Jérémi 49:7 - Kazambale lé Sebe Sauunu 1979

⁷ Édom munu mawe lo. Lai sunyanu lé Gakelebale léma: Wedɔɔle ’ka Téman munu gi é dɛrɛ loo? ’Wuoatazan lé we ma pale saan? Wolé wedɔɔle ’ka é dɛrɛ loo?

Jérémi 49:7 ပူးပေါင်းရင်းမြစ်များ

Wepélisiananu 25:30

Yé Ézau lé Jakɔb lɛ léé: Ilé zanté, an wɔlɛgi nyaa an ma. ’I fɛ sɔɔn ’ko nɔ an lɛ, maa ble; fɛ sɔɔn ’ko lé maa fe yé ’maa ble. Amalé wo Ézau tɔ do pa Édom.

Wepélisiananu 27:41

Jakɔb za Ézau bɔn fan a ti lé a drɔɔ vole we ma; yé Ézau lé é bli gi léé: Fɛan zo lé an ti gyɛboyinu a bɔna é pu, dé ’bɛ nyaa faa, maa dan an zuané Jakɔb gyɛ lɛ.

Wepélisiananu 32:3

Jakɔb munu nwunvɔ ’é ’lɛ é bwe Ézau va Séii tɛrɛ la, Édom bɛn gi.

Wepélisiananu 36:11

Élifaz benu lé ke Téman koo, Omaa koo, Sɛfo koo, Gaétam koo, Kénaz koo, wo nya.

Wepélisiananu 36:15

Ézau benu lé wo kɛlɛ tɛrɛzannu nya, wo lé ke ’ko: alé né vininzan Élifaz benu lé ke ’ko: tɛrɛzan Téman koo, tɛrɛzan Omaa koo, tɛrɛzan Sɛfo koo, tɛrɛzan Kénaz koo,

Wepélisiananu 36:34

Jobab ga; yé Téman munu lé tɛrɛlami Usam pla munu nwiin a pa gi.

Wepélisiananu 36:8

Ézau nyana Séii gɔ nwiin. Ézau ɛ ke Édom nya.

Minwiinzannu lé Wezuofe Sɛbɛ 1:53

Kénaz, Téman, Mibisaa,

JOB (Job) 2:11

Job béé yaa ana; Téman mi Élifaz a do; Suas mi Bilda a do; Naama mi Sofaa a do; we naanénu faa lé wo bɔ Job ma, wa ’ma. Wo si ’wo va yé wo zén ékeva yé wo go a va, a gale nyɔ vɔle valé a tɔrɔpaale we ma.

JOB (Job) 4:1

Téman mi Élifaz kun wefele ma yé é léé:

Lɛrɛvɔ Sɛbɛ 137:7

Gakelebale, Édom munu sele ’é dɔ i gi ma, Munu lé, wa fe Jérusalɛm ma yi la léé: ’Ka a ’wii, ’ka a ’wii Fɔɔ yé é bɔ a gane vɔna ma, wo sele ’é dɔ i gi ma.

Ézai 21:11

Balelawe lé Ézai a fe Duma ma, yee lo. Wo siaa an lɛ Séii tɛrɛ la yé wo léé: Flataginizan, i lé béli lé we ma nɔɔ? Flataginizan, i lé béli lé we ma nɔɔ?

Ézai 29:14

Bɛwemalé maa dan munu ’ko bla lɛ é ziin we blɛnblɛnnu valé gyɛzorowenu kɛlɛle nya; wolé wedɔɔmunu lé wedɔɔle é dan nyaa lɛ, yé wolé ’wuoatazannu lé ’wuoatawe é dan san lɛ.

Jérémi 12:14

An zi bɛn nyanénu lé woo nwaan tɔnɔfɛ lé Bale a nɔ élé munu Izraɛl lɛ, a ma bɛ, Gakelebale wo ma we fe yé é léma: Ka ye, maa dan wo si lɛ wolé tɛrɛ la, yé maa dan Juda munu si lɛ wo méléna.

Jérémi 18:18

Yé wo léé: ’Ka da, kaa gi pa Jérémi ma. Bélidɔwe ’ka dan si lɛ Balebanzannu lee lo; weplale ’ka dan si lɛ wedɔɔzannu lee lo; dére ’ka dan nyaa lɛ balelayemunu ’léé lo. ’Ka da, kaa Jérémi gyɛ kaa dére nya, té kaa tɔné dɔ a dére do kpen lɛ lo.

Jérémi 25:21

Édom, Moab, Amɔn munu;

Jérémi 25:23

Dédan, Téma, Buz, munu faa lé woo puomagun soro boo,

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 49:20

Bɛwemalé, we lé é dɔ Gakelebale gi léé, é dan a kɛlɛ lɛ Édom munu lɛ, ’bɛ valé we lé é a é bɔn‐in bɔrɔna léé, ’é a kɛlɛ Téman munu lɛ, ’ka tɔné dɔ wo lɛ. Webozen lé, wo dan wo gana lɛ bélé ’bla lé plɛplɛ ’ka a lee lo, a zo. Wo dan ’wii lɛ wo nyanana ta webozen nya.

Jérémi 8:9

Yara wedɔɔmunu gyɛ; di kini wo gi yé wo wo kun. Wo nyé yélié Gakelebale dére ma. Wedɔɔle kaa ɛ ke wo lee?

Jérémi Lé Wuvɔ Sɛbɛ 4:21

Édom munu, Usi tɛrɛ lamunu, Ka gi ’é nana é bléyi, ka a ka tanyila, Yee we duo é dan bɔ lɛ ka ma, Ka dan kle ble lɛ a gi, yé wo dan ka poro lɛ.

Ézékiɛl 32:29

Ana lé Édom koo, é nwiinzannu koo, élé mi blɛnnu koo, wo ke. Wo bli ta a plɛplɛ, naa duowo, wo wo pla munu lé wo wo gyɛ gwɔun nya, wo va; wo gale a é yiale ganedɔlozannu va, munu lé wo go guruwɔlɛ ma, wo va.

Daniɛl 11:41

É dan wɔra lɛ tɛrɛnu va tɛrɛ zima ta, yé é dan mi kiɛre gyɛ lɛ; naa Édom munu koo, Moab munu koo, Amɔn munu tɔzannu koo, wo dan so lɛ a lee.

Joɛl 3:19

Éjipiti tɛrɛ faa é dan vo lɛ é ’bin nya, Édom é dan vo lɛ bwi nya, Glawe lé wa kɛlɛ Judamunu lɛ Yé wo weanwiinlo munu nyɛ zana wolé tɛrɛ la, a we ma.

Abaku 3:3

Bale si Téman; Mi Sauun si Paran gɔ nwiin. Ka ye do. Alé fua tɔbɔle éé lanu ta sɔɔlaan, Yé alé fuasan éé tɛrɛ faan.

Bélidɔwesɛbɛ Fiézan 23:7

Té ka léabo Édom mi ma lo, é a ka bwe nya, ’bɛzama; té ka léabo Éjipiti mi ma lo, ka kɛlɛ bɛn nya é vinin alé tɛrɛ la, ’bɛzama;