Jérémi 5:3 - Kazambale lé Sebe Sauunu 1979

³ Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

Jérémi 5:3 ပူးပေါင်းရင်းမြစ်များ

Wepélisiananu 19:34

’Bɛ é tu kini a vininzan lé é zuané lɛ léé: Bé ye, an yi gyɛ kyɔ an ti va; ’ko nwɛ nɔ a lɛ béli ’ko é ziin yé ’é a mini, yé ’i go yi gyɛ a va, yé ko ti kulu ’é kɛlɛ.

1 Minwiinzannu 13:33

We ’ko zuo, Jéroboam ’ka diéra lɛ élé zi naané ta lo. É munu si é ziin munu faa méléna yé é wo dɔ gɔ nwiin yobannanu lé balebanzannu nya; dé é sɔ miomian lɛ léé, ’é kɛlɛ balebanzan nya, éé ’bɛzan kɛla a nya gɔ nwiin yobannanu zé nya.

2 Minwiinzannu 1:13

Akazia mi yɔ fié wɔlɛ vu valé ’wo nwiinzan bɛnu nwunvɔ é ziin a gɔnɔ yaazan nya. Minwiinzan yaazan ’ko go; é bɔ tɔɔn yé é powuo zun Éli ’lɛ yé é zanté vɔ a lɛ léé: Bale lé mi, ilé zanté, anlé tɛrɛla valé i wuozannu yɔ fié wɔlɛ vu ’ko, wolé tɛrɛla ’é kɛlɛ fɛwezan nya i yuɛ gi ma.

2 Minwiinmunu lé Wezuofe Sɛbɛ 16:9

Naa, Gakelebale éé tɛrɛlamunu faa naginian, munu lé wo bli ke a lɛ é ta lé kɔn‐an, wo dɔle gligli we ma. I we ’ko kɛlɛ ’tu nya. Naa, guli é dan nwa lɛ i ma lao bɛ.

2 Minwiinmunu lé Wezuofe Sɛbɛ 28:22

Bléyian va lé é a kle blena, yee, minwiinzan blɛn Akaz vo wenyané kɛlɛna Gakelebale ma.

Lɛrɛvɔ Sɛbɛ 51:6

Maa wenyané kɛlɛ bii do ɛ ma; Yé we lé é ke é naané i yuɛ gi, maa a kɛlɛ, Amalé i we ’wuo dɔa tegele, Gun ’ka ilé weblele ma lo.

Lɛrɛvɔ Sɛbɛ 51:8

Naa, é sɔ i lɛ léé, webozen ’é kɛlɛ mi bɔn gi, Amalé ’i wedɔɔle paa an gi.

Lɛrɛvɔ Sɛbɛ 55:20

Bale é dan a ’ma lɛ, yé é dan wo kɛlɛ lɛ kiéné, Yee lé é ke é nyanale élé webleblin ta yifaama, a glɛ ’ka lo. Ka ye do. Naa, wo kɛlɛwe ta ’ka vɔɔan lo, Yé wo ’ka kanaan Bale lee pelo.

Wegɔnévɔlenu 21:29

Yara ’ka mi naané gya lo, naa, mi drɔle é é giébɛ dɔa gligli.

Wegɔnévɔlenu 22:12

Gakelebale yuɛ éé ’wuoatawe tabin‐é, naa, éé liwozannu kunwo wo dére ma.

Wegɔnévɔlenu 23:35

Wo fɔlɛ duun an lɛ, é ’ka ’naan an ma lo! Wo an bla, maa ’ka a tɔntɔn gi dɔɔa lo! Maa dan vuo lɛ mɛ bléyi nyaa? Maa a a va é ziin.

Wegɔnévɔlenu 27:22

Dé i ’tugyɛzan pa ’sa va yé bé zɔn ’woli gi nwuni nyaoo, a voro ’ka so a ma lo.

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézai 42:25

Amalé a bli fli Izraɛl ma é baba, Yé é glawe bɔ wo ma yé guli wo gyɛ, Guli wo gyɛ bɛ faa ma, yé wo ’ka a gi ’ma lɛ lo; Guli wo ble yé wo ’ka ’bɛ pa lɛ wo ’wuo gi lo.

Ézai 48:4

Maa gi dɔɔ léé, ka bli a plɛplɛ, Yé ka tɔné gi a plɛplɛ bélé foliɛwɔlɛ zo, Yé ka yuɛ ma a plɛplɛ bélé gɔlɛ zo,

Ézai 9:13

Gakelebale é dan Izraɛl woli valé a ’wuo bɔi lɛ yé é dan yɔ valé gyan soowɔla lɛ yi do kpen nya.

Jérémi 15:7

Maa wo fɛɛan anlé fu nya fɔɔ tɛrɛ ’ko glɛ ta; Maa né kele anlé munu ma, maa wo kulu ga, Wo ’ka si lɛ wo kɛlɛwenu zuo lo, azama.

Jérémi 17:23

Wo ’ka ’wo tɔné dɔ lɛ an lɛ lo; wo ’ka an ban lɛ ’wo tɔné nya lo. Wo kɛlɛ yuɛma plɛplɛzannu nya, léé, wo ’ka ’wo tɔné dɔa lo, té wo we paa ’wo gi lo.

Jérémi 19:15

Lai sunyanu lé Gakelebale, Izraɛl lé Bale léma: Ka ye, we tɔntɔnnu faa lé maa wo lɛ kini, maa dan wo bɔ lɛ fla ’ko valé a zi flanu ma. Naa, wo yuɛma dɔ an va plɛplɛ, yé wo ’ka tɔné dɔ lɛ an dérenu lɛ lo, azama.

