Jérémi 5:17 - Kazambale lé Sebe Sauunu 1979

¹⁷ É dan kalé féifɛnu valé kalé buru ble lɛ; é dan ka benu valé ka lunu kulu ga lɛ; é dan kalé ’blanu valé kalé dirinu ble lɛ; é dan kalé dɔrɔféinu valé kalé bɔrɔféinu ble lɛ; yé kalé nyanamunu lé flanu lé ka ke é pale wo ta, wo dan wo sɛrɛ lɛ tata.

Jérémi 5:17 ပူးပေါင်းရင်းမြစ်များ

Ézai 62:8

Gakelebale é bɛyi valé é bɛ plɛplɛ ’nyɔɔn léé: Maa ’ka dan ilé ’sa nɔ lɛ i nyanézannu lé fɛblele nya é dɛrɛ lo, Ilé dɔrɔ lé ke ilé nyanama tɔnɔ nya, Bɛnnu ’ka dan a mini lɛ é dɛrɛ lo.

Ézai 62:9

Naa, munu lé woo ’sa gya, wo ɛ dan a ble lɛ Yé wo Gakelebale tɔ zin fe, Munu lé woo dɔrɔ soo, wo dan a mini lɛ Anlé fɛna sauun na gɔrɔ gi.

Ézai 65:22

Wo ’ka dan kɔn dɔ lɛ yé mi bɛ é nyana ’bɛ gi lo; wo ’ka dan dɔrɔféi pa lɛ yé mi bɛ a poro ble lo. Naa, anlé munu lé yinu é dan kɛlɛ lɛ bélé yilinu zé zo, yé munu lé maa wo si a va, wo gi é dan nana lɛ ’wo bɛ panyanama ma.

Jérémi 1:15

Gakelebale léé: Naa, bé ye, maa dan yirinwana bɛbolazia bɛntɛrɛ faa laa lɛ; wo dan da lɛ yé wo dan wolé webleblinnu dɔra lɛ Jérusalɛm gɔrɔ ’léénu na; wo dan wo dɔra lɛ a gɔrɔ zi fɛfaana, yee valé Juda lé fla faa la. Maa Gakelebale ɛ ke a fena.

Jérémi 25:37

Gakelebale wo nyanana drɔɔnu sɛrɛ élé bliflile baba nya.

Jérémi 4:26

Maa nagini, yé Kaamɛl tɛrɛ zin kɛlɛ bwi saa nya, Yé ana fla faa ’wii Gakelebale ’lɛ. Gakelebale bli flile blɛn lé we ma lé we ’konu kɛlɛ.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 5:18

Gakelebale léé: Naa, ’bɛ yinu la, maa ’ka dan ka kulu ga lɛ tata lo.

Jérémi 50:17

Izraɛl a ’bla sanle lé golizra a zuo bin‐é, a nya; Asirinu nwiinzan blɛn a ble é vinin, yé é voéla ’ko, Babilɔn nwiinzan blɛn Nébukanɛsaa a wɔlɛnu yéli.

Jérémi 50:7

Munu faa lé ’bɛnu éé bɔa wo ma, ’bɛnu éé wo blé, yé wo nyanézannu léma: Ko nwiinwe kaan lo; Gakelebale lé é ke we tegele punsina nya, wo wenyané kɛlɛ a ma. Gakelebale lé wo tranu bli ke a lɛ, wo wenyané kɛlɛ a ma, azama.

Jérémi 8:13

Gakelebale léé: É sɔ an lɛ léé, an wozé nyaa. Dɔrɔporo ’ka dan kɛlɛ lɛ dɔrɔféi lo, yé bɔrɔporo ’ka dan kɛlɛ lɛ bɔrɔféi lo, yé yililaanu é dan zɔrɔ lɛ; yé fɛ lé maa a nɔ wo lɛ é dan so lɛ wo lee.

