Jérémi 5:12 - Kazambale lé Sebe Sauunu 1979

¹² Wo sɔn vɔ Gakelebale ma yé wo léé: Bale ’ka lo. Yé we tɔntɔn ’ka dan bɔ lɛ ko ma lo. Gwɔun valé lɔrɔ ’ka dan ko gyɛ lɛ lo.

Jérémi 5:12 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:16

Naa, wo Bale lé nwunvɔzannu ma we nana; wo lɔlu plɛn ’bɛnu dérenu ma, yé wo yéri si alé balelayezannu ma, fɔɔ, yé Gakelebale lé bliflile élé munu ma gié é glɛ la.

Lɛrɛvɔ Sɛbɛ 10:6

É lé é bli gi léé, ’é sɔnéwɔlɛ ’ka saan lo. É a é yɔɔle yifaama we tɔntɔn lee.

Lɛrɛvɔ Sɛbɛ 14:1

Lɛrɛ lé David a vɔle gɔɔn lɛrɛvɔmunu ’lɛzan lɛ. ’Tugyɛzan lé é bli gi léé: Bale ’ka pelo. Wa é vɔnle; wo tɛrɛgyɛwe kɛlɛ; Wo va mi do lé éé wezin kɛla, ’bɛzan ’ka lo.

Wegɔnévɔlenu 30:9

dé an da fɛ kiɛre ye, yé maa sɔn vɔ i ma yé maa léé, de ɛ ke Gakelebale nyaa? Taa, dé nyané é da an gyɛ yé maa kyeen wo yé maa anlé Bale tɔ sɛrɛ.

Jérémi 14:22

Bɛnnu faa lé miyilinu vazan do éé lɛɛ daan? taa, La ɛ lɛɛ daan? Lɛɛdazan ’ka bii Gakelebale kolé Bale nya loo? Ko bli a bii ɛ lɛ, Naa, bii ɛ ke fɛnu ’ko faa kɛlɛzan nya.

Jérémi 2:6

Maa Gakelebale lé an wo si Éjipiti tɛrɛ la, wo ’ka an ta laan boenwo lo; An go wo nya bwi gi, Tɛrɛ lé fɛ do ’ka ana lo, ’té guru saa ke ana, Tɛrɛ lé ’yi ’ka a gi lo, ’té ga ke ana bɛ, Tɛrɛ lé mi do kpen ’ka giéan ana lo Yé mi do kpen ’ka nyanaan ana lo, an da wo nya ana ’naan, Yé wo ’ka an ta laan loo?

Jérémi 28:4

Yé maa dan da lɛ Juda nwiinzan blɛn Jojakim be Jékonia nya fɛkona, yee valé Juda munu faa lé wo go wo nya luu gi Babilɔn, wo nya, naa, luubale lé Babilɔn nwiinzan a vɔ wo bɔrɔ ma, maa dan a kini lɛ. A zo lé Gakelebale a fe.

Jérémi 4:10

Yé maa léé: Mizan, Gakelebale, i dabli kɛlɛ munu ’ko valé Jérusalɛm munu lɛ, a fele nya léé: Ka dan vo lɛ drɔɔ, yé sin bléyi ’ko va, gwɔun a bon‐ɛnna wolé tɛrɛla nya.

Jérémi 43:1

Dérenu faa lé Gakelebale wolé Bale a pa Jérémi ’léé léé, ’é a fe munu lɛ, Jérémi nyaa aan wo wo fele nya wo faa lɛ.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi 6:14

Woo anlé munu manɔn paan gi nyané nya, ’té wa fé léé: ’I vo drɔɔ, ’i vo drɔɔ, yé vole drɔɔ do kpen ’ka ana lo.

Ézékiɛl 13:6

Wolé yuɛziwenu a é pla, yé wolé wefelenu a vié nya. Wo léé, Gakelebale léma, dɔlé ’té Gakelebale ’ka wo nwunvɔ lɛ pelo. Yé wa kɛlɛna léé, munu bli ’é vo a lɛ léé, wo dére lɛ é dan sɔɔ lɛ.

Misé 2:11

Dé mi do vlan buru é pla, ’té éé a fé vié nya léé: Maa dan balelawe fe lɛ ka lɛ nwɛ valé dɔrɔ ’lɛ plɛplɛ lé we nya, ’bɛzan ɛ kɛla munu ’ko lé balelawefezan nya.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Bélidɔwesɛbɛ Fiézan 29:19

Gipawe ’ko lé woo wɔraan a gi bale ’nyɔɔnle nya, dé mi do a ’ma, té ébo kɛlɛ blɛn é bli gi lo, ’té é a fe léé, dé an bli go wean zuooo, dé an nwɛ tanle pa nwɛ minilɔrɔ lé an gyɛle vaoo, an dan vo lɛ drɔɔ lo.

1 Jan 5:10

Mian é bli vo Kazambale Be lɛ, yee wenayedére ’ko a ’bɛzan gi. Yé mian é ’ka é bli voo Kazambale lɛ lo, é a Bale kɛlɛna viézan nya. É ’ka é bli vo lɛ Kazambale lé wenayedére lé é a fe é Be ma bɛ, a lɛ lo, azama.

1 Samuɛl 6:9

’Ka yuɛ vo a zuo; dé é gié élé tɛrɛ glɛ zi ta Bɛt‐Sémɛs vazia, ’té Gakelebale ɛ we tɔntɔn blɛn ’ko kɛlɛ ko lɛ; dé ’bɛ kaan lo, ko dan a gi dɔɔ lɛ léé, yeean é ko gyɛ lo, ’té we ’ko bɔ ko ma é pla.