Jérémi 46:5 - Kazambale lé Sebe Sauunu 1979

⁵ Mɛ lé maa a yé bɛɛ? Wa kanana, ’té woo goo ’wo zuo; Wo wolé nyanazannu gyɛ, Wo fwi, yé wo ’ka nɔlaan é ziin lo. Wo zuru va nyɛ kini nuu. Maa Gakelebale ɛ ke a fena.

Jérémi 46:5 ပူးပေါင်းရင်းမြစ်များ

Wepélisiananu 19:17

Wo wo si fla aan wo, ’bɛnu va mi do lé wo lɛ léé: ’Ka go vlan nya kabo bélile we gi; té ka yuɛ vɔ ka zuo lo; té ka dɔ bwi la lo; ’ka vlan buru gɔ vazia, dé ka da zamaga wo.

Ézai 13:8

Di kini wo gi; nyɛ zénle wo gi é dan wo kun lɛ kleblele nya. Woo plɛn‐an bélé né yaa le zo. Wo dan dɔ lɛ dan‐uun, ’té woo ’wo ke ginian wo ’léé nya; wo yara kyɛ é dan dɔ lɛ.

Ézai 19:16

’Bɛ yi la, Éjipiti munu é dan kɛlɛ lɛ bélé lomu zo. Dé wa ye léé, lai sunyanu lé Gakelebale nwa ’wo ma yé wa ye we kɛlɛna, wo ma é dan nyɔɔn lɛ, yé kana é dan zén lɛ wo gi.

Ézai 42:17

Wo dan gyɛ lɛ ’wo zuo, yaragyɛwe é dan bɔ lɛ wo ma, Munu lé woo paan miyilinu ta, Munu lé wa fé miyili selelenu lɛ léé, ka a kolé bale nya, woo lé.

Ézai 5:25

Bɛwemalé Gakelebale bli fli élé munu ma; é bɛ nwa léé, ’é wo bla. Gɔblɛnnu ma nyɔɔn; migalenu a bélé bli zo zinu ta. Dé é kɛlɛ ’bɛ zo‐oo, a bli ’ka dɔralaan lo, ’té a bɛ a wo gyɛn gi duowo.

Jérémi 20:10

Maa mi kiɛre lé gun gyɛle ’ma, Yé wo léé: Yifaama, yifaama, we tɔntɔn, we tɔntɔn! ’Ka a tɔ laa, yé ko dan a tɔ fe lɛ. Munu faa lé wo bli ke an ma drɔɔ, Wa sin an ma vɔɔna léé, dé a sɔné é dan san lɛɛ? Wo léé: Dé é dan we do kɛlɛ lɛ é tanyila Yé ko a kuun? ’Té ko dan we lɛgi pa lɛ a ma.

Jérémi 46:15

Mɛmalé woo goo ilé nyanazannu nyaa? Wo ’ka é dɔle gligli lo; naa, Gakelebale wo zana a gi, azama.

Jérémi 46:21

Éjipitinu lé nyanamapamunu é ziin, wa Éjipitinu méléna bélé diriné bualenu zo. Yé wo é ziin, wo ’wo lala dɔa yee misɛrɛzan lɛ, wo faa fwila ’bɛnu ’lɛ; Wo ’ka guli vɔ lɛ ’bɛnu lɛ lo. Naa, wolé yi nyané é dan bɔ lɛ wo ma, Bléyi lé woo we lɛdɔa wo gi, yee lé.

Jérémi 49:29

Wo dan wolé sɔkɔnnu valé wolé trubɛnu si lɛ, yé wolé sɔkɔnnu koo, wolé nyɔgɔménu koo, wo dan wo si lɛ yé wo dan siaa lɛ wo zi fɛfaana, yé siaalenu ’ko é dan wo zuru va nyɛ kini lɛ.

Jérémi 49:5

Mizan, lai sunyanu lé Gakelebale léma: Ka ye, maa dan kana blɛn zén lɛ i gi; é dan si lɛ i zi fɛfaana yé é zén i gi; wo dan ka do do faa zuo bin lɛ baa, yé mi do kpen ’ka dan vɔfligimunu zén lɛ ékeva é dɛrɛ lo.

Jérémi 6:25

Té ka go féinu ta lo, té ka go zinu ta lo. Naa, ka nyanézannu lé gwɔun a ’bɛna yé di kinile mi gi a fɛfaana.

Ézékiɛl 32:10

Maa dan kwakwa vɔ lɛ bɛn kiɛre ta ilé we ma. Bléyian va lé maa anlé gwɔun nɔɔan wo yuɛ gi, ’bɛ bléyi va lé di é dan kini lɛ wo nwiinzan blɛn gi ilé we ma. I diayi nya, wo ma é dan nyɔɔn lɛ bléyi faa do do va, wo vole é yuɛma we ma.

Ézékiɛl 39:18

Ka dan nyanazannu wi ble lɛ, yé ka dan tɛrɛ la minwiinzannu nyɛ mini lɛ; ’blagɔnénu koo, ’blanénu koo, boligɔnénu koo, Bazan tɛrɛ la dirigɔnénu lé wo nyɔnɔ ke koo, woo lé.

Naum 2:8

É kɛlɛ a zo. Wa poro, yé wo go a nya, A wuomunu a dunnuna bélé plawuonu zo, ’Té woo ’wo golɛnu gya.

Naum 2:9

É vinin Ninive a bélé guru blɛn lé é ke é fanle ’yi nya, a zo. Ana munu lé woo vɔa fli gi bɛ. ’Ka dɔoo, ’ka dɔ! Naa, wo vazan do kpen ’ka nɔla lɛ é pa gi lo.

Sofoni 1:14

Gakelebale lé yi blɛn bɔ é pu. É bɔ é pu, é a biéna kelekele. Gakelebale lé yi a é dére wena, yé nyanazannu éé siaan klebledére nya.