Jérémi 8:16

Wolé wisoonu a siaana Dan zia, yé tɛrɛ ma éé nyɔɔn‐an wo dére nya. Wa dana, yé tɛrɛ koo, é tafɛnu koo, fla koo, é tamunu koo, woo wo nyaan.

Jérémi Lé Wuvɔ Sɛbɛ 2:12

Wo lé wo bunu lɛ léé: ’Sa a kyɛɛn? Nwɛ a kyɛɛn? Yé wo dia flaworo dii zinu ta bélé munu lé wo wo tuo, wo zo, Wo ga wo bunu blinii.

Jérémi Lé Wuvɔ Sɛbɛ 2:2

Mizan Jakɔb lé munu nyanana faa sɛrɛ, ’té a nyanai ’ka zén‐é wo ta lo; A bli flile baba zi, é Izraɛl munu yɔɔna plɛplɛnu guru zana a gi; É a kɛlɛ léé, wo burula tɛrɛ va. É fuatɛrɛ valé é nwiinzannu sɔnné sɛrɛ.

Ézékiɛl 36:4

Amalé ’kaa Izraɛl gɔnu, ’ka tɔné dɔ Mizan Gakelebale dére lɛ. Gɔ blɛnnu valé gɔpanénu koo, ’yiyoronu valé gɔ woronanu koo, fla kwala valé fla fwilenu lé wo zi bɛnnu wo gyɛ, ’té woo yéri sié wo ma bɛ, wo koo, Mizan Gakelebale a we fena wo lɛ.

OZÉ (Osée) 2:12

Yé sin, maa dan yaragyɛwe bɔ lɛ a ma a bwɛnu yuɛ va, yé mi do kpen ’ka dan a si lɛ an lee lo.

OZÉ (Osée) 8:14

Izraɛlnu gi san ’wo Kɛlɛzan ma, yé wo fuakɔnnu dɔ. Juda élé fla plɛplɛ kɛlɛ di; naa, an dan wolé flanu kyɛ vɔ lɛ, yé wolé fuakɔnnu kyɛ é dan ble lɛ.

Joɛl 2:3

Kyɛ lé éé fɛnu blé é a wo ’lɛ, Yé kyɛnɛnɛ lé éé fɛnu waan, ’bɛ a wo zuo; É vinin ’té tɛrɛ a bélé Édɛn zianféi zo, A zuo tɛrɛ la vo yuoyuo, Fɛ do kpen ’ka soo wo lee lo.

Lévinu 26:16

we lé maa dan a kɛlɛ lɛ ka lɛ, yee lé ke ’ko. Maa dan kana blɛn zén lɛ ka gi, yé maa dan ka gyɛ lɛ fuunégyɛ valé kɔlɛkyɛdɔgyɛ nya, yé ka yuɛi é dan zun lɛ yé ka boen é dan kle ble lɛ; ka dan fɛ vɔ lɛ kalé féi é pla; ka nyanézannu é dan a ble lɛ.

Sofoni 3:6

Maa bɛngɔnɔnu kulu ga, yé maa wolé flataginifɛnu sɛrɛ; maa wolé zinu sɛrɛ tata, giémunu ’ka é dɛrɛ lo. Wo ’wii wolé flanu ta; munu ’ka ana é dɛrɛ lo, yé a ta munu ’ka ana lo.

Malasi 1:4

Dé Édom a fe léé, ’wo sɛrɛ, ’wo dan fla pa lɛ a ’bin la, lai sunyanu lé Gakelebale léma: ’Wa pa ma, maa dan a zana lɛ, yé wo dan a laa lɛ wenaané kɛlɛtɛrɛ; munu lé Gakelebale bli éé flian wo ma yifaama, woo lé.

Bélidɔwesɛbɛ Fiézan 28:33

Bɛn lé ka ’ka wo dɔɔa lo, wo dan kalé féifɛnu ble lɛ yé wo dan ka panyanama faa mafɛ ble lɛ, yé wo dan yaa lɛ ka ta yé wo dan ka zɔn lɛ yifaama.