Jérémi 5:15 - Kazambale lé Sebe Sauunu 1979

¹⁵ Gakelebale léé: Ka lé, ka ke Izraɛl munu nya, maa dan bɛn baa do nwa lɛ ka ma, yé wo dan guli dan lɛ ka va; wa bɛn plɛplɛ nya, bɛn namɔnle nya; bɛn lé ka ’ka wo dére dɔɔa lo, yé ka ’ka dan wo dére gi ’ma lɛ lo, woo lé.

Jérémi 5:15 ပူးပေါင်းရင်းမြစ်များ

Wepélisiananu 11:7

Kaa go, kaa zun, kaa wo dére kini ékema mi, té wo wo ke dére ’ma é ziin lo.

Lɛrɛvɔ Sɛbɛ 81:5

Naa, é a Izraɛl lé bélidɔwe do nya, Jakɔb lé Bale déretawenu lé é a vo wo va, a nya.

Ézai 28:11

Eɛ, munu lé woo we fé bélé nunu zo, ’té wo dére a bɛn bɛ dére nya, Gakelebale é dan we fe lɛ munu ’ko lɛ wo lɔlu nya.

Ézai 29:3

Maa dan sunyanu nyana lɛ i zi fɛfaana; maa dan sunya palunu dɔ lɛ i zi; maa dan tɛrɛ zun dɔ lɛ gulidanmunu dɔlafɛ nya.

Ézai 29:6

Lai sunyanu lé Gakelebale é dan da lɛ ka va, ’té zagelenu éé baan, ’té tɛrɛ ma éé nyɔɔn‐an yé ’té vun blɛn éé wé, ’té barikoko valé fu blɛnblɛn éé giéan, ’té kyɛnɛnɛ éé fɛnu blé.

Ézai 33:19

Ka ’ka dan wemaplɛplɛ munu ye lɛ é dɛrɛ lo; munu lé ka ’ka wo dére dɔɔa lo, bɛnnu lé ka ’ka wo dére gi maan lo, ka ’ka dan wo ye lɛ é dɛrɛ lo.

Ézai 39:3

’Bɛ zuo balelayezan Ézai da minwiinzan Ézékia va yé é lé a lɛ léé: Munu ’ko, wo lé nɔɔ? Wo si kyɛn yé wo da i vaa? Ézékia lé a lɛ léé: Wo si tɛrɛ baa la, wo si Babilɔn.

Ézai 5:26

Gakelebale drapo nwa munu lé wo ke baa, wo laale we ma. É ’furu fɛn, munu lé wo ke tɛrɛ glɛ sina, wo laale we ma, yé bé ye, wa dana fiéfié, wo ta a kelekele.

Ézai 5:7

Lai sunyanu lé Gakelebale lé dɔrɔféi lé ke Izraɛlnu nya, Yé Juda munu a yiliné lé a we ke a lee, a nya. A bli a a lɛ kɔɔn léé, ’wo we drɔle kɛlɛ, naa, wo mi nyɛ zana; A bli a a lɛ kɔɔn léé, ’wo we tegele kɛlɛ, naa nyanéblezannu a siaana wo va.

Jérémi 1:15

Gakelebale léé: Naa, bé ye, maa dan yirinwana bɛbolazia bɛntɛrɛ faa laa lɛ; wo dan da lɛ yé wo dan wolé webleblinnu dɔra lɛ Jérusalɛm gɔrɔ ’léénu na; wo dan wo dɔra lɛ a gɔrɔ zi fɛfaana, yee valé Juda lé fla faa la. Maa Gakelebale ɛ ke a fena.

Jérémi 2:26

Kyeenwozan lé wo bɔ a ma fiaa kyeenwona, yara a gya fɛan zo, a zo duo lé yara é dan Izraɛlmunu gyɛ lɛ, wo koo, wo nwiinzan blɛnnu koo, wo nwiinzannu koo, wolé Balebanzannu koo, wolé balelayezannu koo, woo lé.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 4:16

’Ka a fe bɛngɔnɔnu lɛ, yé ’ka a gi bɔra Jérusalɛm munu lɛ léé: Plaminwiinzannu si tɛrɛ baa do la; wo siaa guli?-?dére nya Juda tɛrɛ la flanu ma.

