Balebanzannu nwiinzannu faa valé munu ’wolé bélidɔwe sɛrɛle gi gyɛ bɛngɔnɔnu faa lé bozowenu yɛrama, yé Gakelebale lé kɔn lé wa pa é yɛrama Jérusalɛm, wa sɔnnénu sɛrɛ.

Ezidras 10:10

Balebanzan Ezidras nwa yé é lé wo lɛ léé: Ka wenyané kɛlɛ bɛnlomu sile nya ka nanu nya, yé we lé é ke é dɔle Izraɛlnu nwiin, ka a gi gyɛ.

Ezidras 9:6

yé maa léé: Anlé Bale, an gi blin an ma, yé oo, anlé Bale, yara an gya an yara nwale i vazia we ma; naa, kolé weplenu fan ko nwiin, yé ko nwiinwenu nwa fɔɔ la gi.

JOB (Job) 10:16

Dé é dɔ an gi léé, maa an ’wuo nwa, i an zuo bin‐é bélé golizra zo, I an bla é ziin ilé we blɛnblɛn kɛlɛle nya,

Lɛrɛvɔ Sɛbɛ 104:20

I dan gunutinu nya yé béli éé taan, ’Té pɔrɔgiwinu faa zén tawole va;

Lɛrɛvɔ Sɛbɛ 80:13

Mɛmalé i a zi gɔrɔ zana a gii? Yé giémunu faa a poro soo?

Ézai 1:23

Ka nwiinzannu a nwamimazannu nya yé wa kyeenwozannu béénu nya. Blɛfɛ sɔ wo faa lɛ, ’té woo vlan buruwo tɔnɔfɛnu zuo. Wo ’ka we tegele kɛla ti valé bu galazannu lɛ lo, yé wo ’ka zanagalalomu lé we blé lo.

Ézai 59:12

Naa, ko ilé bélidɔwenu sɛrɛ kiɛre i yuɛ va, yé kolé wenyané a ko ma wefezan nya. Ko a kolé bélidɔwe sɛrɛlenu nya do, yé ko kolé wenyané blɛn dɔɔ.

Jérémi 14:7

Dé kolé weplenu éé kɛla ko ma kolé wenayezan nyaoo, Gakelebale ’i we kɛlɛ i tɔ lé we ma; Naa, ko yuɛ gi blan namɔn, Ko wenyané kɛlɛ i ma.

Jérémi 2:15

Golizra boronénu éé wé wo ma, woo siaan wo ta, Woo ’wiié wolé tɛrɛ ta; Kyɛ wolé flanu ble, mi ’ka nyanaan wona é dɛrɛ lo.

Jérémi 2:17

Bléyian va lé Gakelebale kalé Bale a gona ka nya zi zima ta, Ka sɔn vɔ a ma, amalé we ’ko bɔ ka ma. Azoan é ke loo?

Jérémi 2:19

Kalé we lɛrɛlɛrɛnu kɛlɛle valé kalé yuɛgiblanlenu é dan we lɛdɔ lɛ ka gi, Yé ka dan a ye lɛ yé ka dan a gi dɔɔ lɛ léé, Gakelebale kalé Bale vole, ’té a kana do kpen ’ka zén‐é ka gi lo, ’Bɛ a wenaané valé we lɛrɛlɛrɛ nya. Maa, Mizan, lagi sunyanu lé Gakelebale ɛ ke a fena.

Jérémi 2:31

Bléyi ’ko va munu, ’ka bɔn‐in bɔrɔ Gakelebale dére ma. Maa kɛlɛ bélé nyéné saa lé fɛna zo Izraɛlnu lɛɛ? Maa kɛlɛ bélé tɛrɛ lé gunuti tiritiri ke é sɔɔlale a ta, a zoo? Mɛmalé anlé munu a fena léé: Ko a kobo ma, ko ’ka a va léé, ko nɔla i va é ziin loo?

Jérémi 25:38

É nwa é nyanana, bélé fɛan zo lé golizrané éé nwaan é yiina, a zo; naa, wolé tɛrɛ vo bwi nya, fɛsɛrɛzan wɛwɛ dɔle valé alé bliflile baba lé we ma.

Jérémi 30:14

Munu faa lé i sɔ wo lɛ, wo gi éé saan i ma, Wo va mi do kpen ’ka i gibɔrɔ paan lo, Naa, maa i gyɛ bélé an nyanézan zo; Maa we lɛdɔ i gi gla nya Ilé weple kiɛre lé we ma, Ilé wenyanénu ’léé blɛn lé we ma.

Jérémi 30:15

Mɛmalé i wuvɔa i tuole we maa? Mɛmalé i dunnuan a yaale lé we maa? Ilé weple di valé Ilé wenyané kiɛre Lé we ma lé maa a kɛlɛ léé, i kle ble ’ko zo.

