Jérémi 48:47 - Kazambale lé Sebe Sauunu 1979

⁴⁷ Naa, bléyi voéla gi, maa dan Moab munu si lɛ luu gi, maa Gakelebale ɛ ke a fena. A zo lé maa dan Moab zé we ’wuo dɔ lɛ.

Jérémi 48:47 ပူးပေါင်းရင်းမြစ်များ

JOB (Job) 19:25

Maa gi dɔɔ léé, an Tabozan a é yuɛma, Yé é dan we ’wuodɔdére fe lɛ tɛrɛ la é voéla.

Ézai 18:7

’Bɛ bléyi va, munu plɛplɛ lé wo fuu ke wo ta, ’té munu éé kanaan wo lee wo nwabléyi va, bɛn plɛplɛ lé éé munu faa wiian, ’té yuunu alé tɛrɛ gi bɔi bɛ, wo dan da lɛ lai sunyanu lé Gakelebale lé blɛ nya. Wo dan da lɛ wo nya, fɛana lé lai sunyanu lé Gakelebale tɔ ke, Siɔn gɔ nwiin, ana.

Ézai 23:18

Naa, a gooli valé a banwofɛ lé é a ye élé wenyané ma, é dan kɛlɛ lɛ Gakelebale zé nya, é ’ka dan a téé lɛ lo, yé é ’ka dan a tadɔ lɛ lo. Munu lé woo nyanaan Gakelebale ’lɛ, a gooli é dan kɛlɛ lɛ wolé fɛblele kiɛre valé wo tasɔ nɔnɔmi mafɛ nya.

Ézai 25:11

’Bɛna lé é dan é bɛ soi lɛ bélé ’yisizan éé ’yi sié fɛan zo, a zo. Naa, Gakelebale é dan alé boblɛn yi ga lɛ yé san lé é a vɔ nuu, é dan a sɛrɛ lɛ.

Ézai 45:20

Ka lé ka so bɛnnu lee, ’Ka zén ékeva yé ’ka da, ’Ka bié ékeva. Munu lé woo ’wolé miyili kɔné sié Yé bale lé é ’ka bɔa wo sile lɛ we gi lo, ’té wa tɔ laan bɛ, ’Wuo ’ka wo ta lo.

Jérémi 12:14

An zi bɛn nyanénu lé woo nwaan tɔnɔfɛ lé Bale a nɔ élé munu Izraɛl lɛ, a ma bɛ, Gakelebale wo ma we fe yé é léma: Ka ye, maa dan wo si lɛ wolé tɛrɛ la, yé maa dan Juda munu si lɛ wo méléna.

Jérémi 12:15

Naa, dé maa wo si ana faa, ’bɛ zuo an nyanai é dan zén lɛ wo ta é ziin, yé an dan da lɛ wo faa nya wolé tɔnɔyefɛna do do, wolé tɛrɛ la do do.

Jérémi 23:20

Gakelebale bli ’ka dan dɔrala lɛ lo, fɔɔ yé a bligiwe lɛ é sɔɔ yé a ’wuo é pla. Ka dan we ’ko gi ’ma lɛ é voéla.

Jérémi 30:24

Gakelebale bli ’ka dan dɔrala lɛ lo, fɔɔ yé a bligiwe lɛ é sɔɔ yé a ’wuo é pla. Ka dan we ’ko gi ’ma lɛ é voéla.

Jérémi 46:26

Yé maa dan wo pa lɛ munu lé é sɔ ’bɛnu lɛ léé, ’wo wolé tɛrɛla nyaa, ’bɛnu lee; an dan wo pa lɛ Babilɔn nwiinzan blɛn Nébukanɛsaa lee, yee valé a wuozannu lee. Yé ’bɛ zuo, munu é dan kɛlɛ lɛ Éjipiti tɛrɛ la bélé fɛan zo lé wo kɛlɛ ana é vinin, a zo. Maa Gakelebale ɛ ke a fena.

Jérémi 49:39

Naa, é voéla, Élam munu lé wo ke luu gi, maa dan da lɛ wo nya. Maa Gakelebale ɛ ke a fena.

Jérémi 49:6

Naa, ’bɛ zuo, maa dan Amɔn munu si lɛ luu gi. Maa Gakelebale ɛ ke a fena.

Ézékiɛl 38:8

Yi kiɛre giéle zuo, i dan kɛlɛ lɛ wo zilɛzan nya. Munu lé wo so gwɔun lee, ’té wo si bɛnnu va, ’té wo zén ékeva, Izraɛl gɔnu lé wo vo bwi nya bléyi kiɛre va, wo nwiin, yé wo nyana woboma duaa wo nyanananu na, munu ’ko bɛ, i dan nwa lɛ wo ma lɛɛ voélazannu gi.

Daniɛl 10:14

Wean é dan bɔ lɛ ilé munu ma é voéla, an dan a zuo fe lɛ i lɛ sin, naa, yuɛziwe ’ko a ’bɛ bléyi zé nya.

Daniɛl 11:41

É dan wɔra lɛ tɛrɛnu va tɛrɛ zima ta, yé é dan mi kiɛre gyɛ lɛ; naa Édom munu koo, Moab munu koo, Amɔn munu tɔzannu koo, wo dan so lɛ a lee.

Daniɛl 2:28

Naa, minwiinzan blɛn Nébukanɛsaa, Bale do ana lanu gi; yee ɛ we yɔɔlenu bɔraan, yé wean é dan bɔ lɛ bléyi voélanu gi, é a nagɔɔn minwiinzan blɛn lɛ. Nyɛ lé bé gyɛ, é valé yuɛzi wenu lé bé ye, ’té i a é yiale, yee lé ke ’ko.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

Mi Nɔnɔle 24:14

Yé bé ye, sin, maa dan go lɛ anlé munu va. ’I da, yé wean migɔnɔ ’ko é dan a kɛlɛ lɛ ilé munu lɛ é voéla, maa a zuo fe i lɛ.

Bélidɔwesɛbɛ Fiézan 31:29

Naa, maa a gi dɔɔ léé, an gale zuo, ka dan kabo sɛrɛ lɛ; yé tawobɛ lé maa a gɔɔn ka lɛ, ka dan si lɛ ’bɛ zuo; we lé ke naané Gakelebale yuɛ gi, dé ka ’bɛ kɛlɛ fɔɔ yé ka Bale bli fli ka bɛ kɛlɛfɛnu nya, é dan nyaa lɛ wenaané bɔle nya ka ma.

Bélidɔwesɛbɛ Fiézan 4:30

Dé ka a nyané blena, dé we tɔntɔn ’konu faa bɔ ka ma, yi voélanu gi ka dan nɔla lɛ Gakelebale kalé Bale va, yé ka dan ka tɔné dɔ lɛ a dére lɛ;