Jérémi 5:21 - Kazambale lé Sebe Sauunu 1979

²¹ ’Kaa tavozannu lé ka bli ’ka tegele lo, ’ka tɔné dɔ we ’ko lɛ. Ka yuɛnu a, yé ka ’ka yɛrɛ yé lo; ka tɔnénu a, yé ka ’ka we do kpen maan lo.

Jérémi 5:21 ပူးပေါင်းရင်းမြစ်များ

Lɛrɛvɔ Sɛbɛ 94:8

Wedɔɔalozannu, ’ka yuɛ pa kabozen va. Tavozannu, dé ka dan we dɔɔ lɛ mɛ bléyi vaa?

Wegɔnévɔlenu 17:16

Gɔɔli kɛlɛle ’tugyɛzan lee, ’bɛ ɛ mɛ kɛlaa? Éé wedɔɔle lɔa a nyaa? Naa, é ’ka we do dɔɔa lo.

Ézai 27:11

Dé yilibɛnu ga, woo wo yélié yé lomu é da wo sɔn kyɛ nya. Munu ’ko ’wuo ’ka wo ta lo; amalé mi lé é wo kɛlɛ, a nyanai ’ka zén‐é wo ta lo. Mi lé é wo bɔra, é ’ka zin kɛlɛ lɛ wo lɛ lo.

Ézai 43:8

Yuɛwiimunu lé wo yuɛ ke ana, ’wo bɔra a gi ma, Yé tɔnéwiimunu lé wo tɔné ke, ’wo bɔra a gi ma.

Ézai 44:18

Wo ’wuo ’ka wo ta lo, yé wo ’ka we maan lo. Wo yuɛ lɛ a é tanle, té wo fɛna ye lo we gi, yé wo bli lɛ a é tanle, té wo we ma lo we gi, azama.

Jérémi 10:8

Wo faa a ékeva tanyilazannu valé tavozannu nya; Wolé wedɔɔle a boawe nya, wa yili nya é pla.

Jérémi 4:22

Naa, weboen lé, anlé munu ’wuo ’ka wo ta lo, wo ’ka an dɔɔa lo, Wo ta a é vole, wo gi do kpen ’ka é kinile lo. Weple saa lé wa kɛla, Naa, wo ’ka bɔa wezin do kpen kɛlɛle lɛ lo.

Jérémi 5:20

’Ka we ’ko lɛ kini Jakɔb lé munu lɛ, yé ’ka a zana dɔɔ Juda munu lɛ, léé:

Jérémi 5:4

Maa lé kɔɔn léé: Munu ’ko, wa nénu nya. Wo ’ka Gakelebale lé zi dɔɔa lo; wo ’ka wolé Bale lé bélidɔwe dɔɔa lo, Amalé woo we kɛla tavole nya.

Jérémi 6:10

Maa dan we fe lɛ mi kyɛn lɛɛ? Yé mi kyɛn lé maa sié anlé wenayezan nya, yé wo tɔné dɔ an lɛɛ? Bé ye, wo tɔné ’ka voo Bale dére lɛ lo, yé wo ’ka bɔa ’wo tɔné dɔle lɛ we lɛ lo. Gakelebale dére a wo yuɛ gi serelebomafɛ nya, é ’ka wo gi nanamawe nya lo.

Jérémi 7:13

Yé Gakelebale léma: Sin, ka we ’konu faa kɛlɛ, yé an we plale sia ka lɛ yé ka ’ka a ’ma lɛ an lɛ lo, yé an ka laa, yé ka ’ka a zi pa lɛ lo.

Jérémi 8:7

Bwibalo boen ézé bléyi dɔɔ lanu gi; plala koo, leelené koo, valusanbla koo, wo ’wo gobléyi dɔɔ. Naa, anlé munu ’ka Gakelebale lé bélidɔwe dɔɔa lo.

Ézékiɛl 12:2

Blami be, i a é nyanale tɔnégiplɛplɛzannu méléna; munu lé wo yuɛnu ke léé, wo yɛrɛ ye, yé wo ’ka yɛrɛ yé lo; ’té wo tɔnénu ke léé, wo we ’ma, yé wo ’ka we maan lo, woo lé. Naa, wa tɔnégiplɛplɛzannu nya.

OZÉ (Osée) 7:11

Éfraim a bélé tavo plawuo lé a ’wuo ’ka a ta lo, a zo. Dé é bɛ vɔ Éjipiti lɛ, gba, dé é go Asiri va, gba.

Zakari 7:11

Naa, wo ’ka a nyi si lɛ léé, ’wo tɔné dɔ an lɛ lo, wo so an wuo yé wo tɔné sia an dére la.

Maak 4:12

léé, dé wa nagini, wo ’ka a yé lo; yé dé wo tɔné dɔ, wa maan, naa, wo ’ka a gi maan lo; dé wo da ’wo bli nɔla yé Bale é wo ma we vo.

Maak 8:18

Ka yuɛnu a, yé ka ’ka yɛrɛ yé loo? Ka tɔnénu a, yé ka ’ka we maan loo? We sele ’ka dɔa ka gi monomono loo?

Kelewenu 28:26

’I go bɛn ’ko va yé bé fe wo lɛ léé: Ka dan we ma lɛ ka tɔné nya, yé é ’ka goo ka ’wuo gi lo. Ka dan fɛ nagini lɛ ka yuɛ nya yé ka ’ka dan a ye lɛ lo.

Rom munu 1:20

Weboen lé, Kazambale lé plɛplɛ lé a glɛ ’ka lo, é valé yee Bale dɔbɛ, mi ’ka wo yé ’é yuɛ nya lo, naa duowo, é sia tɛrɛ bɔra bléyi va, wo ta a é bɔrale wéiin; dé mi ’é gi bɔrɔ Kazambale kɛlɛwenu ma, éé Bale lé plɛplɛ valé a dɔbɛ yé kpaklaa, amalé munu dɔna ’ka lo.

Rom munu 11:8

fɛan zo lé é a é gyɛle sɛbɛ gi, a yɛrama; wo léé: Kazambale tanyila bli nɔ wo lɛ; É blala pa wo yuɛ la, É wo tɔné ta vo Fɔɔ kyɔ. Yé David léé:

Bélidɔwesɛbɛ Fiézan 29:3

Migidanwe blɛnnu koo, gyɛzorowenu koo, we blɛnblɛnnu koo, ka wo ye.

Bélidɔwesɛbɛ Fiézan 29:4

Naa, fɔɔ yi ’ko nya Gakelebale ’ka we’mabli vɔ lɛ ka gi lo, yé é ’ka weyeyuɛ valé we’matɔné nɔ lɛ ka lɛ lo.

Bélidɔwesɛbɛ Fiézan 32:6

’Tugyɛzannu lé ka ’ka we dɔɔa lo, ’Bɛ zo lé ka we lɛgi paan Gakelebale maa? Ka ti kaan loo? Ka Kɛlɛzan kaan loo? Yeean é ka ’lɛrɛ loo? Yeean é ka dɔ plɛplɛ loo?