Jérémi 5:31 - Kazambale lé Sebe Sauunu 1979

³¹ balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi 5:31 ပူးပေါင်းရင်းမြစ်များ

1 Minwiinzannu 22:6

Izraɛl nwiinzan blɛn balelayemunu zén ékeva, wo mi wuru fié bɔa, yé é lé wo lɛ léé: An go guli dan Ramɔt lé ke Galaad tɛrɛ la, a va, taa, é a lé an sɔn vɔ a maa? Yé wa zi pa léé: ’I go, Mizan é dan a pa lɛ minwiinzan blɛn lee.

Wegɔnévɔlenu 17:4

Mi naané éé tɔné dɔa boazan dére lɛ, yé viéwozan éé migyɛzan baan é tɔné nya.

Ézai 10:3

Dé ka guru zanagizannu si baa, ka dan kɛlɛ lɛ kaa welɛdɔmigi yi nyaa? Ka dan vlan buru lɛ mi kyɛn ɛ va, yé ’bɛ é bɔ ka vaa? Ka dan kalé fuafɛnu yɔɔ lɛ kyɛɛn?

Ézai 20:6

Yé wɛyi bɛ do la munu é dan a fe lɛ yi ’ko la léé: Munu lé ko bli ke turu wo lɛ, ’té é dɔ ko gi léé, wo dan bɔ lɛ ko va yé wo ko si Asiri munu nwiinzan blɛn lee, yé we ’ko bɔ ’bɛnu ma, ko dan so lɛ Asirinu lee kaa?

Ézai 33:14

Kana zén wenyanékɛlɛzannu gi Siɔn; Bale lé zi ma wenyanéfezannu ma a nyɔɔnna; ko va mi kyɛn ɛ bɔalɛ léé, é vo kyɛ lé é ke fɛ blena, a sɔnɔɔ? Ko va mi kyɛn ɛ bɔalɛ léé, é vo kyɛnɛnɛ lé é ’ka dirian lo, a sɔnɔɔ?

Ézai 43:27

I tra vininzan wenyané kɛlɛ, Yé wepaaigizannu nwa an ma.

Ézai 47:7

Bé fe léé, ’é dan kɛlɛ lɛ yifaama munu nwiin le nya, I ’ka a pa lɛ i bli gi lo Yé é ’ka boenwo dɔ lɛ i gi léé, we ’ko é dan nyaa lɛ, lo.

Jérémi 12:4

Tɛrɛ ’ko é dan gyɛ bo lɛ yifaamaa? Yé féi faa ta lunu é dan ga lɛɛ? Winu valé mianénu a zamaga wona Flamunu lé we lɛrɛlɛrɛ kɛlɛle we ma; Naa, wo léé: É ’ka dan kozé tɛrɛla ’wuoplana ye lɛ lo.

Jérémi 14:14

Yé Gakelebale lé an lɛ léma: Balelayezannu éé vié woo an tɔ gi; maa ’ka ’bɛ balelayezannu ’ko pa lɛ zia lo, maa ’ka dére ’ko pa lɛ wo ’léé lo, maa ’ka ’bɛ fe lɛ wo lɛ lo. Vié yuɛziwenu lé wa ye; wolé we lɛ kinile a we pla nya; dabliwenu lé woo sié ’wo bli gi, yee lé wa fe balelawefele nya.

Jérémi 26:7

Dére ’konu lé Jérémi a fe Gakelebale lé kɔn gi, Balebanzannu koo, balelayezannu koo, munu faa koo, wo wo ’ma.

Jérémi Lé Wuvɔ Sɛbɛ 1:9

Alé sɔ lɔlu tiri dɔ, yé é ’ka bɔn‐in bɔrɔan é nyaale ma lo; Munu gi vuru a diabɛ lé we ma, yé a tɔrɔpaazan ’ka lo; Oo Gakelebale, ’i anlé nyanainya we ye. Ko nyanézannu éé ko naginian ’wo yuɛ zuo.

