Jérémi 5:1 - Kazambale lé Sebe Sauunu 1979

¹ ’Ka gié Jérusalɛm zinu ta, ’Ka nagini, ’ka we ma laa, ’ka vuun la nagini, Dé ka mi do ye ana, dé é a mi do nyaoo, ’Té éé we tegele kɛla, ’té é a é kunle webozen ma, Maa dan Jérusalɛm munu ma we vo lɛ alé we ma.

Jérémi 5:1 ပူးပေါင်းရင်းမြစ်များ

1 Minwiinzannu 19:10

É a zi pa léé: Maa Gakelebale, lai sunyanu lé Bale lé we kɛlɛ an sɔbɛla nya; naa, Izraɛl lé nénu ilé gipawe vo yé wo i bannanu zana a gi yé wo ilé balelayezannu gyɛ gwɔun nya; maa ɛ vo, an do kpen, yé wa kwa kulina léé, wo anlé tɛrɛla nyaa.

2 Minwiinmunu lé Wezuofe Sɛbɛ 16:9

Naa, Gakelebale éé tɛrɛlamunu faa naginian, munu lé wo bli ke a lɛ é ta lé kɔn‐an, wo dɔle gligli we ma. I we ’ko kɛlɛ ’tu nya. Naa, guli é dan nwa lɛ i ma lao bɛ.

Lɛrɛvɔ Sɛbɛ 12:1

Lɛrɛ lé David a vɔle gɔɔn lɛrɛvɔmunu ’lɛzan lɛ. Kɔnɔ lé a bale ke sɔraa, ’wa gyɛ a va.

Lɛrɛvɔ Sɛbɛ 14:2

Gakelebale lé é ke la gi loru, éé blaminu naginian, Dé gikinizan do anaa? Dé Bale naginizan do anaa? A yele we ma.

Lɛrɛvɔ Sɛbɛ 14:3

Wo faa zi buu, wo faa saan, Mian éé wezin kɛla, ’bɛzan ’ka lo, A do boen ’ka lo.

Lɛrɛvɔ Sɛbɛ 94:16

De ɛ dan nwa lɛ an nyanézannu ma an lɛɛ? De ɛ dan an kun lɛ kli wenaanékɛkɛmunu maa?

Wegɔnévɔlenu 20:6

Munu kiɛre wolé wezin kɛlɛle tɔ bɔa; naa, mi kyɛn ɛ bɔa yarapawelazan yele lɛɛ?

Wegɔnévɔlenu 23:23

’I kwa kuli webozen ma, ’bé ye, té bé vo lo, wedɔɔle koo, wepaale koo, gikinile koo, ’i kwa kuli wo ma.

Wegɔnévɔlenu 8:3

É a siaana flagɔrɔ ’léé koo, Gɔrɔ gi koo, kɔn ’léénu koo, wona, yé é léé:

Wegɔné Ma Lɛrɛ 3:2

Maa dan nwa lɛ, yé maa gié flaworo dii, Zinu valé fla vuun ta, Mi lé an bli bɔ a ma, maa dan a gini lɛ, Maa gini, yé maa ’ka a ye lɛ lo.

Ézai 59:4

Ka do kpen ’ka mi tɔ fé tegele lo. Ka do kpen ’ka we sié ka nwiin we drɔle nya lo. Ka paan boawenu ta, ’té ka we fé vié nya. Ka wenaané bɔn sié yé ka né yaa wenyané blɛn nya.

Jérémi 2:29

Mɛmalé ka a za vɔna an lɔ maa? Ka ’ka nyanaan an wuo lo. Maa Gakelebale ɛ ke a fena.

