Jérémi 5:28 - Kazambale lé Sebe Sauunu 1979

²⁸ Woo buaan, wo kɔlɛ éé bié wo ta planplan; wolé wenaané kɛlɛle éé giéan é glɛ la; wo ’ka dɔa tigalazannu valé bugalazannu zuo lo, yé ’bɛ faa nyian éé woo wo ma; wo ’ka we tegele kɛla nyanégyɛzannu lɛ lo.

Jérémi 5:28 ပူးပေါင်းရင်းမြစ်များ

JOB (Job) 12:6

’Wiiéfɛlazannu a drɔɔ ’wolé sɔkɔn gi, Munu lé woo Kazambale ’namawe kɛla, Munu lé woo ’wobo lé plɛplɛ kɛla bale nya, Wa é nyanale woboma duaa.

Lɛrɛvɔ Sɛbɛ 119:70

Wo bli a wo gi dirikaa, bélé nyɔnɔ bo zo, Naa, ilé bélidɔwe an gi nanaan é baba.

Lɛrɛvɔ Sɛbɛ 72:4

Minwiinzan é dan we tegele kɛlɛ lɛ Bale wuozan kiénénu lɛ, É dan nyanégyɛzan lé nénu si lɛ we gi, Yé mi lé éé yaan wo ta, é dan azan zɔn lɛ.

Lɛrɛvɔ Sɛbɛ 73:12

A zo lé mi nyanénu zé ke; Wo gi éé nanaan yifaama, yé wolé fuafɛnu gi éé gya.

Lɛrɛvɔ Sɛbɛ 73:4

Fɛ do ’ka nyané paan wo ta lo fɔɔ yé wo ga, Yé wa é buale wo kɔlɛ ma; yé wa yɔrɔyɔrɔ;

Wegɔnévɔlenu 15:25

Gakelebale éé boblɛnzannu lé kɔn guru zanaan, yé é zanagalalomu lé tɛrɛ glɛ vo ’é vona.

Ézai 1:23

Ka nwiinzannu a nwamimazannu nya yé wa kyeenwozannu béénu nya. Blɛfɛ sɔ wo faa lɛ, ’té woo vlan buruwo tɔnɔfɛnu zuo. Wo ’ka we tegele kɛla ti valé bu galazannu lɛ lo, yé wo ’ka zanagalalomu lé we blé lo.

Jérémi 12:1

Gakelebale, bii a tegele fɛan zo bɛ, é ’ka dɔ lɛ an gi léé, an zavɔ i va lo; Naa, duowo, maa a a va léé, maa we fe ilé weblele ma. Mɛmalé i mi nyanénu ma wenu nyian woo? Mɛmalé i dablikɛlɛmunu voo é yuɛma drɔɔ?

Jérémi 2:33

Ka gɔné ginian ka zua fɛan zo bɛ, amalé ka we paan gɔnégini lomu gi.

Jérémi 22:3

Gakelebale léma: ’Ka we tegele valé we drɔle kɛlɛ; ’ka mi si vami lee; té ka nyané pa bɛn koo, ti valé bu galazan koo, zanagala le koo, wo ta lo; té ka glawe kɛlɛ mi lɛ lo; té ka weanwiinlozan nyɛ zana fɛkona lo.

Jérémi 7:6

dé ka ’ka yaan bɛnnu koo, bu valé ti galazan koo, gyɛzarale koo, wo ta lo, dé ka ’ka weanwiinlozan nyɛ zanaan fɛkona lo, dé ka ’ka goo bale bɛnu zuo kalé we tɔntɔn bɔle ka ma we ma lo,

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Zakari 7:10

Té ka yaa gyɛzarale valé ti valé bugalazan koo, bɛn valé nyanégyɛzan koo, wo ta lo. Té ka bɔn‐in bɔrɔ wenaané nya ka ke ma lo.

1 Korent munu 5:1

Maa a ’ma gɔnɔ kiɛre nya léé, pɛnpɛnnégyɛle a ka méléna. Pɛnpɛnnégyɛle ’ko a lɛrɛlɛrɛ é mini yolémunu zé ta; yee lé ke léé, ka va mi do é yaati na si.

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,