Jérémi 5:22 - Kazambale lé Sebe Sauunu 1979

²² Gakelebale léma: Ka ’ka kanaan an lee loo? Ka ma ’ka nyɔɔn‐an an ’lɛ loo? Maa ɛ wɛyi glɛ dɔ nyéné nya, a glɛ lé wɛyi ’ka bɔa a kinile lɛ monomono lo, yee lé. Dé é fɔrɔoo, plɛplɛ ’ka a lee lo, dé é gi gunu oo, é ’ka a kinié lo.

Jérémi 5:22 ပူးပေါင်းရင်းမြစ်များ

Wepélisiananu 1:9

Kazambale léé: ’Yinu lé wo ke la wuo, ’wo zén ékeva fɛdona, yé fɛna gale ’é bɔra. Yé ’bɛ kɛlɛ a zo.

1 Minwiinzannu 13:28

É bɔ a gale ma é soile zia, ’té sokofale valé golizra a é dɔle a gale bɛ do la. ’Té golizra ’ka a gale ble lɛ lo yé é ’ka sokofale gyɛ lɛ lo.

JOB (Job) 26:10

É glɛ diri tɛrɛ zi ’yinu yuɛ la Fɛnafu valé gunuti glɛ nya.

JOB (Job) 37:24

Amalé é a lé blaminu a kana pa; É ’ka é yuɛ vɔa wedɔɔzan do kpen ta lo.

JOB (Job) 38:8

Dé wɛyi so ’naan, De ɛ gɔɔn vɔa a lɛɛ?

Lɛrɛvɔ Sɛbɛ 104:9

I ’yinu glɛ dɔ, léé, té wo glɛ kini lo, Té ’wo nɔla é ziin tɛrɛ ta sɔɔlale we ma lo.

Lɛrɛvɔ Sɛbɛ 119:120

Kana blɛn zén an gi ilé we ma, yé an ma éé nyɔɔn‐an, Yé an kanaan ilé weblelenu lee.

Lɛrɛvɔ Sɛbɛ 33:7

É wɛyinu zén ékeva guru do gi, Gurunu lé wo ’ka wo wɔlɛma yé lo, é wo wɔra é ke la fɛdona.

Lɛrɛvɔ Sɛbɛ 46:3

Bɛwemalé dé tɛrɛ zana a gi, Dé gɔblɛnnu ma nyɔɔn wɛyinu méléna, Dé wɛyi nwalenu vun we plɛplɛ, dé a buiɛ dɔ, Dé é nwa fɔɔ yé gɔblɛnnu manyɔɔn, kana do ’ka dan vɔ lɛ ko gi lo. Ka ye do.

Lɛrɛvɔ Sɛbɛ 99:1

Gakelebale a é plale munu nwiin, gligli éé zén‐é munu gi; É mini sérubɛnnu ta; tɛrɛ ma éé nyɔɔn‐an.

Wegɔnévɔlenu 8:29

Yé é wɛyi glɛ dɔ yé ’té wɛyi ’ka é glɛ kinié lo, Yé é tɛrɛ gane vɔ,

Ézai 50:2

An da, mɛmalé mi do kpen ’ka an si lɛ zia loo? An mi laa, mɛmalé mi do kpen ’ka we lɛ loo? An bɛ ’ka sɔa mi tabole nya loo? Plɛplɛ ’ka an lee yé maa mi so we lee loo? An bon‐ɛn‐an wɛyi nya yé é béli, Maa yuunu kɛla nyéné’saa nya; ’Yi ’ka lo, amalé wo va pɔnu é zamaga wo ’yiminilɔrɔ nya, Yé wo vɔn.

Ézai 64:2

Gyɛzorowenu lé ko ’ka wo lɛbɛnna lo, dé i wo kɛlɛ, dé i zun, gɔnu ma nyɔɔn i ’lɛ.

Ézai 66:5

Ka lé ka kanaan Gakelebale dére lee, ’ka tɔné dɔ a dére lɛ. Ka bwenu lé woo ka za paan, ’té woo ka nyunuan an tɔ lé we ma, wo léma: Gakelebale ’élé fua nagɔɔn ma, ye ko kalé ginanale ye ma. Naa, wo gi é dan blin lɛ wo ma.