Jérémi 44:15

Gɔnénu faa lé wa gi dɔɔ léé, ’wo nanu lasikɔrɔpo kyɛ ble bale bɛnu lɛ koo, lomu kiɛre lé wo ke ’bɛna, wo faa koo, munu faa lé woo nyanaan Patrɔs, Éjipiti tɛrɛ la, wo koo, wa zi pa Jérémi lɛ léé:

Jérémi 8:6

Maa a wemazan nya, an tɔné a é dɔle; wo ’ka we fé wefebɛ yɛrama lo; wo va mi do kpen ’ka é bli nɔlaan élé we lɛrɛlɛrɛ kɛlɛle ma lo. Yé é ’ka a fé léé: Mɛ we lé maa a kɛlɛ bɛɛ? lo. Wo faa zén ’wolé zinu ta bélé wisoo lé éé fɔrɔan guli danna, a zo.

Jérémi 9:2

Oo, dé é vo léé, kɔn do a an lee bwi gi giézannu nyanana nya, ’Té an sɔn vɔ anlé munu ma yé an si wo ma baa; Naa, wo faa a le bɛ valé gɔné bɛ ginizannu nya; Wa dabli munu nya.

Jérémi 9:7

Amalé lai sunyanu lé Gakelebale léma: Ka ye, maa dan wo zuo kuli lɛ, yé maa dan wo gi dan lɛ, Naa, maa dan a kɛlɛ lɛ kaa anlé munu lé we maa?

Ézékiɛl 22:30

Yé an mi do nagini wo va léé, ’é gɔrɔ guru do dɔ an ’lɛ, yé é dɔ gɔrɔ buruna tɛrɛ ’ko tamunu ’lɛ, zi dɔle an lee we ma léé, té maa wo kulu ga lo. Naa, an ’ka mi do kpen ye lɛ lo.

Ézékiɛl 9:9

Yé é a zi pa an lɛ léé: Izraɛl munu valé Juda munu lé weple a blɛn. É gié é glɛ ta. Tɛrɛ a é fanle migyɛwe saa nya. Fla a é fanle weple saa nya. Naa, wo léé, Gakelebale sɔn vɔ tɛrɛ ’ko ma. Gakelebale ’ka ’wo yé lo.

Daniɛl 12:4

Bii Daniɛl, ’i dérenu ’ko tadɔ yé ’i sɛbɛ ’ko ’léé béé fɔɔ yé bléyi voélazan é bɔ. Mi kiɛre é dan a ta fe lɛ, yé wedɔɔle gi é dan gyɛ lɛ.

Joɛl 2:9

Woo nwɛɛn‐an fla, Woo vlanburuwo fla zi gɔrɔnu bɔrɔ la, Woo vɔa kɔnnu nwiin, Woo wɔraan fɛnɛtinu la bélé kyeenwozan zo.

Amɔs 8:12

Wo dan nɔɔ lɛ wɛyi fié méléna, ’té woo sié yirinwana bɛbolazia, yé wo go yirinwanazia; wo dan go lɛ ’ko, yé wo da ’ko, Gakelebale dére ’male we ma, yé wo ’ka dan a ’ma lɛ lo.

Zakari 2:4

É lé ’bɛ lɛ léé: ’I vlan buru, bé fe pɛniɛ ’ko lɛ léé: Mi gu kiɛre valé winu kiɛre lé wo ke Jérusalɛm bɛ, wolé we ma lé Jérusalɛm lɛ é dan vo lɛ é sole;

WENÉNÉ LÉ LUK A GYE (Évangile selon Luc) 14:21

Mi leezan da yé é we ’konu zuo fe ’ézan lɛ. Yé kɔnzan bli fli yé é lé é leezan lɛ léé: ’I go é nya do flɛgi valé flaworo dii yé ’i da nyanégyɛmunu koo, bɛ valé ganegazannu koo, yuɛwiizannu koo, tunbozannu koo, wo nya.

2 Tɛsalɔnik munu 2:10

dabliwe ple faa koo, é dan wo kɛlɛ lɛ. Webozen lɔrɔ lé éé mi sié we gi, é ’ka munu ma lo, amalé we ’konu é dan bɔ lɛ woo munu lé wo ke zamaga wona, wo ma.