Jérémi 5:2 - Kazambale lé Sebe Sauunu 1979

² Dé wa fe boenwo léé: Gakelebale a é yuɛma, ’Té wa bale ’nyɔɔnna vié nya.

Jérémi 5:2 ပူးပေါင်းရင်းမြစ်များ

Ézai 48:1

’Kaa Jakɔb lé munu lé Izraɛl tɔ ke ka ma, ’Té ka ke Juda kulunu nya, ’Té ka Gakelebale tɔ ’nyɔɔnma Yé ka Izraɛl lé Bale tɔ laan, ’Té weboen valé we drɔle ’ka ka gi lo, ’Ka tɔné dɔ we ’ko lɛ.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Jérémi 44:26

’Kaa Juda munu faa lé ka ke é nyanale Éjipiti tɛrɛ la, ’ka tɔné dɔ Gakelebale dére lɛ. Gakelebale léma: Ka ye, maa anbo ’nyɔɔn an tɔ blɛn nya léé, Juda mi do kpen ’ka dan an tɔ laa lɛ é dɛrɛ lo. Yé Éjipiti tɛrɛ faa la, mi do kpen ’ka dan a fe lɛ léé, Mizan Gakelebale a é yuɛma, lo.

Jérémi 7:9

Mɛ ɛ kɛlɛɛ? Ka kyeen woo, ka mi gya, ka mi bɛ na valé mi bɛ zana ginian, ka bale ’nyɔɔn‐an vié nya, ka lasikɔrɔpo kyɛ blé Baal lɛ, ka goo bale bɛnu lé ka ’ka wo dɔɔa lo, wo zuo.

Jérémi 9:2

Oo, dé é vo léé, kɔn do a an lee bwi gi giézannu nyanana nya, ’Té an sɔn vɔ anlé munu ma yé an si wo ma baa; Naa, wo faa a le bɛ valé gɔné bɛ ginizannu nya; Wa dabli munu nya.

OZÉ (Osée) 10:4

Wolé wefele a é boa, dé wo valé munu a ’wo gi pana do, woo bale kunwo vié nya; we lɛdɔle wo gi gɔn é dan bɔ lɛ bélé boyiékele zo vun dan gi.

OZÉ (Osée) 4:15

Oo ’kaa Izraɛlnu, dé kabo nɔ bɔrɔdɛ kɛlɛle lɛ, té Juda ’é we dɔ ’é nwiin ’bɛ kɛlɛle nya lo; té ka go Gilgal lo; té ka go loru Bɛt‐Avan lo; té ka bale ’nyɔɔn a fele nya léé, Gakelebale a é yuɛma, lo.

Lévinu 19:12

Té ka bale ’nyɔɔn an tɔ nya vié nya lo, naa, dé bé kɛlɛ, ’té ilé Bale tɔ kɛlɛ fɛ pla nya. Maa a Gakelebale nya.

Sofoni 1:5

Munu lé woo diaan ’wo bli ta kɔnnu nwiin lagifɛnu ’lɛ, munu lé woo diaan ’wo bli ta Gakelebale ’nyɔɔnle nya, ’té wo nwiinzan blɛn tɔ ’nyɔɔn‐an,

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

1 Timoté 1:10

pɛnpɛnnégyɛzannu koo, wizowe kɛlɛmunu koo, miyaawozannu koo, viéwozannu koo, munu lé woo bale ’nyɔɔn‐an vié nya koo, munu faa lé woo dɔa wepaale tegele ma koo, wo bélidɔwe kɛlɛ wo ɛ lé we ma.

2 Timoté 3:5

wo dan wobo kɛlɛ lɛ bélé Kazambale lé zi sɔlɛzannu zo, naa, wo giégane ɛ dan a gɔɔn lɛ léé, vié lé. ’I si ’bɛ zo munu ma baa.

Tite 1:16

Woo we fé ’wo lɔlu nya léé, ’wo Kazambale dɔɔ, naa, wo sɔn vɔa a ma wo kɛlɛwenu nya. Wa we gin dɔle kɛlɛzannu valé tɔnégiplɛplɛzannu nya, yé wo ’ka bɔa wezin do kpen kɛlɛle lɛ lo.