Jérémi 48:2 - Kazambale lé Sebe Sauunu 1979

² Moab lé fuatɔ ’ka é dɛrɛ lo, Woo bɔn‐in bɔrɔan a sanle ma Esibɔn; Kaa go, kaa a kulu ga bɛnnu méléna, Bii é ziin, Madamɛn, wo dan i sɛrɛ lɛ tata, Wa i zuo binna gwɔun nya.

Jérémi 48:2 ပူးပေါင်းရင်းမြစ်များ

Ézai 15:1

Balelawe lé Ézai a fe Moab tɛrɛ ma, yee lo. Yian nya lé wo ’wii Aa‐Moab munu ta é béli, wo fla sɛrɛle nyaa. Yian nya lé wo ’wii Kii‐Moab munu ta é béli, wo fla sɛrɛle nyaa.

Ézai 15:5

An dunnuan an bli gi Moab munu lé we ma; alé munu a vlanburuna fɔɔ Soaa, wo bélile we gi, wa vlanburuna fɔɔ Églat‐Sélisija; naa, wa gona loru Lusit vazia, ’té woo wuvɔa, yé wa siaana kleblele nya Koronaim lé zi ’léé.

Ézai 16:14

Yé sin Gakelebale léé: É sia kyɔ ’ko lɛɛ yaa, nyanamapazan lé lɛɛ nɔnɔle yɛrama, Moab tɔbɔle é dan kɛlɛ lɛ serelebomafɛ nya, ’bɛ valé alé migu blɛn faa nya. Fɛ lé é vo, é dan kɛlɛ lɛ kiéné, é vo sɛ ’té é ’ka boenwo lo.

Ézai 25:10

Naa, Gakelebale bɛ nyané a gɔ ’ko ɛ ta; wo Moab zɔn ’wo gane nya fɛ ’ko ɛ na, fɛan zo lé woo lɔɔ zɔn‐o ’wo gane nya kɔn fwina, a zo.

Jérémi 25:15

Naa, Gakelebale Izraɛl lé Bale we fe an lɛ yé é léma: Kana lé é ke é fanle anlé bliflile nya bélé dɔrɔ zo, bé si an lee, yé bɛnnu faa lé maa i nwunvɔ wo va, bé nɔ wo lɛ ’wa mini.

Jérémi 25:17

Yé an kana si Gakelebale lee, yé bɛnnu faa lé Gakelebale an nwunvɔ wo va, maa a nɔ wo lɛ yé wa mini.

Jérémi 31:36

É léma: Dé é kɛlɛ léé, bélidɔwenu ’ko nyaa an ’lɛ, ’Té Izraɛl kɛlɛle bɛngɔnɔ do nya é dan nyaa lɛ an ’lɛ yifaama zé nya.

Jérémi 33:24

We lé munu ’ko ke a fena, i ’ka a gi dɔɔa loo? Wo léé: Migɔnɔ fié lé Gakelebale wo si a va, é sɔn vɔ wo ma. ’Bɛ zo lé wo ke serele bona anlé munu ma, fɔɔ ’té wo ’ka wo yé é dɛrɛ bɛngɔnɔ do nya lo.

Jérémi 46:28

Gakelebale léma: Bii, an wuozan Jakɔb, té i kana lo, Maa a i va. Bɛnnu faa lé maa ka sɔɔla wo méléna bɛ, maa dan wo kulu ga lɛ, Naa, bii, maa ’ka dan i kulu ga lɛ lo; Maa dan we lɛdɔ lɛ i gi i kɛlɛwe yɛrama, Maa ’ka bɔa i vole lɛ é pla lo, an dan we lɛdɔ lɛ i gi.

Jérémi 48:17

Ka faa lé ka a zi lɛ sɔɔ, Yé ka a tɔ dɔɔ, ’Ka wuvɔ a ta, ’Ka fe léé: É kɛlɛ kaa yé alé plaminwiin soowoli vwii plɛplɛ lé, a tɔ ke é bɔle, yé é yélii?

Jérémi 48:42

Moab zé é dan nyaa lɛ; é ’ka dan kɛlɛ lɛ bɛn nya é ziin lo, naa, é nwa Gakelebale ma, azama.

Jérémi 48:45

Vɔfligimunu fuu si wo ta yé wo dɔ Esibɔn, tɔɔn, kyɛ bi Esibɔn; kyɛnɛnɛ nwa Sioni méléna yé é Moab munu lɛ do ble; é wolé mi blɛnblɛnnu ble.

Jérémi 49:3

Esibɔn munu, ’ka dunnu, ’ka siaa, naa, wo Ai guru zana a gi. Raba munu, ’ka siaa yé ’ka bɔlɔ zén ka ta; ’ka wuvɔ yé ’ka vlan buru ’ko valé ’kona bɔbɔ vɔle nya. Naa, wo Malkɔm si yé wa gona a banzannu valé a nwiinzannu nya luu gi.

Jérémi 49:37

Yé maa dan Élam munu ma nyɔɔn lɛ wo nyanézannu lé, é sɔ ’bɛnu lɛ léé, ’wo wolé tɛrɛla nyaa, ’bɛnu ’lɛ. Yé Gakelebale léé: Maa dan we tɔntɔnnu bɔ lɛ wo ma, an bli flile baba we ma. Yé maa dan wo zuo bin lɛ gwɔun nya fɔɔ yé maa wo kulu ga.

Mi Nɔnɔle 32:37

Esibɔn koo, Éléalé koo, Kiijataim koo,