Jérémi 49:18 - Kazambale lé Sebe Sauunu 1979

¹⁸ Gakelebale léma: Mi ’ka dan kɛlɛ lɛ ana é dɛrɛ lo; mi do kpen ’ka dan nyana lɛ ana lo. É dan kɛlɛ lɛ bélé Sɔdɔm valé Gɔmɔɔ valé wo sɔnɔ flanu lé maa wo sɛrɛ tata, wo zo.

Jérémi 49:18 ပူးပေါင်းရင်းမြစ်များ

Lɛrɛvɔ Sɛbɛ 11:6

Kyɛnyɛnu koo, kyɛ valé povun koo, Éé wo zén‐é mi nyanénu ta bélé lɛɛ zo. Fu lé éé wo kyɛ blé, yee ɛ ke wo dɔlafɛ nya.

Ézai 34:10

É ’ka dan diri lɛ é yiéyi valé é béli lo. A kyɛgoi é dan nwa lɛ yifaama; ana é dan vo lɛ é pla lɛɛfaama, mi do kpen ’ka dan gié lɛ ana monomono lo.

Jérémi 23:14

Naa, maa an tadanmawe ye Jérusalɛm lé balelayezannu va; Wa leginizannu nya; woo tawoo viéwole nya, Woo dɔa mi plenu zuo, Léé, té wo va mi do kpen é daan élé we lɛrɛlɛrɛ kɛlɛle ma lo. Wo faa a an yuɛ gi bélé Sɔdɔm munu zo; Yé munu lé woo nyanaan Jérusalɛm, wa bélé Gɔmɔɔ munu zo an yuɛ gi.

Jérémi 49:33

Asɔɔ é dan kɛlɛ lɛ gwe nyanana nya, é dan vo lɛ bwi nya yifaama. Mi do ’ka dan nyana lɛ ana lo, mi do kpen ’ka dan yii lɛ ana lo.

Jérémi 50:40

bélé Sɔdɔm valé Gɔmɔɔ valé ’wo punma flanu lé Gakelebale wo sɛrɛ, wo zo. Mi ’ka dan nyana lɛ ana é dɛrɛ lo, mi do kpen ’ka dan kɛlɛ lɛ ana lo. Maa Gakelebale ɛ ke a fena.

Amɔs 4:11

Maa ka zana a gi, Sɔdɔm valé Gɔmɔɔ zé kɛlɛ fɛan zo, a zo; maa ka kɛlɛ bélé kyɛpéli lé wa si kyɛ va gla nya, a zo. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Sofoni 2:9

Lai sunyanu lé Gakelebale, Izraɛl lé Bale léma: Maa a é yuɛma. Moab é dan kɛlɛ lɛ bélé Sɔdɔm zo, yé Amɔn é dan kɛlɛ lɛ bélé Gɔmɔɔ zo. Lélinu é dan tuu lɛ wona, yé wo dan vo lɛ wɛtɛrɛ valé nyéné saa nya yifaama. Anlé munu pɔnénu é dan ’wii lɛ wo ta, yé anlé bɛngɔnɔ pɔnénu é dan wo si lɛ ’wozé nya.

Rom munu 9:29

Yé fɛan zo lé Ézai a fe é kyɛn, é kɛlɛ a zo. É léé: Dé Sunyanuzan ’Ka ko kulu sɛné vo lɛ ana lo, ’Té ko kɛlɛ bélé Sɔdɔm zo, ’Té ko valé Gɔmɔɔ munu a é bɔle ékema.

Bélidɔwesɛbɛ Fiézan 29:22

Mikulunu lé wo dan da lɛ, kalé nénu lé ka dan wo yaa lɛ ka zuo, ’wo valé bɛnnu lé wo dan si lɛ tɛrɛ baa la, migyɛgyɛnu valé gyɛnu lé Gakelebale é dan tɛrɛ ’ko la munu gyɛ lɛ a nya, dé wo ’bɛ ye,

Bélidɔwesɛbɛ Fiézan 29:23

tɛrɛ ’ko lé é ke wɛtɛrɛ valé poovun tɛrɛ valé kyɛbletɛrɛ tanale nya, ’té fɛwɔlɛ valé féifɛ ’ka ana lo, ’té lu ’ka bɔraan ana lo, bélé Sɔdɔm koo, Gɔmɔɔ koo, Adima koo, Séboim koo, woo lé Gakelebale wo sɛrɛ élé bliflile valé é wɛwɛ blɛn nya bɛ, wo zo, dé wo ’bɛ ye,

2 Piɛri 2:6

Bale sɛrɛle dɔ Sɔdɔm valé Gɔmɔɔ nwiin yé é wo kinin kyɛyee nya; é we ’ko kɛlɛ, léé, Bale lé zi ma wenyané fezannu lé wo dan bɔra lɛ bɛ, dé wo we ’ko ’ma, yé wo ’ka dan wozé kɛlɛ lɛ ’bɛ zo lo.

SEBE LÉ JUD A GYE (Épitre de Jude) 1:7

Yé Sɔdɔm koo, Gɔmɔɔ koo, wo sɔnɔ flanu koo, wolé we sele ’é dɔ ka gi é ziin. Wenyané lé lanjenu a kɛlɛ, wo yee wenyané duo kɛlɛ; gɔnénu go gɔnénu va, yé lomu go lomu va, ’té woo pɛnpɛnné gya; sin wo kyɛ a blena, kyɛ lé é ’ka dirian monomono lo, a va; Bale we ’ko kɛlɛ léé, dé munu wo ye, yé wo bɔn‐in ’é kini yé wo ’ka we kɛla bélé wozé zo lo. We ’ko sele ’é vo ka gi ma.