Jérémi 46:10 - Kazambale lé Sebe Sauunu 1979

¹⁰ Yi ’ko a Mizan, lai sunyanu lé Gakelebale lé yi nya, We lɛgi payi lé, we lɛgi payi nya Gakelebale nyanézannu ma. Gwɔun é dan fɛ ble lɛ, é dan kan lɛ, Yé wo nyɛ é dan gwɔun gyɛ lɛ bélé nwɛ zo. Naa, Mizan lai sunyanu lé Gakelebale, éé saraka boo Yirinwana bɛbolazia tɛrɛ la, Yufrat yuu gɔ la.

Jérémi 46:10 ပူးပေါင်းရင်းမြစ်များ

2 Minwiinzannu 24:7

Éjipiti nwiinzan blɛn ’ka si lɛ élé tɛrɛ la é dɛrɛ lo, naa, fɛ faa lé ke Éjipiti nwiinzan blɛn lee, é sia Éjipiti lé yuu ma fɔɔ yé é bɔ Yufrat yuu ma, Babilɔn nwiinzan blɛn a si.

JOB (Job) 24:1

Mɛmalé Plɛplɛfaazan ’ka yi do pa lɛ é yɛrama webleyi nya, Yé munu lé wo Bale dɔɔ, ’té wa yé loo?

Ézai 13:6

’Ka dunnu, naa, Gakelebale lé yi bɔ é pu; Plɛplɛfaazan lé fɛ sɛrɛle a dana.

Ézai 2:12

Naa, yi do ana lai sunyanu lé Gakelebale zé nya, ’bɛ yi la é dan nwa lɛ boblɛnzannu faa valé mi gini é yuɛzuozannu ma, yé miomian ébo kɛlɛ blɛn, Bale é dan nwa lɛ ’bɛzan ma, a tuale we gi.

Ézai 31:8

Asiri munu é dan dia lɛ gwɔun lé é ’ka mi zé nya lo, a ’léé. Gwɔun lé é ’ka mi zé nya lo, ’bɛ é dan wo gyɛ lɛ. Wo dan fwi lɛ yee gwɔun lee, yé wolé gulidan?-?mi boronénu wo dan kɛlɛ lɛ miwuozannu nya.

Ézai 61:2

É an pa zia Gakelebale lé zin‐yelɛɛ zana dɔɔle we ma, ’Bɛ valé kolé Bale lé welɛgipayi nya. É an pa zia nyanéblemunu faa tɔrɔpaale we ma,

Ézai 63:4

Naa, we lɛgi payi a an bli gi, yé anlé munu tabolɛɛ bɔ.

Jérémi 12:12

Fɛsɛrɛzannu éé sié bwi gi fɛna nwalenu faa na, Naa, Gakelebale lé gwɔun mi gyɛle sia tɛrɛ glɛ do la fɔɔ yé é bɔ a glɛ koɛ la; Vole drɔɔ ’ka mi do kpen zé nya lo.

Jérémi 46:14

’Ka a zuo fe Éjipiti tɛrɛ la, ’Ka a zana dɔɔ Migidɔl, Yé ’ka a zana dɔɔ Nofa valé Tapanɛs, Léé, ’i nwa, ’i ma’lɛrɛ, Naa, gwɔun a mi gyɛna i zi.

Jérémi 46:2

Éjipiti mawe lo: Éjipiti nwiinzan blɛn Faraɔn Néko lé é ke é nyanale Kaakémis, Yufrat yuu sɔnɔ bɛ, ’té Babilɔn nwiinzan blɛn Nébukanɛsaa a gyɛ Juda nwiinzan blɛn Jozias be Jojakim plale mi nwiin lɛɛ ziɛnzan gi bɛ, alé sunyanu mawe lé ke ’ko:

Jérémi 46:6

Dé mi bɛn ’ka looo, ’bɛ ’ka sié we gi lo, Dé mi a nyanazan nyaoo, ’bɛ ’ka so a lee lo. Wo sɔné éé saan, yé woo diaan Yufrat yuu gɔɔn ma, yirinwana bɛbolazia.

Jérémi 50:15

’Ka siaa gulidandére nya a zi fɛfaana. É yɔfalo fu nwa; a ganevɔnanu zana a gi; a gurunu zana. Naa, Gakelebale ézé lɛgi pa a ma; ’ka kazé lɛgi pa a ma, ’ka kɛlɛ a lɛ bélé fɛan zo lé é a kɛlɛ, a zo.

Jérémi 50:18

Bɛwemalé lai sunyanu lé Bale, Izraɛl lé Bale léma: Ka ye, maa dan we lɛdɔ lɛ Babilɔn nwiinzan blɛn valé alé tɛrɛ la munu gi bélé fɛan zo lé maa we lɛdɔ Asirinu nwiinzan blɛn gi fɛan zo, a zo.

Jérémi 51:6

’Ka fwi Babilɔn, yé ka faa é vo é yuɛma, dé ka da zamaga wo a sɛrɛbléyi va. Naa, é a Gakelebale lé we lɛgi pabléyi nya; é dan alé we lɛgi pa lɛ a kɛlɛwenu yɛrama.

Ézékiɛl 21:28

Wolé bale ’nyɔɔnle é ke lɛ we ma, é dɔ wo gi léé, ’monédɔdére a é pla. Naa, wolé weple sele éé dɔa minwiinzan blɛn gi, amalé é dan wo kun lɛ.

Joɛl 1:15

Aa, mɛ zoɛ bléyi ɛ bɔ ’koo? Naa, Gakelebale lé yi bɔ é pu. É dan bélé wenaané blɛn lé Plɛplɛfaazan a pa zia, a zo.

Joɛl 2:1

’Ka béli fɛn Siɔn; A dére zuogi ’é we anlé gɔ plɛplɛ nwiin ma. Tɛrɛlamunu faa ma ’é nyɔɔn ma. Naa, Gakelebale lé yi a dana; naa, é bɔ é pu.

Zakari 6:6

Wisoo tinu lé wo polu ke é dɔle goro do ma bɛ, wo yara dɔ yirinwana bɛbolazia tɛrɛ vazia, ’té a funu éé goo wo zuo; a zorozowisoonu ’wo yara dɔ yirinwana bɛyilazia tɛrɛ vazia.

WENÉNÉ LÉ LUK A GYE (Évangile selon Luc) 21:22

Naa, ’bɛ yinu é dan kɛlɛ lɛ we lɛgi pa yinu nya, we faa lé wa gyɛ sɛbɛ gi, a lɛsɔɔle we ma.

Bélidɔwesɛbɛ Fiézan 32:42

Anlé gwɔun é dan wo nɛ so lɛ a ma, Mi tuolenu koo, luunu koo, An nyanézannu nwiinzannu ’wuonu koo, Wo nyɛ é dan zén lɛ anlé sawɔlɛnu ma bélé nwɛgyɛzan ma kyɛyee bɔle zo.