Jérémi 46:27 - Kazambale lé Sebe Sauunu 1979

²⁷ Yé bii, an wuozan Jakɔb, té i kana lo; Izraɛl munu, té kana é zén ka gi lo. Naa, maa dan ka si lɛ tɛrɛ baa ta, Yé i kulunu lé wo ke luu gi tɛrɛ bɛ ta, maa dan wo si lɛ ’bɛna; Jakɔb é dan da lɛ, é dan flin lɛ drɔɔ ginanale nya, Yé mi lé é dan gibɔrɔ pa lɛ a ma, ’bɛzan ’ka lo.

Jérémi 46:27 ပူးပေါင်းရင်းမြစ်များ

Ézai 14:3

Dé Gakelebale flinle nɔ ka lɛ ka wɔlɛi nyaale ka ma valé kalé kleblele zuo, kalé luu gi nyanéblele zuo,

Ézai 43:1

Jakɔb‐oo Jakɔb, Gakelebale lé é i kɛlɛ, é a wefena sin; Izraɛloo Izraɛl, mi lé é i bɔra, é léma: Maa i tabo, amalé té i kana we do kpen lee lo, Maa i laa i tɔ nya; bii a anzé nya.

Ézai 43:5

Maa a i va, amalé té i kana we do kpen lee lo, Maa dan i bɛn si lɛ yirinwanazia, Maa dan wo si lɛ yirivɔnazia, yé maa wo zén ékeva.

Ézai 44:1

Jakɔb‐oo, an wuozan, ’i tɔné dɔ sin, Izraɛl lé maa si a va, ’i tɔné dɔ sin.

Ézai 44:2

Gakelebale lé é i kɛlɛ, É sia i yaabléyi va, mi lé é i tin, Mi lé i tɛn a ma, é léma: An wuozan Jakɔb, té i kana lo, Anlé Izraɛl lé maa a si a va, té i kana lo.

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 32:37

yee flamunu lé maa wo mawe fe i lɛ léé, maa wo bin yé wo go tɛrɛ faa‐an ta bɛ, an bli flile koo, an wɛwɛ koo, an bli nwale koo, wolé we ma bɛ, maa dan wo si lɛ ana yé maa wo zén ékeva yé an da wo nya wolé tɛrɛ la é ziin yé wo dan nyana lɛ ana duaa.

Jérémi 33:16

’Bɛ yinu la Juda munu é dan si lɛ we gi, yé Jérusalɛm munu é dan nyana lɛ kli wo nyanana; tɔ lé wo dan a laa lɛ a nya, yee lé ke ’ko: Gakelebale, kolé wetegele.

Jérémi 50:19

Maa dan Izraɛl munu nyana lɛ wo pa gi é ziin; wolé fɛblena é dan kɛlɛ lɛ Kaamɛl valé Bazan tɛrɛ la, yé wobozen é dan kan lɛ Éfraim gɔ nwiin valé Galaad tɛrɛ la.

Jérémi 51:46

Té ka we do kpen gi bɔrɔ pa lo, té kana é zén ka gi, vun lé é dan we lɛ tɛrɛ ’ko ta, a we ma lo. Vun do é dan we lɛ lɛɛ ’ko gi, yé lɛɛ bɛ gi vun do é dan we lɛ; glawe é dan pla lɛ tɛrɛ ’ko nwiin, yé glazan do é dan nwa lɛ glazan do ma.

Ézékiɛl 16:53

Sɔdɔm valé é lunu lé wo ke luu gi koo, Samari valé é lunu lé wo ke luu gi koo, ilé luugizannu lé wo ke wo va koo, maa dan da lɛ wo nya wo pa gi,

Ézékiɛl 36:24

Maa dan ka si lɛ bɛnnu va é ziin. Maa dan ka si lɛ tɛrɛ faanu ta, yé maa dan go lɛ ka nya kalé tɛrɛ la.

Ézékiɛl 39:25

Amalé Mizan Gakelebale léma: Sin, maa dan Jakɔb lé munu si lɛ luu gi yé maa da wo nya wo pa gi. An nyanai é dan zén lɛ Izraɛl munu faa ta, yé maa dan kɛlɛ lɛ maawozan nya an tɔ sauun lé we ma.

Amɔs 9:14

Anlé munu Izraɛl lé wo ke luu gi, maa dan da lɛ wo nya ’wo pa gi; Wo dan fla pa lɛ é ’bin la, yé wo dan nyana lɛ ana. Wo dan dɔrɔ féi pa lɛ, yé wo dan a ’yi mini lɛ; Wo dan féinu pa lɛ yé wo dan a ma fɛnu ble lɛ.