Jérémi 2:30

Maa ilé nénu bla, naa, ’bɛ tɔnɔ ’ka lo. Anlé we lɛdɔle wo gi ’ka wo yuɛ gi bɔ lɛ lo. Ka balelayezannu gyɛ gwɔun nya bélé fɛan zo lé golizra éé mi gya, a zo.

Jérémi 3:3

Amalé lɛɛné ’ka da lɛ lo yé lɛɛné vininnu vuru ka ma. Yé ka kɛlɛ yuɛmaplɛplɛ?-?zannu nya bélé gɔnégini le zo, yé yara ’ka ka gyɛ lɛ lo.

Jérémi 32:19

I we plaan mi lɛ i zua, yé i a plɛplɛ we kɛlɛle gi; i yuɛ a é fuole blami kɛlɛwe yele we ma, léé, i wo faa do do banwo wolé tawobɛ yɛrama, wolé we kɛlɛbɛ yɛrama.

Jérémi 35:13

Lai sunyanu lé Gakelebale, Izraɛl munu lé Bale léma: ’I go, bé fe Juda munu valé Jérusalɛm munu lɛ léé, ka ’ka we paale ka gi nyi sié loo? Ka ’ka an dére lɛdɔa a ma loo? Maa Gakelebale ɛ ke a fena.

Jérémi 44:10

Fɔɔ yi ’ko nya wo ’ka wobo kɛlɛ lɛ kiéné lo, wo ’ka kana lɛ an lee lo, yé anlé bélidɔwe sɔnnénu lé maa wo fe ka valé ka tranu lɛ, ka ’ka wo pa lɛ lo.

Jérémi 7:26

Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Jérémi 7:28

Amalé, bé fe wo lɛ léma: Bɛn lé wo ’ka ’wo tɔné dɔ lɛ Gakelebale, wolé Bale dére lɛ lo, ’té wo ’ka alé wepladére nyi si lɛ lo, yee lé ke wo nya ’ko. Webozen san, é so wo lee yé é go.

Jérémi 8:5

Mɛmalé Jérusalɛm munu wo wobo no zi sanlenu lé wo glɛ ’ka lo, wo lɛɛ? Woo yara paan dabli kɛlɛle ta, yé woo sɔn vɔa ’wo bli nɔlale ma.

Ézékiɛl 2:4

Munu ’ko yuɛma a plɛplɛ yé wo bli a plɛplɛ; maa i pa wo lɛ zia, bé fe wo lɛ léma: Mizan Gakelebale léma:

Ézékiɛl 24:13

Weple a i tiridɔfɛ va. Naa, é sɔ an lɛ léé, maa i gi bɔ, yé i gi ’ka bɔ lɛ lo, amalé i gi ’ka dan bɔ lɛ i tiridɔle gi lo fɔɔ ’té an wɛwɛ dɔle lɛ sɔɔ é wo i ma.

Daniɛl 9:13

We tɔntɔn ’konu faa bɔ ko ma, we lé Moizi a gyɛ bélidɔwe nya, a yɛrama. Naa, ko ’ka zanté vɔ lɛ Gakelebale kozé Bale lɛ lo; ko ’ka sɔn vɔ lɛ kolé weplenu kɛlɛle ma lo; ko ’ka webozen ban lɛ ko tɔné nya lo.

Lévinu 26:23

We lɛdɔle ka gi ’ko, dé ’bɛ ’ka ka drɔ lɛ lo yé ka dɔ an ma plɛplɛ,

Amɔs 4:10

Maa ka gyɛ migyɛgyɛ nya bélé Éjipiti tɛrɛ la zé zo; maa kalé pɛniɛnu gyɛ gwɔun nya, yé maa zi nɔ léé, wo kalé wisoonu si. Maa ka nyanana gin dɔ ka nyé gi; dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Amɔs 4:11

Maa ka zana a gi, Sɔdɔm valé Gɔmɔɔ zé kɛlɛ fɛan zo, a zo; maa ka kɛlɛ bélé kyɛpéli lé wa si kyɛ va gla nya, a zo. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Amɔs 4:6

Yé maa ɛ da lɔrɔ nya kalé fla blɛn faa ta, yé maa fɛblele vuru ka ma ka nyananu na. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Amɔs 4:8

Fla fié, fla yaa wo go fla bɛ ta ’yi minile we gi, yé ’yiminilɔrɔ ’ka si lɛ wo ma lo. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Amɔs 4:9

Maa kalé féifɛnu gyɛ gyɛ nya, yé wo toro bɔ; kalé zianféinu koo, kalé dɔrɔféinu koo, kalé bɔrɔyilinu koo, kalé ɔliviyilinu koo, gangannu wo ble. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Sofoni 3:7

Dé é a kɔɔn léé, i kana an lee, yé i i drɔle nyi si, ’té wo ’ka kɔɔn i nyanana ’wiié lo, ’té we faa lé maa a fe kɔɔn léé, maa lɛdɔa i gi, ’té maa ’ka a kɛla é dɛrɛ lo. Naa, wo ta a é kelekele wo kɛlɛwenu faa tiri dɔle we ma.

Rom munu 2:2

Ko a gi dɔɔ léé, munu lé wo ke we ’ko zoɛnu kɛlɛna, Kazambale lé wolé we blele a webozen nya.

Ébrunu 12:9

É ziin, kaa tinu éé we lɛdɔa kaa gi tɛrɛ la ’ko, ’té kaa wo lɛdɔama, naa, é ’ka lé kaa pla é ziin kaa lagi Ti wuo, vole é yuɛma we gi loo?