Jérémi 49:2 - Kazambale lé Sebe Sauunu 1979

² Gakelebale léma: Bɛwemalé a yinu é dan bɔ lɛ yé maa dan nwa lɛ Amɔn munu lé fla lé wa laama Rabat, a ma, yé wo dan guli dan siaalenu zuo gi ’ma lɛ. É dan kɛlɛ lɛ é ’bin nya yé a zi flanu kyɛ é dan ble lɛ, yé munu lé wo Izraɛl munu bin, Izraɛl munu é dan wo bin lɛ; maa Gakelebale ɛ ke a fena.

Jérémi 49:2 ပူးပေါင်းရင်းမြစ်များ

2 Samuɛl 11:1

’Bɛ lɛɛ bɛ gi, bléyian va lé minwiinmunu éé goo guli dan lɛ, Joab koo, David wuomunu koo, Izraɛl faa koo, David wo pa zia Amɔn munu sɛrɛle tata we gi, é valé Raba munu mabɛnle we gi. Naa, David vo Jérusalɛm.

Lɛrɛvɔ Sɛbɛ 48:11

Oo Bale, fɛan zo lé i tɔ éé goo baa, A zo duo lé i tɔ zin fele zuogi éé goo fɔɔ tɛrɛ glɛ sina; I bɛyi a we tegele saa kɛlɛbɛ nya.

Lɛrɛvɔ Sɛbɛ 97:8

Siɔn munu we ’ko ’ma, yé wo gi a nanana; Oo Gakelebale, ilé weblele zama Juda lomu gi a nanana ginanale blɛn nya.

Ézai 11:14

Wo dan ’wo péli vɔ lɛ do yé wo nwa Filisitinu ma yirivɔnazia, yé wo fɛ si yirinwanazia munu lee gla nya. Édom munu valé Moab munu é dan kɛlɛ lɛ gulizarafɛ nya wo lɛ; Amɔn munu é dan pla lɛ wo wuo.

Ézai 17:1

Balelawe lé Ézai a fe Damas ma, yee lo. Ka ye, Damas ’ka dan kɛlɛ lɛ fla nya é dɛrɛ lo; é dan kɛlɛ lɛ é ’bin nya é pla.

Jérémi 4:19

An bli loo! An bli loo! Maa a nyané blena an bli gi. An bli a an gyɛna. An ’ka bɔa tadɔle lɛ lo; Naa, an boen, ’i béli dére ’ma. ’I gulidanle vun ’ma.

Jérémi 49:1

Amɔn munu mawe lo. Gakelebale léma: Izraɛl be do kpen ’ka loo? A zarablezan ’ka loo? Mɛmalé Gad tɛrɛ la vo bale lé wa laama Malkɔm, a lɛ, yé ’bɛ banmunu éé nyanaan ana flanu taa?

Ézékiɛl 21:20

Maa dan bon‐ɛn lɛ wo nya gwɔun nya an lee, wolé kɔnnu faa ’léé, di kinile wo gi we ma, mi kiɛre kiɛre gyɛle we ma. Aa, a ma a é ’lɛrɛle a ta bile nyananyana we ma, a ’lɛ a é vɔle mi gyɛle we ma.

Ézékiɛl 21:25

’I zi do kɛlɛ léé, gwɔun é bɔ Amɔnnu lé fla Rabat ta, yé a do ’é bɔ Juda tɛrɛ la, fla plɛplɛ Jérusalɛm ta.

Amɔs 1:14

Maa dan kyɛ bi lɛ Raba gɔrɔ gi, yé é dan alé fuakɔnnu ble lɛ, ’té gulidanmunu éé siaan gulidanyi nya, ’té barikoko éé giéan fu plɛplɛ giéyi nya.

Abudias 1:19

Ézau lé gɔ é dan kɛlɛ lɛ yirinwana bɛyilazia munu zé nya, Yé Filisitinu lé tɛrɛ é dan kɛlɛ lɛ fɛna pɛblɛɛna munu zé nya. Éfraim munu lé tɛrɛ valé Samari munu lé tɛrɛ é dan kɛlɛ lɛ wozé nya, Yé Galaad tɛrɛ é dan kɛlɛ lɛ Bɛnjamɛn zé nya.

Mi Nɔnɔle 10:9

Tɛrɛ lé ka ke a ta, dé ka a gona guli dan lɛ ana, ka nyanézannu lé wo dan ka ma, wo va, ’ka bélinu fɛn plɛplɛ ma, yé ka sele é dan dɔ lɛ maa, Gakelebale kalé Bale gi, yé an dan ka si lɛ ka nyanézannu lee.

Mi Nɔnɔle 21:25

Izraɛlnu fla faa si, yé wo nyana kli Amorénu lé fla blɛnnu ta, Esibɔn valé é zi flanu faa ta.

Bélidɔwesɛbɛ Fiézan 13:16

’Ka gulizarafɛnu faa zun dɔ fla vuun la, yé ’ka wo kyɛ ble, woo valé fla nya, Gakelebale, kalé Bale ’lɛ. Fla ’ko é dan vo lɛ é ’bin nya lɛɛfaama, té wa pa é pa gi monomono lo.

Bélidɔwesɛbɛ Fiézan 3:11

Bazan mununwiinzan Ɔg a Réfaim munu nyaala nya. Alé yialafɛ lé wa kɛlɛ foliɛwɔlɛ nya, é ’ka Amɔn lé nénu lé fla Rabat loo? A sangi a mɛtrɛ ziɛn é buu yé a ’wuola a mɛtrɛ fié, gɔné lé fɛdan mɛtrɛ nya.

Jozué 17:11

Manasé zé a Isakaa valé Azɛɛ zé méléna; Bɛt‐Séan valé é zi flanu koo, Jibléam valé é zi flanu koo, Dɔɔ munu valé ’wo zi flanu koo, An‐Dɔɔ munu valé ’wo zi flanu koo, Taanak munu valé ’wo zi flanu koo, Mégido munu valé ’wo zi flanu koo, woo lé. Tɛrɛ yaa lé.

Jozué 17:16

Jozɛfu benu léé: Gɔ ’ko ’ka dan kozé bɔ lɛ lo, yé foliɛwɔlɛ goro a Kanaan munu faa lé woo nyanaan gɔ worona koo, wo lé ke Bɛt‐Séan valé é zi flanu koo, wo lé ke Jizréɛl gɔ worona koo, wo lee.