Jérémi 5:11

Naa, Izraɛl munu valé Juda munu ’ka plaan an wuo lo, azama. Maa Gakelebale ɛ ke a fena.

Jérémi 6:22

Gakelebale léma: Ka ye, bɛn do a sina yirinwana bɛbolazia tɛrɛ do la; bɛn blɛn do a nwana tɛrɛ glɛ sina.

Jérémi 9:26

Éjipiti munu koo, Juda munu koo, Édom munu koo, Amɔn munu koo, Moab munu koo, munu faa lé woo puoma gun ma gya koo, munu lé woo nyanaan nyéné saa lé fɛna koo, woo lé. Naa, bɛnnu faa ’ko, wo gane ’ka é dɔle lo, yé Izraɛl munu faa bli ’ka é sile ’wo kɛlɛwe kyɛnnu lɛ lo.

Ézékiɛl 18:31

Bélidɔwe sɔnné sɛrɛlenu faa lé wo ke kalé wenyanénu nya, ’ka sɔn vɔ wo ma. ’Ka ka bli kɛlɛ bli dɛrɛ nya, yé ’ka ’wuogibɔrɔlenu nɔla. Izraɛlnu, mɛmalé ka gaan?

Daniɛl 1:4

pɛniɛnu lé gyɛ pɔlɛ do kpen ’ka wo ma lo, ’té wo yara ke é nɔnɔmi, ’té wo ke wedɔɔzannu koo, gikinizannu koo, ’wuoatazannu koo, wo nya, ’té woo bɔaléé, wo minwiinzan blɛn lé kɔn gi nyanama pa, yé wo Kaldé dére valé alé sɛbɛwɔlɛnu paa wo gi.

Daniɛl 7:7

’Bɛ zuo yé yuɛziwenu lé maa wo ye é béli, maa a wo naginina, yé wi ziɛnzan lé maa a ye, éé di kinié mi gi, éé mi ta daan é ma, yé a plɛplɛ gié é glɛ ta; a suiɛnu a blɛnblɛn; wa foliɛwɔlɛ nya. Éé fɛ blé, ’té éé fɛ ’wiié, ’té a pɔné lé ’bɛ voo, é a zɔn‐o é gane nya; a dɔbɛ a é sile wi vininzannu ma. A béli a vu.

Amɔs 6:14

Bɛwemalé, ’kaa Izraɛlnu, maa dan bɛn do nwa lɛ ka ma, yé é dan yaa lɛ ka ta, é sia Amat gɔrɔ ’léé fɔɔ yé é bɔ bwi la ’yiyoro plɛplɛ ma. A zo lé Gakelebale, lai sunyanu lé Bale a fe.

Abaku 3:16

Maa ’ma, yé an bɔn gi kɛlɛ wɛwɛwɛ. An dére ’ko ’ma tɔɔn, an lɔlunu nyɔɔn, An wɔlɛnu éé yaan an gi, Yé an powuonu vo tɔɔtɔɔ. É a lé an we tɔntɔn bɔyi lɛbɛn an ta nya é dɔle, Yian nya lé yaamitazan é dan nwa lɛ yé é go guli dan migɔnɔnu ma, a yi nya.

1 Korent munu 14:21

É a é gyɛle bélidɔwe sɛbɛ gi léé: Mizambale léma: Maa dan we fe lɛ bɛn ’ko lɛ Munu lé wo dére ke é yɛrama, wo dére gi, É valé bɛn bɛnu lɔlu nya, Naa, wo ’ka dan ’wo tɔné dɔ lɛ an lɛ duowo lo.

Bélidɔwesɛbɛ Fiézan 28:33

Bɛn lé ka ’ka wo dɔɔa lo, wo dan kalé féifɛnu ble lɛ yé wo dan ka panyanama faa mafɛ ble lɛ, yé wo dan yaa lɛ ka ta yé wo dan ka zɔn lɛ yifaama.

Bélidɔwesɛbɛ Fiézan 28:49

Bɛn do lé ka ’ka wo dére dɔɔa lo, ’té wo yara ke é nyané, ’té wo ’ka mi segele lɛdɔama lo, ’té wo nyanai ’ka zén‐é né ta lo, Gakelebale é dan wo si lɛ baa, tɛrɛ glɛ sina, yé wo dan zun lɛ ka ta bélé gola zo.