Jérémi 30:24

Gakelebale bli ’ka dan dɔrala lɛ lo, fɔɔ yé a bligiwe lɛ é sɔɔ yé a ’wuo é pla. Ka dan we ’ko gi ’ma lɛ é voéla.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 49:19

Bé ye, é si Juudɛn yuu tɔbɔle gɔɔn ma yé é nwa nyanana plɛplɛ ma bélé golizra zo. Kele tɔɔn, maa kɛlɛ léé, Édom munu é fwi, yé mi lé maa a si a va, maa dan ’bɛzan dɔ lɛ ana. Naa, de ɛ ke bélé maa zoo? De ɛ dan an béli dɔ lɛɛ? Yé minwiinzan lé é dan dɔ lɛ an ma, é a kyɛɛn?

Jérémi 8:5

Mɛmalé Jérusalɛm munu wo wobo no zi sanlenu lé wo glɛ ’ka lo, wo lɛɛ? Woo yara paan dabli kɛlɛle ta, yé woo sɔn vɔa ’wo bli nɔlale ma.

Jérémi 8:7

Bwibalo boen ézé bléyi dɔɔ lanu gi; plala koo, leelené koo, valusanbla koo, wo ’wo gobléyi dɔɔ. Naa, anlé munu ’ka Gakelebale lé bélidɔwe dɔɔa lo.

Jérémi Lé Wuvɔ Sɛbɛ 1:5

Munu lé woo yaan wo ta, ’bɛnu éé minié wo ta; wo nyanézannu vo drɔɔ; Naa, Gakelebale a zun, Wenyané kiɛre lé é a kɛlɛ bɛ, alé we ma; Alé nénu faa luutawo yaawotazannu ’lɛ.

Ézékiɛl 16:25

I yobannanu kɛlɛ zi faa ’léé, yé i nɔnɔmi sɛrɛ. Ibo nɔ giézannu faa lɛ, yé ilé gɔnéginilenu gi gyɛ.

Ézékiɛl 22:27

Alé mi segelenu a wo méléna bélé glaunu lé woo fɛ wi kinié ékema, wo zo. Woo mi nyɛ zanaan, woo mi boennu saan wolé fɛyelɔrɔ sile ’wo ma we ma.

Ézékiɛl 23:19

É ’élé gɔnéginilenu gi gyɛ; é gi bɔrɔ é boroné la bléyi va we ma, bléyian va lé é gɔné gini Éjipiti tɛrɛ la, ’bɛ sele dɔ a gi.

Daniɛl 7:4

a vininzan a bélé golizra zo yé a bɛanu a bélé gola bɛanu zo. Maa a naginina fɔɔ yé wa bɛanu so. Wa nwa tɛrɛ va yé wa dɔ é ganenu ta bélé blami zo, yé wo mi bli vɔ a gi.

Daniɛl 7:6

’Bɛ zuo maa a naginina, yé an wi yaazan ye; é a bélé kua zo, yé a bɛa ziɛn a é dɔle a lala bélé miané zé zo. Wi ’ko ’wuo a ziɛn, yé wo plale mi nwiin se kɛlɛ a lɛ.

OZÉ (Osée) 5:14

Maa dan kɛlɛ lɛ Éfraim munu ma bélé golizra zo; maa dan kɛlɛ lɛ Juda munu ma bélé golizrané zo; maaoo, maa! maa dan a wi kini lɛ ékema, ’bɛ zuo maa dan go lɛ; maa dan go lɛ a nya an lee, yé mi do kpen ’ka dan a si lɛ an lee lo.

Abaku 1:8

Wolé wisoonu lé vlanburule é mini kuanu zé ta, yé wo ta kelekele mini nyanadi glaunu ta. Alé wisootazannu éé giéan boblɛn saa nya; alé wisootazannu si baa, woo sié bélé gola lé é ke baana é gyɛwi ta, a zo.

Sofoni 3:3

Alé minwiinzannu a a va bélé golizranu lé woo gi gunuan, wo zo; alé weblezannu a bélé glaunu lé wo ’ka wi do kpen tadɔa bladi zé nya lo, wo zo.

Mi Nɔnɔle 32:14

Yé ka ye, ka dɔ ka tranu pa gi wenyanékɛlɛzannu nya, yé ka dan Gakelebale bli flile Izraɛlnu ma taa pa lɛ.

Wegɔɔnle 13:2

Wi lé maa a ye, é a bélé kua zo; yé a ganenu a bélé wi blɛn urisi gane zo, yé a ’léé a bélé golizra ’léé zo. Dragɔn lé plɛplɛ koo, alé webleblin koo, alé se blɛn koo, é wo nɔ wi lɛ.