Jérémi 46:21 - Kazambale lé Sebe Sauunu 1979

²¹ Éjipitinu lé nyanamapamunu é ziin, wa Éjipitinu méléna bélé diriné bualenu zo. Yé wo é ziin, wo ’wo lala dɔa yee misɛrɛzan lɛ, wo faa fwila ’bɛnu ’lɛ; Wo ’ka guli vɔ lɛ ’bɛnu lɛ lo. Naa, wolé yi nyané é dan bɔ lɛ wo ma, Bléyi lé woo we lɛdɔa wo gi, yee lé.

Jérémi 46:21 ပူးပေါင်းရင်းမြစ်များ

2 Samuɛl 10:6

Amɔn munu a ye aan wo léé, ’wo gin dɔ David nyé gi, wo sunyanu laa léé, ’wo da bɔ ’wo va yé ’wo wo banwo; Bɛt‐Réob Sirimunu valé Tesoba Sirimunu lé gane la tawo sunyanu a baa vu; Maaka nwiinzan lé munu a mi wuru soru, yé Tob lé munu a mi baa suiɛdo.

2 Minwiinzannu 7:6

Goronu valé wisoonu koo, sunyanu kiɛre koo, Mizan wo vun we Sirinu lé sɔkɔn dɔna, yé wo lé ’wo ke lɛ léé: Bé ye, Izraɛl minwiinzan Étinu minwiinzannu valé Éjipitinu minwiinzannu banwo léé, ’wo da guli dan kaa va.

Lɛrɛvɔ Sɛbɛ 37:13

Mizan éé yéri sié mi nyané ma, Naa, é a yé léé, alé yi bɔ é pu.

Wegɔnévɔlenu 15:17

’Nunu kana do blele ’té a zi munu sɔ ’wo ke lɛ, ’bɛ fila vɔ é mini diriwi nyɔnɔzan blele ta, ’té a zi munu za a ’wo ke gi.

Ézai 10:3

Dé ka guru zanagizannu si baa, ka dan kɛlɛ lɛ kaa welɛdɔmigi yi nyaa? Ka dan vlan buru lɛ mi kyɛn ɛ va, yé ’bɛ é bɔ ka vaa? Ka dan kalé fuafɛnu yɔɔ lɛ kyɛɛn?

Ézai 34:7

Wo valé dunu dia ékeva, dirinu valé dirigɔnénu koo, tɛrɛ wo nyɛ mini, yé wo nyɔnɔ wɔra tɛrɛ nya.

Jérémi 18:17

Maa dan wo fwila lɛ wo nyanézannu ’lɛ bélé yirinwana fu a kɛla fɛan zo, a zo; Wolé klebleyi nya, maa dan an nwun zi dɔ lɛ wo ta, maa ’ka dan wo nagini lɛ lo.

Jérémi 46:22

Wa dére maan bélé ménésan vun wele zo; Naa, wo nyanézannu é biéan gulidanfɛnu nya wo lee; Woo siaan wo ma Bélé yili vɔzannu zo.

Jérémi 46:5

Mɛ lé maa a yé bɛɛ? Wa kanana, ’té woo goo ’wo zuo; Wo wolé nyanazannu gyɛ, Wo fwi, yé wo ’ka nɔlaan é ziin lo. Wo zuru va nyɛ kini nuu. Maa Gakelebale ɛ ke a fena.

Jérémi 46:9

’Kaa wisootamunu, ’ka go tuo. ’Kaa gulidangoro vɔzannu, ’ka vɔ kelekele. ’Ka kɛlɛ nyanazannu nya ma. Étiopi munu valé Puti munu lé, botakuunfɛ ke wo lee, ’Wo valé Ludi munu lé wo sa vulile ma we dɔɔ, wo nya.

