Jérémi 48:37 - Kazambale lé Sebe Sauunu 1979

³⁷ Naa, wo nwin faa a é puiɛle; wo puoma gun faa a é bole; wo wo bɛnu faa ma mian, yé bɔlɔ a é dɔle wo gyɛn.

Jérémi 48:37 ပူးပေါင်းရင်းမြစ်များ

Wepélisiananu 37:29

Rubɛn da é ziin ’yiguru ta, ’té Jozɛfu ’ka guru gi é dɛrɛ lo. Yé é ’élé sɔnu fia,

Wepélisiananu 37:34

Yé Jakɔb élé sɔnu fia yé é bɔlɔ dɔ é gyɛn, yé é mɔn ’é be gyɛ bona.

1 Minwiinzannu 18:28

Wo sia dére plɛplɛ nya yé wo ’wobozen tuo gwɔunnu valé dinnu nya wozé kɛlɛbɛ yɛrama fɔɔ yé wo nyɛ yoro wo ma.

1 Minwiinzannu 21:27

Akab dére ’konu ’ma Éli ta aan wo, élé sɔnu fia, yé é bɔlɔ zén é ta sɔ nya yé é lɔrɔ sɔn; é yii bɔlɔ ’ko nya é ta yé é tawo wɔɔɔ.

2 Minwiinzannu 6:30

Minwiinzan lezan ’ko dére ’ma aan wo, élé sɔnu fia, ’té éé giéan flagɔrɔ ta; yé munu a ye léé, bɔlɔ a a ma, alé sɔ wuo.

Minwiinzannu lé Wezuofe Sɛbɛ 19:4

Yé Anun David wuozannu kun, yé é wo puomagun bo, yé é wolé varɔnu bɔi wo méléna yé é vo wo boro ma loru yé é daan wo ma yé wo go.

Ézai 20:2

yee lɛɛ ’ko gi Gakelebale we fe Amosi be Ézai lɛ yé é lé a lɛ léé: ’I go, ’i bɔlɔ si i gyɛn yé ’i sawala si i gane ma. É a kɛlɛ a zo, yé é tawo é porole, ’té sawala ’ka a gane ma lo.

Ézai 3:24

Fɛvɔnle gin é dan kɛlɛ lɛ lasikɔrɔ pa gi; gyɛla é dan kɛlɛ lɛ kyɛsidi pa gi; palo é dan dɔra lɛ nwintanle pa gi; bɔlɔ prɔɔné é dan kɛlɛ lɛ varɔ blɛn pa gi; wo dan tɔmase pa lɛ wo ma kyɛ nya, wo nɔnɔmi pa gi.

Ézai 37:1

Minwiinzan Ézékia we ’ko ’ma aan wo, élé sɔnu fia yé é bɔlɔ zén ’é ta, yé é go Gakelebale lé kɔn gi.

Jérémi 16:6

Mi segelenu valé nunukénénénu é dan ga lɛ tɛrɛ ’ko la yé wo ’ka dan wo pa lɛ pelo; wo ’ka dan wo wuvɔ lɛ lo, wo ’ka dan pɔɔ gyɛ lɛ wo kɔlɛ ma lo, wo ’ka dan ’wo nwin bo lɛ wolé we ma lo.

Jérémi 41:5

mi yɔ ziɛn lé wo si Sisɛm koo, Silo koo, Samari koo, wona, wo da ana, ’té wo puomagun a é bole yé wolé sɔnu a é fiale, ’té wo kɔlɛ ma a é mianle. Wo da blannu valé lasikɔrɔpo nya a plale Gakelebale lé kɔn gi we ma.

Jérémi 47:5

Gaza munu wo dan ’wo nwin puiɛ lɛ gyɛbole nya, Azkalɔn munu é dan ’wo tadɔ lɛ tétété, mi pɔnénu lé woo nyanaan fɛna pɛblɛɛna, wo é ziin, I dan ibo ma mian lɛ yifaamaa?

Jérémi 49:3

Esibɔn munu, ’ka dunnu, ’ka siaa, naa, wo Ai guru zana a gi. Raba munu, ’ka siaa yé ’ka bɔlɔ zén ka ta; ’ka wuvɔ yé ’ka vlan buru ’ko valé ’kona bɔbɔ vɔle nya. Naa, wo Malkɔm si yé wa gona a banzannu valé a nwiinzannu nya luu gi.

Ézékiɛl 27:31

Wo dan wo nwun puiɛ lɛ ilé we ma, Wo dan bɔlɔ zén lɛ ’wo ta, Yé wo dan wuvɔ lɛ i ta ’wo bli kyɛ dɔle nya, Kleblele blɛn nya.

Ézékiɛl 29:18

Blami be, Babilɔn nwiinzan blɛn Nébukanɛsaa nyanama plɛplɛ nɔ élé sunya palu lɛ Tii munu ma. Palo wo faa gyɛ yé wo bɛapa faa ta kɔlɛ so yé nyanama lé é a pa Tii ma, é ’ka a ma ban do kpen ye lɛ lo. Yee koo, élé sunya palu koo, wo ’ka a ma ban do kpen ye lɛ lo.

Ézékiɛl 7:18

Woo bɔlɔ vɔa ’wo tɛrɛ la, yé di blɛn kini wo gi; yara wo faa gyɛ, wo faa ’wo nwin puiɛ.

Lévinu 19:28

Té ka kɔlɛ ma mian migale lé we ma lo; té ka kɔlɛ ma nyɔɔ gyɛ lo. Maa a Gakelebale nya.

Amɔs 8:10

maa dan kalé fɛtinu nɔla lɛ gyɛbole nya, yé maa dan kalé lɛrɛnu faa nɔla lɛ wuvɔlenu nya. Maa dan bɔlɔ vɔ lɛ mi faa tɛrɛ la, yé maa dan mi faa gyɛ lɛ palo nya. Maa dan mi faa kɛlɛ lɛ gyɛbozannu nya, bélé mi be wɔlɛ do kpen gyɛbole zo, yé a ’wuo é dan pla lɛ é nyanale bélé ziri zo.

Misé 1:16

’I puo ma gun bo, ’i nwin puiɛ ilé né wezannu lé we ma. ’Ibo kɛlɛ palogyɛzan nya bélé gyɛn zo; ilé nénu é dan go lɛ luu gi tɛrɛ baa la, ’bɛzama.

Maak 5:5

Bléyi faa ma bladi nyanadi, é a gɔ nwiin, mipana, yé é vo siaana, yé ’té é ébo tuoan gɔlɛnu nya.

Wegɔɔnle 11:3

Maa dan balelawe fele se kɛlɛ lɛ anlé wenayezannu fié lɛ ’yi wuru suiɛdo yi yɔ yaa, ’té bɔlɔ a wo ta sɔ nya.