Jérémi 46:28 - Kazambale lé Sebe Sauunu 1979

²⁸ Gakelebale léma: Bii, an wuozan Jakɔb, té i kana lo, Maa a i va. Bɛnnu faa lé maa ka sɔɔla wo méléna bɛ, maa dan wo kulu ga lɛ, Naa, bii, maa ’ka dan i kulu ga lɛ lo; Maa dan we lɛdɔ lɛ i gi i kɛlɛwe yɛrama, Maa ’ka bɔa i vole lɛ é pla lo, an dan we lɛdɔ lɛ i gi.

Jérémi 46:28 ပူးပေါင်းရင်းမြစ်များ

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Ézai 27:7

Gakelebale élé munu bla, bélé fɛan zo lé é wo blazannu bla, a zoo? É wo gyɛ, bélé fɛan zo lé é wo gyɛzannu gyɛ, a zoo?

Ézai 27:9

’Bɛ zo lé Bale é dan Jakɔb lé wenyané ’yibo lɛ; a ma we vole alé wenyanénu ma tɔnɔ é dan kɛlɛ lɛ ’ko zo: é dan yobannanu lé gɔlɛnu kɛlɛ lɛ é vun nya; Asataté miyilinu valé yiribɔnu, wo ’ka dan nwa lɛ é dɛrɛ lo.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 43:2

Dé i a ’yi kinina, maa dan kɛlɛ lɛ i va; Dé i a yuunu kinina, wo ’ka dan i mini lɛ lo; Dé i tawo kyɛ va, i kyɛ ’ka dan ble lɛ lo, Kyɛnɛnɛ ’ka dan vɔ lɛ i ma lo.

Ézai 44:1

Jakɔb‐oo, an wuozan, ’i tɔné dɔ sin, Izraɛl lé maa si a va, ’i tɔné dɔ sin.

Ézai 45:23

Maa anbo ’nyɔɔn‐an Webozen éé bɔraan an ’léé, yé an dére ma ’ka nɔlaan lo; Mi faa é dan ’wo powuo zun lɛ an ’lɛ, Mi faa é dan maa ɛ ’nyɔɔn lɛ.

Jérémi 1:19

Wo dan guli dan lɛ i va, yé wo ’ka dan i kele lɛ lo. Naa, maa a i va, i ta béli dɔle we ma. Maa Gakelebale ɛ ke a fena.

Jérémi 10:24

Oo Gakelebale, ’i we lɛdɔ an gi, naa, té é gié é glɛ la lo, Té bé kɛlɛ i bli flile nya lo, dé i da an kulu ga.

Jérémi 15:20

Maa dan i kɛlɛ lɛ munu ’ko va bélé kɔnguru plɛplɛ lé wa dɔ zéné nya, a zo; wo dan guli dan lɛ i va, naa, wo ’ka dan i kele lɛ lo; naa, an dan kɛlɛ lɛ i va, i bélile valé i sile we gi we ma. Maa dan i si lɛ mi nyanénu lee, maa dan i si lɛ glawe kɛlɛzannu lee. Maa, Gakelebale ɛ ke a fena.

Jérémi 23:4

Yé mi pazannu lé wo dan fɛ nɔ lɛ wo lɛ, maa dan wo dɔ lɛ. Wo ’ka dan kana lɛ é ziin lo; di ’ka dan kini lɛ wo gi é dɛrɛ lo, yé fɛ ’ka dan kele lɛ wo va mi do kpen ma lo.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 30:10

Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Jérémi 30:11

Gakelebale léma: Naa, maa a bii va, i sile we lee we ma; Yé bɛnnu lé maa ka sɔɔla wo va, maa dan wo faa sɛrɛ lɛ tata, Naa, bii, maa ’ka dan i sɛrɛ lɛ tata lo, Maa dan we lɛdɔ lɛ i gi we tegele nya, Maa ’ka bɔa i vole lɛ é pla lo, é a lé maa we lɛdɔ i gi.

Jérémi 4:27

Naa, Gakelebale léma: Tɛrɛ ’ko faa é dan sɛrɛ lɛ; Naa, maa ’ka dan a sɛrɛ lɛ tata lo.

Jérémi 5:10

’Ka vɔ a gɔrɔ bɔrɔ la yé ’ka a ’wii, Naa, té ka a zana tata lo. Alé dɔrɔyilinu lé wo ’ka Gakelebale zé nya monomono lo, ’Ka wo soowɔla.

Jérémi 5:18

Gakelebale léé: Naa, ’bɛ yinu la, maa ’ka dan ka kulu ga lɛ tata lo.

Jérémi 51:46

Té ka we do kpen gi bɔrɔ pa lo, té kana é zén ka gi, vun lé é dan we lɛ tɛrɛ ’ko ta, a we ma lo. Vun do é dan we lɛ lɛɛ ’ko gi, yé lɛɛ bɛ gi vun do é dan we lɛ; glawe é dan pla lɛ tɛrɛ ’ko nwiin, yé glazan do é dan nwa lɛ glazan do ma.

Daniɛl 2:35

Kele tɔɔn, foliɛwɔlɛ koo, bɔtɛrɛ koo, zéné koo, gɔɔlifu koo, kyan koo, wo faa wii ékeva, yé wo kɛlɛ bélé ’sapun lé éé sié ’sa sunwona yiri bi bléyi va, ’té fu éé goo a nya, a zo. Yé wo ’ka wo pagi do kpen ye lɛ é dɛrɛ lo. Naa, gɔlɛ lé é duun miyili lɛ, é kɛlɛ gɔ blɛɛn lé é tɛrɛ faa fan, a nya.

Abaku 3:2

Gakelebale, we lé bé fe, maa ’ma, yé kana blɛn zén an gi. Gakelebaleoo, Gakelebale, ’i kɛlɛwenu lɛ sɔɔ lɛɛnu faa gi, ’Bé nagɔɔn lɛɛnu faa gi; Naa, dé i bli a flina, i nyanai zénle sele ’é dɔ i gi ma.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Kelewenu 18:10

Maa a i va, yé mi do kpen ’ka dan é bɛ mane lɛ i ma wenyané kɛlɛle i lɛ we gi lo. ’I we fe. Anlé mi a fla ’ko la kiɛre.

1 Korent munu 11:32

Naa, dé Mizan kaalé we ble, ’té é we lɛdɔ ɛ wo kaa gi, léé, té wo ga dɔ kaa nwiin tɛrɛlamunu nya ékeva lo.

2 Timoté 4:17

Mizan ɛ bɔ an va, yé é an dɔ plɛplɛ anlé wefele lɛsɔɔle we ma, bɛnnu faa lé a ’male we gi. Yé Bale an si golizra lɔ ma.

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Wegɔɔnle 3:19

Munu faa lé wo sɔ an lɛ, maa we plaan wo lɛ plɛplɛ yé maa we lɛdɔa wo gi. Amalé i fuu ’é dɔ i ta yé ’i bli nɔla ma.