Jérémi 48:44

Mian é fwi kanale lee é dan vɔ lɛ guru gi, yé mian é si guru gi, é dan vɔ lɛ séli gi. Naa, Gakelebale léma: Moab, lɛɛ ’ko gi maa dan we lɛdɔ lɛ i gi.

Jérémi 49:8

Dédan munu, ’ka fwi, ’ka nwunzi dɔ, ’ka yɔɔ gɔmagurunu gi. Naa, an dan wenaané bɔ lɛ Ézau kulunu ma; we lɛdɔ a gi bléyi bɔ.

Jérémi 50:11

Iin, ka lé, ka ’wii anlé tɔnɔ ta, ka gi ’é nana yé ka bli ’é vo drɔɔ. Iin, ’ka fɔrɔ bélé diridané lé éé fɔrɔan luyɛ gi, a zo. ’Ka siaa bélé wisoonu lé wo fuu ke wo ta, a zo.

Jérémi 50:27

’Ka dirigɔnénu faa gyɛ, ’ka wo bɔrɔ bo. Wenaané kɛlɛ wo lɛ ma, naa, wozé yi bɔ; we lɛdɔ wo gi bléyi bɔ.

Ézékiɛl 30:22

Amalé Mizan Gakelebale léma: Maa a Éjipitinu nwiinzan blɛn Faraɔn ɛ ma yé maa dan a bɛnu yéli lɛ, a bɛ pla valé a yélile koo, woo fiénu lé, yé maa dan gwɔun so lɛ a lee yé é dia.

Ézékiɛl 35:5

Mizan Gakelebale léma: Maa a é yuɛma. Naa, zapale lé é ’ka nyaan lo, é a i gi yé i Izraɛl munu zuo bin gwɔun nya, we tɔntɔn bɔ wo ma yian nya, ’bɛ yi nya, bléyian va lé wolé weple lɛ sɔɔ, ’bɛ bléyi va; amalé maa dan i bɔra lɛ, yé wo i nyɛ zana, yé nyɛ é dan yoro lɛ i zuo; naa, i ’ka sɔn vɔ lɛ nyɛ zanale ma lo, azamalé nyɛ é dan yoro lɛ i zuo.

OZÉ (Osée) 9:7

We lɛdɔ mi gi yi bɔ; we lɛgi pa mi ma yi bɔ; Izraɛlnu é dan go lɛ a gi dɔɔ lɛ. Balelayezan ’wuo sɛrɛ, yé mi lé Bale éé we fé a lɔlu nya, é dan gyɛ yiblawe fe lɛ; kalé weplenu valé ka nwale mi ma a blɛn, ’bɛzama.

Amɔs 6:4

Woo yian vwii suiɛ liinu ta; woo gi soian wolé yialafɛ tɔɔtɔɔnu ta; woo trubɛnu va ’blanénu blé, woo diriné nyɔnɔzannu blé.

Abudias 1:13

Yian nya lé wo anlé munu lé gɔrɔ zana a gi, té i wɔra ana lo, Yian nya lé wo wolé we sɛrɛ tata, té i gi é nana we tɔntɔn bɔle wo ma we gi lo, Yian nya lé wolé fɛna vo é ’bin nya, té i bɛ mane wolé fuafɛnu ma lo.

Misé 7:4

Wo va mi zin a bélé plénsɔnné léli zo. Wo va mi drɔle a é naané é mini léliyili lɛ. Yi lé kalé balelayemunu a fe, we lɛdɔ ka gi yi nya bɛ, é bɔ é pu. ’Bɛ yi nya lé wo gi é dan blin lɛ wo ma.

Matio 22:4

É wuomunu bɛnu nwunvɔ é ziin yé é léé: ’Ka fe munu lé an wo laa, wo lɛ léé: Fɛnu ma’lɛrɛle nyaa; anlé dirigɔnénu valé wi nyɔnɔ?-?zannu, an wo gyɛ; fɛ faa ma’lɛrɛle nyaa, ’ka da lesile lé fɛti kɛlɛ.

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,