Jérémi 46:19 - Kazambale lé Sebe Sauunu 1979

¹⁹ Éjipiti tɛrɛ la mi, blɛnzan, ’Ilé kɔné pa gole luu gi we ma. Naa, Nofa é dan kɛlɛ lɛ bwi nya, Wo dan ’wii lɛ a ta, yé mi ’ka dan kɛlɛ lɛ ana é dɛrɛ lo.

Jérémi 46:19 ပူးပေါင်းရင်းမြစ်များ

Ézai 19:13

Soan lé mi segelenu a gweawuogizannu nya; Nofa lé mi segelenu ’wuo gi bɔrɔle a é pla; wo bɛn nwiinzannu a Éjipiti munu saanna.

Ézai 20:4

a zo duo lé Asiri munu nwiinzan é dan go lɛ Éjipiti munu valé Étiopi munu nya luu gi, yé wo kɛlɛ lulazannu nya, yé miboronénu valé mi segelenu wo dan tawo lɛ é porole, ’té sawala ’ka wo gane ma lo, ’té wo péli la a é pla, yé yara é dan Éjipiti munu gyɛ lɛ.

Jérémi 26:9

Mɛmalé i balelawe fe Gakelebale tɔ gi léé: Kɔn ’ko é dan kɛlɛ lɛ bélé Silo zoo? yé wo dan fla ’ko guru zana lɛ a gi, té mi do kpen ’ka dan vo lɛ ana loo? Munu faa zén ékeva Jérémi zi, Gakelebale lé kɔn gi.

Jérémi 34:22

Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.

Jérémi 44:1

Juifinu faa lé wo ke Éjipiti tɛrɛ la, Migidɔl koo, Tapanɛs koo, Nofa koo, Patrɔs tɛrɛ koo, wona, Gakelebale we fe Jérémi lɛ wozé nya yé é léma:

Jérémi 46:14

’Ka a zuo fe Éjipiti tɛrɛ la, ’Ka a zana dɔɔ Migidɔl, Yé ’ka a zana dɔɔ Nofa valé Tapanɛs, Léé, ’i nwa, ’i ma’lɛrɛ, Naa, gwɔun a mi gyɛna i zi.

Jérémi 48:18

Dibɔnzan, blɛnzan, ’I si ilé fua nyanana, ’i zun, ’i nyana tɛrɛ gale ta. Naa, Moab sɛrɛzan nwa i ma, É a i yɔɔna plɛplɛ sɛrɛna.

Ézékiɛl 29:11

Mi do kpen ’ka dan é gane zun lɛ ana lo, yé wi do kpen ’ka dan é gane zun lɛ ana lo, yé lɛɛ yɔ fié wuo mi do kpen ’ka dan nyana lɛ ana lo.

Ézékiɛl 29:12

Maa dan Éjipiti tɛrɛ kɛlɛ lɛ fɛna tétété nya, tɛrɛnu lé wo ’wii wo ta, wo va. Yé lɛɛ yɔ fié wuo alé flanu é dan vo lɛ bwi nya, flanu lé wo kɛlɛ bwi nya, wo vazan do nya. Maa dan Éjipiti munu nwɛɛn lɛ bɛnnu suiɛ gi; maa dan wo sɔɔla lɛ tɛrɛ do do ta.

Ézékiɛl 30:13

Mizan Gakelebale léma: Maa dan miyilinu sɛrɛ lɛ tata yé maa dan Nofa lé yonu si lɛ ana. Éjipiti munu nwiinzan ’ka dan kɛlɛ lɛ é dɛrɛ lo yé maa dan kana blɛn zén lɛ Éjipiti tɛrɛlamunu gi.

OZÉ (Osée) 9:6

Ka yua, wa gona, fɛ guru zanale a gi we ma; Éjipiti é dan wo si lɛ; Mofa munu é dan mipana nɔ lɛ wo lɛ. Wolé gɔɔlifu fɛwezannu é dan kɛlɛ lɛ danan zé nya yé yoné lé plin é dan tuu lɛ wolé kɔnnu gi.

Sofoni 2:5

Munu lé wo ke wɛyi gɔ ’wuo la, Kéréti munu nya, we tɔntɔn ’é bɔ wo ma ma. Bii Kanaan, Filisiti munu lé tɛrɛ, Gakelebale we fe ka ma. É léma: Maa dan i sɛrɛ lɛ. Mi ’ka dan kɛlɛ lɛ ina é dɛrɛ lo.