Jérémi 49:19 - Kazambale lé Sebe Sauunu 1979

¹⁹ Bé ye, é si Juudɛn yuu tɔbɔle gɔɔn ma yé é nwa nyanana plɛplɛ ma bélé golizra zo. Kele tɔɔn, maa kɛlɛ léé, Édom munu é fwi, yé mi lé maa a si a va, maa dan ’bɛzan dɔ lɛ ana. Naa, de ɛ ke bélé maa zoo? De ɛ dan an béli dɔ lɛɛ? Yé minwiinzan lé é dan dɔ lɛ an ma, é a kyɛɛn?

Jérémi 49:19 ပူးပေါင်းရင်းမြစ်များ

Minwiinzannu lé Wezuofe Sɛbɛ 12:15

Wo ɛ Juudɛn yuu kini moné vinin nya, bléyian va lé é bɔra bwi la, ’bɛ bléyi va, yé munu lé woo nyanaan gɔ woronanu, yirinwanazia valé yirivɔnazia, wona, yé wo wo bin.

2 Minwiinmunu lé Wezuofe Sɛbɛ 20:6

Yé é léé: Gakelebale, ko tranu lé Bale, biian i ke Bale nya lanu gi loo? I ’ka é plale bɛngɔnɔnu faa nwiin loo? Plɛplɛ valé we kɛlɛle se ’ka bii ɛ lɛɛ loo? Mi do kpen ’ka bɔa dɔle lɛ i ma lo. Yee kaan loo?

JOB (Job) 41:10

Kyɛnɛnɛnu éé fɔrɔma a ’léé, Kyɛ flɛnnénu éé bɔraan ana.

JOB (Job) 9:19

É a lé maa plɛplɛ naginii? Yee ɛ ke plɛplɛfaazan nya. É a lé anlé wenéné naginii? De ɛ dan go lɛ an nya weblezan vaa?

JOB (Job) 9:21

We ’ka an nwiin lo, naa, an bli ’ka an vole é yuɛma lɛ lo, An serele bo anlé tɛrɛla ma.

Lɛrɛvɔ Sɛbɛ 143:2

Té i kun i wuozan lé weblele ma lo, Naa, mi yuɛmalenu va mi do kpen ’ka tegele i yuɛ gi lo.

Lɛrɛvɔ Sɛbɛ 76:7

Jakɔb lé Bale bon‐ɛn la wo nya tɔɔn, Wisoonu valé wo tazannu, yi go wo nya baa.

Lɛrɛvɔ Sɛbɛ 76:8

Oo bii, i kana zén‐é mi gi. Dé i bli fli, de ɛ bɔa dɔle lɛ i ’lɛɛ?

Lɛrɛvɔ Sɛbɛ 89:6

Oo Gakelebale, lanu i bɔ vɔa i kɛlɛwe blɛnblɛnnu lé we ma. Woo i yara pale we ta glewoo mi sauunnu lé wo zén ékeva, wo va.

Lɛrɛvɔ Sɛbɛ 89:8

Bale a kanamazan blɛn nya mi sauunnu lé wo zén ékeva, wo va, Éé kana zén‐é munu faa lé woo dirian a zi, wo gi.

Fwile 15:11

Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Ézai 40:25

Mi Sauun léma: Ka dan an dan lɛ mi kyɛn ɛ ma, yé ko bɔ a nya ékemaa?

Ézai 46:9

Wenu lé wo kɛlɛ é kyɛn bɛ, wo sele ’é dɔ ka gi ma; Naa, maa a Bale nya, ’bɛ bɛ ’ka lo, Maa a Bale nya, an bɔmazan ’ka lo.

Jérémi 12:5

Dé i vlan za kɛlɛ ganela munu va yé koi i gyɛ ’naan, I bɔa za kɛlɛle lɛ wisoonu va kaa? Yé dé tɛrɛla a bléyian va drɔɔ, dé i ’ka iboma duaa lo ’naan, Dé Juudɛn yuu bɔra bwi la bléyian va, i dan mɛ ɛ kɛlɛ lɛɛ?

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 30:21

Wo vazan do é dan kɛlɛ lɛ wo nwiinzan nya, Wo vazan do é dan pla lɛ wo nwiin; Maa dan wo bié lɛ an sɔnɔ yé wo da an va; Naa, mi kyɛn éé bli ta dɔa plɛplɛ yé é bié an va éboaan? Maa Gakelebale ɛ ke a fena.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Daniɛl 7:4

a vininzan a bélé golizra zo yé a bɛanu a bélé gola bɛanu zo. Maa a naginina fɔɔ yé wa bɛanu so. Wa nwa tɛrɛ va yé wa dɔ é ganenu ta bélé blami zo, yé wo mi bli vɔ a gi.

Naum 1:6

De ɛ dan dɔ lɛ a wɛwɛ dɔle ’lɛɛ? De ɛ dan dɔ lɛ alé bliflile blɛn maa? A wɛwɛ éé sɔɔlaan bélé kyɛ zo, Yé gɔlɛgɔnu éé ’wiié a ’lɛ.

Zakari 11:3

’Blatabinzannu éé siaan wuvɔle nya, Wo kɛlɛle blɛn yi ga, azama; Juudɛn tɔbɔmafɛnu sɛrɛ, Amalé golizra boronénu woo gi gunuan.

Mi Nɔnɔle 16:5

É lé Koré valé é vamunu lɛ léma: Tɛlɛ, mi lé é ke Gakelebale zé nya, yé mi lé é ke mi segele nya, Gakelebale é dan a gɔɔn lɛ, yé é dan ’bɛzan bié lɛ ’é ma; mian é a si ’ézé nya, é dan ’bɛzan bié lɛ ’é ma.

Jozué 3:15

’Sagyɛbléyi faa va, Juudɛn éé bɔraan bwi la, naa, Balebanzannu lé woo goo kɛsu nya, dé wo bɔ Juudɛn yuu ma, yé wo gane ma vo drɔɔdrɔɔ ’yi gɔɔn ma,

Wegɔɔnle 6:17

naa, wo blifliyi blɛn bɔ yé mi kyɛn ɛ bɔa dɔle lɛɛ?