Jérémi 5:5 - Kazambale lé Sebe Sauunu 1979

⁵ Maa dan go lɛ mi segelenu va, yé ’bɛnu lɛ lé maa dan we fe lɛ; Naa, ’bɛnu ɛ Gakelebale lé zi dɔɔ, Yé ’bɛnu ’wolé Bale lé bélidɔwe dɔɔ. Naa, wo é ziin, wo ’wo bɔrɔ ma luubale kini Yé wo si an wuo;

Jérémi 5:5 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:14

Balebanzannu nwiinzannu faa valé munu ’wolé bélidɔwe sɛrɛle gi gyɛ bɛngɔnɔnu faa lé bozowenu yɛrama, yé Gakelebale lé kɔn lé wa pa é yɛrama Jérusalɛm, wa sɔnnénu sɛrɛ.

Fwile 32:25

Moizi a ye léé, munu ’wobo nɔ we vɔɔle lɛ yé Arɔn wo vo wolé we vɔɔle gi, wo gyɛle yara nya wo nyanézanu yara we ma.

Ézai 1:23

Ka nwiinzannu a nwamimazannu nya yé wa kyeenwozannu béénu nya. Blɛfɛ sɔ wo faa lɛ, ’té woo vlan buruwo tɔnɔfɛnu zuo. Wo ’ka we tegele kɛla ti valé bu galazannu lɛ lo, yé wo ’ka zanagalalomu lé we blé lo.

Jérémi 2:20

Ana mɔn ka ka bɔrɔ ma luubale kini Yé ka si luu gi, Yé ka léé: Ko ’ka a va léé, ko vo mi wuozannu nya é dɛrɛ lo; Naa, ka go gɔpanénu faa nwiin Yé ka go yili drɔɔdrɔɔnu faa wuo Yé ka yia wona bélé gɔnégini le zo.

Jérémi 2:31

Bléyi ’ko va munu, ’ka bɔn‐in bɔrɔ Gakelebale dére ma. Maa kɛlɛ bélé nyéné saa lé fɛna zo Izraɛlnu lɛɛ? Maa kɛlɛ bélé tɛrɛ lé gunuti tiritiri ke é sɔɔlale a ta, a zoo? Mɛmalé anlé munu a fena léé: Ko a kobo ma, ko ’ka a va léé, ko nɔla i va é ziin loo?

Jérémi 30:14

Munu faa lé i sɔ wo lɛ, wo gi éé saan i ma, Wo va mi do kpen ’ka i gibɔrɔ paan lo, Naa, maa i gyɛ bélé an nyanézan zo; Maa we lɛdɔ i gi gla nya Ilé weple kiɛre lé we ma, Ilé wenyanénu ’léé blɛn lé we ma.

Jérémi 6:13

Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn éé wo gya. É sia balelayezan ma fɔɔ yé é bɔ Balebanzan ma, wo faa kɛlɛ dablikɛlɛzannu nya.

Jérémi 8:7

Bwibalo boen ézé bléyi dɔɔ lanu gi; plala koo, leelené koo, valusanbla koo, wo ’wo gobléyi dɔɔ. Naa, anlé munu ’ka Gakelebale lé bélidɔwe dɔɔa lo.

Jérémi 9:3

Wo nɛnɛ a é ganale bélé sa zo, ’té woo vié vulian a nya. Dé wa plɛplɛ tɛrɛ ’ko la, ’té webozen‐an é wo dɔ plɛplɛ lo. Naa, woo goo we lɛrɛlɛrɛ kɛlɛle nya, ’té woo goo a kɛlɛle nya, ’Té wo ’ka an dɔɔa lo. Maa Gakelebale ɛ ke a fena.

Ézékiɛl 11:2

Yé Gakelebale lé an lɛ léé: Blami be, munu lé woo gi bɔrɔan weple ma, ’té woo we lɛrɛlɛrɛnu plaan fla ’ko la munu lɛ, wo lé ke bɛ.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Amɔs 6:1

Munu lé wo ke é nyanale drɔɔ Siɔn, ’té wa é nyanale wobo ma duaa Samari gɔ nwiin, we tɔntɔn ’é kɛlɛ wo lɛ ma. Bɛntɛrɛnu va bɛntɛrɛ vininzan lé mi blɛnnu lé Izraɛl éé goo wo va bɛ, woo lé.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Malasi 2:7

Balebanzannu a lai sunyanu lé Gakelebale lé nwunvɔzannu nya. Bale wo nwunvɔ léé, munu ’é wedɔɔle ’ma wo ’léé, yé ’wo bélidɔwe gi laa wo lee.

WENÉNÉ LÉ LUK A GYE (Évangile selon Luc) 18:24

Jézu a ye aan wo léé, a bli kyɛ dɔ, é léé: Munu lé fuafɛnu ke wo lee, wo plale Kazambale wuo a wo ma tɔntɔn.

WENÉNÉ LÉ LUK A GYE (Évangile selon Luc) 19:14

A za a élé tɛrɛlamunu gi, amalé dé é go faa wo munu nwunvɔ a zuo a fele we gi léé: Mi ’ko plale ko nwiin ’ka sɔ lɛ ko lɛ lo.