Jérémi 49:1 - Kazambale lé Sebe Sauunu 1979

¹ Amɔn munu mawe lo. Gakelebale léma: Izraɛl be do kpen ’ka loo? A zarablezan ’ka loo? Mɛmalé Gad tɛrɛ la vo bale lé wa laama Malkɔm, a lɛ, yé ’bɛ banmunu éé nyanaan ana flanu taa?

Jérémi 49:1 ပူးပေါင်းရင်းမြစ်များ

Wepélisiananu 19:38

A lu voélazan né yaa gɔné nya é ziin, yé ’bɛ ézé tɔ pa Bɛn‐Ami; Amɔn munu lé ke ana fɔɔ kyɔ yi nya, é a wo faa tra nya.

2 Minwiinzannu 10:33

É sia Juudɛn yuu ma yirinwanazia, é Galaad tɛrɛ la munu faa kele, Gadnu koo, Rubɛnnu koo, Manasénu koo, woo lé, é sia Aroɛɛ lé ke Aanɔn yuu gɔ la, ’bɛ gi léé, Galaad valé Bazan tɛrɛ faa lé.

2 Minwiinzannu 24:2

Kaldénu lé sunyanu koo, Sirinu lé sunyanu koo, Moab munu lé sunyanu koo, Amɔn munu lé sunyanu koo, Gakelebale wo pa zia Jojakim ma; é wo pa zia Juda ma a sɛrɛle we gi, dére lé Gakelebale a fe é wuozannu balelayezannu lɔlu nya, a yɛrama.

2 Minwiinmunu lé Wezuofe Sɛbɛ 20:1

’Bɛ zuo, Moab munu valé Amɔn munu valé Maɔn mi kenu, wo go guli dan lɛ Jozafat va.

2 Minwiinmunu lé Wezuofe Sɛbɛ 20:23

Amɔnnu valé Moabnu baa Séii gɔ ma munu ta wo kulu gale we ma, yee valé wo sɛrɛle tata we gi. Yé dé wo nyaa Séii munu gyɛle nya, yé wo saa ’wo ke gyɛ.

Néémi 2:19

Orɔn mi Sanbalat koo, miwuozan Amɔn mi Tobija koo, Arabu mi Gésɛm koo, wo we ’ko ’ma aan wo, wo we nana ko ma yé wo ko ye boawe kɛlɛzannu nya. Wo léé: Mɛ lé ka kɛla bɛɛ? Ka a nwana minwiinzan blɛn maa?

Néémi 4:7

Naa, Sanbalat koo, Tobija koo, Arabunu koo, Amɔnnu valé Azdɔdnu koo, wa ’ma aan wo léé, gɔrɔ ma’lɛrɛle a gona é ’lɛzia yé a vɔle é ke ’léé péli sia, é ’na wo ma é baba.

Lɛrɛvɔ Sɛbɛ 83:7

Édomnu valé Ismaɛlnu koo, Moabnu valé Agarénu koo,

Lɛrɛvɔ Sɛbɛ 9:6

I we lɛdɔa bɛnnu gi, yé i mi nyanénu sɛra tata. I wo tɔnu fwian yifaama zé nya, a glɛ ’ka dɔa lo.

Jérémi 12:14

An zi bɛn nyanénu lé woo nwaan tɔnɔfɛ lé Bale a nɔ élé munu Izraɛl lɛ, a ma bɛ, Gakelebale wo ma we fe yé é léma: Ka ye, maa dan wo si lɛ wolé tɛrɛ la, yé maa dan Juda munu si lɛ wo méléna.

Jérémi 25:21

Édom, Moab, Amɔn munu;

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 27:3

Édom koo, Moab koo, Amɔn koo, Tii koo, Sidɔn koo, i yee luubalenu pa wo nwiinzannu blɛn lɛ zia. Munu lé wo ’bɛnu nwunvɔ turu Jérusalɛm, Juda nwiinzan blɛn Sédésias va, bé nɔ wo lɛ yé wo goan wozannu lɛ.

Jérémi 48:1

Moab mawe lo. Lai sunyanu lé Gakelebale, Izraɛl lé Bale léma: We tɔntɔn kɛlɛ Nébo lɛ, naa, wo ’wii a ta. Kiijataim a é dɔle é gane ta; wa si. Misigab bɔ gyɛ, wa sɛrɛ.

Jérémi 49:23

Damas munu mawe lo. Amat valé Aapad, wa é dɔle ’wo gane la. Naa, wo wenaané ’ma; wo ma nyɔɔn, bélé wɛyi nanole lé é ’ka bɔa nyanale lɛ drɔɔ lo, a zo.

Jérémi 49:28

Kédaa tɛrɛ valé Asɔɔ tɛrɛ lé Babilɔn nwiinzan blɛn Nébukanɛsaa wo kele guli nya, wo ma we lé Bale a fe, yee lo. Gakelebale léma: ’Ka nwa, ’ka go Kédaa ma; ’ka yirinwanazia munu kulu ga.

Jérémi 49:7

Édom munu mawe lo. Lai sunyanu lé Gakelebale léma: Wedɔɔle ’ka Téman munu gi é dɛrɛ loo? ’Wuoatazan lé we ma pale saan? Wolé wedɔɔle ’ka é dɛrɛ loo?

Ézékiɛl 21:25

’I zi do kɛlɛ léé, gwɔun é bɔ Amɔnnu lé fla Rabat ta, yé a do ’é bɔ Juda tɛrɛ la, fla plɛplɛ Jérusalɛm ta.

Ézékiɛl 25:1

Gakelebale lé an lɛ léma:

Sofoni 1:5

Munu lé woo diaan ’wo bli ta kɔnnu nwiin lagifɛnu ’lɛ, munu lé woo diaan ’wo bli ta Gakelebale ’nyɔɔnle nya, ’té wo nwiinzan blɛn tɔ ’nyɔɔn‐an,

Mi Nɔnɔle 1:24

Wo Gad benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé.

Bélidɔwesɛbɛ Fiézan 2:19

yé ko dan bié lɛ Amɔn lé nénu ma. Té ko guli vɔ wo lɛ lo, té ko guli dan wo va lo, naa, ’é ’ka dan Amɔnnu lé tɛrɛlafɛ do kpen nɔ lɛ ko lɛ lo; ’é a nɔ Lɔt lé nénu lɛ wozé nya, ’bɛzama.

Bélidɔwesɛbɛ Fiézan 23:3

Amɔn mi valé Moab mi, té ’wo wɔra Gakelebale lé zen‐ékeva na lo, wo kulu vuzan‐oo, lɛɛfaama oo, té ’wo wɔra lo;

Bélidɔwesɛbɛ Fiézan 23:4

dé ka fwi Éjipiti tɛrɛ la bléyian va, dé ka a dana zia, wo ’ka da lɛ ’yi valé fɛ nya ka lɛ lo, bɛwemalé té ’wo wɔra lo. Yé é ziin, Béɔɔ be Balaam lé é si Pétɔɔ, Mézopotami tɛrɛ la, wo gɔɔli nɔ ’bɛ lɛ léé, ’bɛ é bale pa ka ma, ’bɛ we ma é ziin, té ’wo wɔra lo.