Jérémi 10:7

Bɛnnu nwiinzan, de ɛ ’ka kanaan i lee loo? Kanale i lee yara lé; Naa, bɛnnu lé wedɔɔmunu faa koo, bɛngɔnɔnu faa koo, I danmazan do kpen ’ka wo va lo.

Jérémi 2:19

Kalé we lɛrɛlɛrɛnu kɛlɛle valé kalé yuɛgiblanlenu é dan we lɛdɔ lɛ ka gi, Yé ka dan a ye lɛ yé ka dan a gi dɔɔ lɛ léé, Gakelebale kalé Bale vole, ’té a kana do kpen ’ka zén‐é ka gi lo, ’Bɛ a wenaané valé we lɛrɛlɛrɛ nya. Maa, Mizan, lagi sunyanu lé Gakelebale ɛ ke a fena.

Jérémi 31:35

Gakelebale lé, é yiri kɛlɛ yiéyi va‐kinifɛ nya, Yé é moné valé monénénu kɛlɛ léé, ’wo béli va kini bɛ, ’Té éé wɛyi nwaan yé ’té éé wɛyi nwalenu vun wé bɛ, Yee lé a tɔ ke lai sunyanu lé Gakelebale, é we fe.

Daniɛl 6:26

Maa munu béli dɔ anlé tɛrɛ faa la léé, munu ’é kana Daniɛl lé Bale lee, yé di blɛn ’é kini wo gi alé we ma. Naa, yee ɛ ke Bale yuɛmale nya, yé éé voo ana lɛɛfaama, a glɛ ’ka lo. Alé plale mi nwiin ’ka sɛra lo, yé é dan vo lɛ mi nwiin fɔɔ yé é bɔ a ’wuo plana.

Amɔs 4:12

Bɛwemalé, Izraɛl, maa dan we kɛlɛ lɛ i lɛ yee ɛ zo; yé maa dan yee duo kɛlɛ lɛ ka lɛ, amalé oo Izraɛl, ’ka ma’lɛrɛ keele kalé Bale nya we gi.

Amɔs 9:6

É nyanana kɛlɛ lanu gi, Yé élé fɛna pla kɛlɛ tɛrɛ nwiin; Éé wɛyinu laan, ’Té éé wo sɔɔlaan tɛrɛ yuɛ la; A tɔ lé Gakelebale.

Jonas 1:16

Gakelebale lee kana blɛn zén munu ’ko gi, yé wo saraka bo Gakelebale lɛ, yé wo Bale kun.

Naum 1:4

Éé bon‐ɛn‐an wɛyi nya yé ’bɛ éé bélié é guru gi. Éé yuunu faa bélié; Bazan tɛrɛ la valé Kaamɛl gɔnu éé kɛla tɔɔtɔɔ, Liban tɛrɛ la lu vwinu ma éé yuruan.

Matio 10:28

Wo lé woo mi kɔlɛ gya, yé wo ’ka bɔa miboen gyɛle lɛ lo, té ka kana wonu lee lo. Mi lé éé bɔa miboen valé mi kɔlɛ gyɛle lɛ jéɛna kyɛ plɛplɛ va, a fila vɔ léé, ka kana ’bɛzan lee.

Maak 4:39

É vuo aan wo, yé é siaa fu ta, yé é lé wɛyi lɛ léma: ’I dɔ. ’I vo flee. Yé fu dɔ, yé fɛ faa vo drɔɔ.

WENÉNÉ LÉ LUK A GYE (Évangile selon Luc) 12:5

Mi lé é a lé ka kana a lee, maa dan ’bɛzan nagɔɔn lɛ ka lɛ. Mi lé dé é mi kɔlɛ gyɛ faa, a vulile jéɛna kyɛ va se ke a lɛ, a lee lé ’ka kana ma; iin, maa lé ka lɛ léé, mi lé é a lé ka kana a lee, yee lé é ke bɛ.

Bélidɔwesɛbɛ Fiézan 28:58

Bélidɔwe ’konu faa lé maa wo gyɛ sɛbɛ ’ko gi, dé ka ’ka wo lɛdɔama yé ka wo ta tawo lo, dé ka ’ka kanaan Gakelebale, kalé Bale tɔ blɛn lé é ke kanamatɔ nya, a lee lo,

Wegɔɔnle 15:4

Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.