Jérémi 46:6 - Kazambale lé Sebe Sauunu 1979

⁶ Dé mi bɛn ’ka looo, ’bɛ ’ka sié we gi lo, Dé mi a nyanazan nyaoo, ’bɛ ’ka so a lee lo. Wo sɔné éé saan, yé woo diaan Yufrat yuu gɔɔn ma, yirinwana bɛbolazia.

Jérémi 46:6 ပူးပေါင်းရင်းမြစ်များ

2 Minwiinzannu 23:29

Jozias bléyi va Éjipiti nwiinzan Faraɔn Néko go Asiri nwiinzan ma, Yufrat yuu ma zia. Minwiinzan Jozias go zi dɔ lɛ a ’lɛ; Faraɔn a ye tɔɔn, é a gyɛ Mégido.

2 Minwiinzannu 24:7

Éjipiti nwiinzan blɛn ’ka si lɛ élé tɛrɛ la é dɛrɛ lo, naa, fɛ faa lé ke Éjipiti nwiinzan blɛn lee, é sia Éjipiti lé yuu ma fɔɔ yé é bɔ Yufrat yuu ma, Babilɔn nwiinzan blɛn a si.

Lɛrɛvɔ Sɛbɛ 27:2

Dé mi nyanénu bié an ma, an minile we ma, Nyané pa antazannu valé an nyanézannu Wo ɛ sɔné éé saan yé woo ɛ diaan.

Bale Lé We Gifezan 9:11

Maa ye é ziin tɛrɛ la léé, vlanburuzan baba ’ka bɔraan é vinin vlan za kɛlɛna lo; yé guliwuo ’ka vo nyanazan lɛ lo; wedɔɔzannu ’ka fɛblele yé lo, yé gikinizannu ’ka fua blé lo, yé ’wuoatazan ’ka wezin yé lo; ’bɛ faa éé sié azé bléyi valé a ziwenu va.

Ézai 8:15

Mi kiɛre sɔné é dan san lɛ a ma; wo dan dia lɛ yé wo dan ’wii lɛ; wo dan vɔ lɛ séli gi yé é wo kun.

Jérémi 1:14

Yé Gakelebale léé: Dirikiniwe é dan si lɛ yirinwana bɛbolazia yé é sɔɔla tɛrɛ ’ko la munu faa ma.

Jérémi 20:11

Naa, Gakelebale a an va bélé nyanazan plɛplɛ zo, Amalé nyanépaantazannu é dan dia lɛ; wo ’ka dan an kun lɛ lo. Wolé we ’ka dan vɔ lɛ a ma lo, amalé yara é dan wo gyɛ lɛ. É dan kɛlɛ lɛ yaragyɛwe lé a glɛ ’ka lo, ’té munu gi ’ka dan san lɛ a ma lo, a nya.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 4:6

’Ka drapo do dun Siɔn vazia, ’Ka vɔ fli gi, té ka dɔ lo. Naa, an dan we tɔntɔn valé dunuzénmita we si lɛ Yirinwana bɛbolazia, yé wo da.

Jérémi 46:10

Yi ’ko a Mizan, lai sunyanu lé Gakelebale lé yi nya, We lɛgi payi lé, we lɛgi payi nya Gakelebale nyanézannu ma. Gwɔun é dan fɛ ble lɛ, é dan kan lɛ, Yé wo nyɛ é dan gwɔun gyɛ lɛ bélé nwɛ zo. Naa, Mizan lai sunyanu lé Gakelebale, éé saraka boo Yirinwana bɛbolazia tɛrɛ la, Yufrat yuu gɔ la.

Jérémi 46:12

Bɛnnu é dan ilé yaragyɛle ’ma lɛ, Tun é dan dɔ lɛ tɛrɛ gi ilé siaalenu nya. Gulidan sunyanu sɔné é dan san lɛ ’wo ke ma, Yé wo faa é dan dia lɛ ékeva.

Jérémi 46:16

É a kɛlɛ léé, mi kiɛre sɔné é san Yé wo dia ’wo ke ta, yé wo léé: Kaa go, kaa nɔla kaalé munu va, Kaa yaatɛrɛ la é ziin, Kaa si migyɛgwɔun ma baa.

Jérémi 50:32

Boblɛnzan sɔné é dan san lɛ yé é dan dia lɛ, yé a nwazan ’ka dan kɛlɛ lɛ lo. Maa dan alé flanu valé é zi tɛrɛnu faa kyɛ ble lɛ.

Jérémi 6:1

’Kaa Bɛnjamɛn munu, ’ka fwi Jérusalɛm. ’Ka béli fɛn Tékoa, ’ka fɛ do nwa Bɛt‐Akérɛm tɔmase nya. Naa, woo we tɔntɔn valé dunuzénmitawe blɛn yé sina yirinwana bɛbolazia.

Daniɛl 11:19

’Bɛ zuo é dan é yara dɔ lɛ élé tɛrɛ la guliyɔɔkɔnnu vazia; é dan saanwe do kɛlɛ lɛ yé azé é dan nyaa lɛ, yé wo ’ka dan a ye lɛ é dɛrɛ lo.

Daniɛl 11:22

Sunyanu é dan nwɛɛn lɛ yé wo ta é dan saan lɛ yé wo sɛrɛ tata, ’wo valé Bale lé gipawe ’lɛzan do nya.