Jérémi Lé Wuvɔ Sɛbɛ 2:14

Kalé balelayezannu lé balelayele a boawe valé vié nya, Wo ’ka ilé weple bɔra lɛ Léé, té ka go luu gi lo lo. Wenu lé wa gɔɔn ka lɛ wa viéwenu valé dabliwe nya.

Jérémi Lé Wuvɔ Sɛbɛ 4:13

Alé balelayezannu lé wenyanénu ma ban lo, Alé Balebanzannu lé Wo mi tegelenu nyɛ zana A méléna, wolé weplenu ma ban lo.

Jérémi Lé Wuvɔ Sɛbɛ 4:18

Ko nyanézannu ko pa bo, Léé, té ko bɔra kolé vuun la lo, Kozé bɔ nyaana, kolé yinu lɛ sɔɔ, Kozé nyaa.

Ézékiɛl 13:10

Woo anlé munu saan a fele nya léé: Kaa a drɔɔ, dɔlé ’té vole drɔɔ do kpen ’ka lo, amalé we ’konu é dan bɔ lɛ wo ma. Anlé munu éé gɔrɔ guru dɔa, yé wo ɛ a mawoo.

Ézékiɛl 13:6

Wolé yuɛziwenu a é pla, yé wolé wefelenu a vié nya. Wo léé, Gakelebale léma, dɔlé ’té Gakelebale ’ka wo nwunvɔ lɛ pelo. Yé wa kɛlɛna léé, munu bli ’é vo a lɛ léé, wo dére lɛ é dan sɔɔ lɛ.

Ézékiɛl 22:14

Dé maa a we kɛlɛna i lɛ yian nya, i bli ta é dan dɔ lɛ plɛplɛɛ? I bɛnu é dan dɔ lɛ plɛplɛɛ? Maa Gakelebale, maa ɛ fe; maa dan we kɛlɛ lɛ i lɛ.

OZÉ (Osée) 4:9

Maa dan Balebanzannu zé kɛlɛ lɛ bélé mi planu zé zo; maa dan we lɛdɔ lɛ wo gi wolé tawobɛ yɛrama, maa dan wolé we lɛgi pa lɛ wo kɛlɛwenu yɛrama.

OZÉ (Osée) 6:10

Maa tadanmawenu ye Izraɛl munu va; ’bɛna lé Éfraim munu kɛlɛ bélé bɔrɔdɛ le zo, yé Izraɛl munu wobo tiri dɔ.

OZÉ (Osée) 9:5

Dé Gakelebale lé fɛtinu yi bɔ, dé kalé zénle ékema plɛplɛ kɛlɛ, ka dan a kɛlɛ lɛ kaa?

Misé 2:11

Dé mi do vlan buru é pla, ’té éé a fé vié nya léé: Maa dan balelawe fe lɛ ka lɛ nwɛ valé dɔrɔ ’lɛ plɛplɛ lé we nya, ’bɛzan ɛ kɛla munu ’ko lé balelawefezan nya.

Misé 2:6

Wo léé: Té i balelawe fe lo; té wo ’bɛ zo we fe balelawe fele nya lo ma. Dére naanénu ’ka nyaan lo.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Sofoni 3:4

Webozen ’ka alé balelayemunu gi lo, yé woo dabli kɛla. Alé Balebanmunu éé fɛ sauunnu sɔnnénu sɛra yé woo bélidɔwe sɛra.

Bélidɔwesɛbɛ Fiézan 32:20

É léé: An dan an yara si lɛ wo la, Yé an dan wozé ’wuoplana ye lɛ; Naa, wa bɛn sɛrɛle nya, Wa yuɛi blaan nénu nya.

Bélidɔwesɛbɛ Fiézan 32:29

Dé é a lé wo we dɔɔ, ’té we lé wa ’ma, yee lé ke ’ko: Yé ’té wo gi bɔrɔan we lé é dan bɔ lɛ wo ma, a lɛ.