Jérémi 49:13 - Kazambale lé Sebe Sauunu 1979

¹³ Naa, Gakelebale léma: Maa anbozen ’nyɔɔn, léé, Bozra é dan kɛlɛ lɛ guru zana a gizan valé serelebomazan nya; wo dan a sɛrɛ lɛ tata yé wo bale pa a ma. Alé flanu é dan kɛlɛ lɛ é ’bin nya, ’té ’bɛ glɛ ’ka lo.

Jérémi 49:13 ပူးပေါင်းရင်းမြစ်များ

Wepélisiananu 22:16

yé é léé: I we ’ko kɛlɛ yé i ’ka i be wɔlɛ do kpen nyané kɛlɛ lɛ an lɛ lo, amalé maa, Gakelebale dére lé, maa anbo ’nyɔɔn léé,

Wepélisiananu 36:33

Béla ga; yé Bozrazan Zérak be Jobab pla munu nwiin a pa gi;

Minwiinzannu lé Wezuofe Sɛbɛ 1:44

Béla ga yé Bozrazan Zérak be Jobab pla munu nwiin a pa gi.

Ézai 34:6

Wo nyɛ Gakelebale lé gwɔun ma ble, yé wo nyɔnɔ vuru a ma; mi nyɛ a ’blanénu valé boligɔnénu nyɛ nya, yé mi nyɔnɔ a ’blagɔné kolimayere wɔlɛ nyɔnɔ nya; naa, Gakelebale a saraka bona Bozra; é a mi gyɛna é baba Édom tɛrɛ la.

Ézai 45:23

Maa anbo ’nyɔɔn‐an Webozen éé bɔraan an ’léé, yé an dére ma ’ka nɔlaan lo; Mi faa é dan ’wo powuo zun lɛ an ’lɛ, Mi faa é dan maa ɛ ’nyɔɔn lɛ.

Ézai 63:1

Mi kyɛn ɛ ke sina Édom valé Bozra, ’té éé dan varɔ sɔɔn valé sɔ bile nyananyana nya é ta bɛɛ? Alé plɛplɛ blɛn lé é a fe, yé é ébo kɛla a gi blɛn bɛ, de léé? Maa lé; maa ɛ mi sile we gi fe yé mi vole éboma lé plɛplɛ a an lee.

Jérémi 18:16

Wo ’wolé tɛrɛ kɛlɛ boatɛrɛ nya, ’té munu a ma we nanaan; Munu faa lé woo giéan ana, woo dɔa dan‐uun, ’té woo ’wuo nyɔɔn‐an.

Jérémi 19:8

Maa dan fla ’ko kɛlɛ lɛ é ’bin nya, yé é dan kɛlɛ lɛ wenanamafla nya. Munu faa lé woo giéan a sɔnɔ, wo gi é dan vuru lɛ, yé wo dan ’furu fɛn lɛ wenaanénu faa lé é bɔ a ma bɛ, a we ma.

Jérémi 44:26

’Kaa Juda munu faa lé ka ke é nyanale Éjipiti tɛrɛ la, ’ka tɔné dɔ Gakelebale dére lɛ. Gakelebale léma: Ka ye, maa anbo ’nyɔɔn an tɔ blɛn nya léé, Juda mi do kpen ’ka dan an tɔ laa lɛ é dɛrɛ lo. Yé Éjipiti tɛrɛ faa la, mi do kpen ’ka dan a fe lɛ léé, Mizan Gakelebale a é yuɛma, lo.

Jérémi 48:24

Kérijɔt koo, Bozra koo, Moab tɛrɛ la flanu faa koo, dé wa baaoo, dé wa é puoo, woo lé.

Jérémi 49:22

Bé ye, é dan go lɛ bélé gola lé éé sié, a zo. É dan é bɛanu soi lɛ Bozra ta, yé ’bɛ yi nya Édom nyanazannu bli é dan kɛlɛ lɛ bélé né yaa le bli zo.

Jérémi 51:14

Lai sunyanu lé Gakelebale ébo ’nyɔɔn léé: Iin, maa dan i nyanézannu fan lɛ bélé gangannu zo, yé wo dan nwa lɛ i ma gulidan siaalenu nya.

Joɛl 3:19

Éjipiti tɛrɛ faa é dan vo lɛ é ’bin nya, Édom é dan vo lɛ bwi nya, Glawe lé wa kɛlɛ Judamunu lɛ Yé wo weanwiinlo munu nyɛ zana wolé tɛrɛ la, a we ma.

Amɔs 1:12

amalé maa dan kyɛ bi lɛ Téman tɛrɛ la yé é dan Bozra lé fuakɔnnu kyɛ ble lɛ.

Amɔs 6:8

Mizan Gakelebale ébo ’nyɔɔn, Gakelebale, lai sunyanu lé Bale léma: Maa nyé yélié Jakɔb lé boblɛn ma, yé alé fuakɔnnu za a an gi; maa dan fla valé é tafɛnu faa pa lɛ munu lee.

Abudias 1:18

Jakɔb lé munu é dan kɛlɛ lɛ bélé kyɛ zo, Yé Jozɛfu lé munu é dan kɛlɛ lɛ bélé kyɛnɛnɛ zo, Naa, Ézau lé munu é dan kɛlɛ lɛ lɔɔ zo, Yé wo kyɛ é dan vɔ lɛ lɔɔ ’léé, yé a kyɛ é ble, Yé Ézau lé mi do kpen ’ka dan vo lɛ ana lo, Naa, Gakelebale ɛ fe.