Jérémi 44:8 - Kazambale lé Sebe Sauunu 1979

⁸ Mɛmalé ka an bli fli ka bɛ panyanama nyaa? Ka da nyana lɛ Éjipiti tɛrɛ la yé ka lasikɔrɔpo kyɛ ble ’bɛna bale bɛnu lɛ. Mɛmalé ka kabo bɔra kulu gale lɛ yé wo bale pa ka ma yé wo ka kɛlɛ serele bomazannu nya tɛrɛ la bɛnnu faa mélénaa?

Jérémi 44:8 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 7:20

maa dan ka si lɛ anlé tɛrɛ lé maa a nɔ ka lɛ, a ta, yé kɔn ’ko lé maa a pa é yɛrama an tɔ gi, maa dan a si lɛ an yuɛ gi, yé maa dan a kɛlɛ lɛ yérisiémafɛ valé gɔnévɔmafɛ nya bɛnnu faa va.

Ézai 19:1

Balelawe lé Ézai a fe Éjipiti ma, yee lo. Ka ye, Gakelebale vɔ lafu lé éé giéma kelekele, a ta, yé é da Éjipiti tɛrɛ la. Éjipiti munu lé miyilinu ma nyɔɔn a ’lɛ, yé Éjipiti munu fuu si wo ta.

Ézai 3:8

Jérusalɛm guru zana a gi yé Juda tɛrɛ sɛrɛ; naa, wo péli vɔ Gakelebale ma wo dére valé wo kɛlɛwenu nya, yé alé fuasan ’ka kana zén‐é wo gi lo, azama.

Ézai 65:15

Ka tɔ é dan vo lɛ bale pa mi ma tɔ nya anlé munu lé maa wo si a va, wo lɛ. Mizan Gakelebale é dan ka gyɛ lɛ yé é dan tɔ dɛrɛ pa lɛ é wuozannu ma.

Jérémi 11:12

Juda tɛrɛ la flamunu valé Jérusalɛm munu é dan go lɛ bale bɛnu lé woo lasikɔrɔpo kyɛ blé wo lɛ, wo zuo, naa, dé we tɔntɔn bɔ wo ma yian nya, ’bɛ yi nya ’bɛnu ’ka dan wo si lɛ we gi lo.

Jérémi 11:17

Lai sunyanu lé Gakelebale lé é i suru, yee ɛ we tɔntɔn laa i ma, Izraɛl munu valé Juda munu lé we lɛrɛlɛrɛ kɛlɛle we ma; wo an blifliwe kɛlɛ lasikɔrɔpo kyɛblele nya Baal lɛ, azama.

Jérémi 18:16

Wo ’wolé tɛrɛ kɛlɛ boatɛrɛ nya, ’té munu a ma we nanaan; Munu faa lé woo giéan ana, woo dɔa dan‐uun, ’té woo ’wuo nyɔɔn‐an.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 26:6

’té wean maa kɛlɛ Silo lɛ, yee duo lé maa dan a kɛlɛ lɛ munu ’ko lɛ, yé maa dan fla ’ko kɛlɛ lɛ balepama fla nya tɛrɛla bɛnnu faa yuɛ gi.

Jérémi 29:18

Maa dan wo zuo bin lɛ gwɔun koo, lɔrɔ koo, migyɛgyɛ koo, wo nya, yé maa dan wo kɛlɛ lɛ kanaleefɛ nya tɛrɛ la bɛnnu faa lɛ; maa dan wo kɛlɛ lɛ balepamazannu koo, kwavɔmitazannu koo, wenanamazannu koo, serelebomafɛnu koo, wo nya, bɛnnu faa lé maa wo pa zia wo va bɛ, wo lɛ.

Jérémi 32:30

Naa, é sia wo kiéné la bléyi va fɔɔ kyɔ, Izraɛl munu valé Juda munu an ’namawe saa ɛ kɛlɛ. Izraɛl munu an bli fli wo bɛ panyanama nya. Maa Gakelebale ɛ ke a fena.

Jérémi 42:18

Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Jérémi 44:12

Juda munu pɔnénu lé wo yara nɔla léé, ’wo go nyana lɛ Éjipiti tɛrɛ la, maa dan wo kulu ga lɛ. Wo dan ga lɛ Éjipiti tɛrɛ la gwɔun valé lɔrɔ nya, a péli sia né kiénénu ma fɔɔ yé é bɔ mi kwanu ma; wo dan zamaga wo lɛ gwɔun valé lɔrɔ nya; yé wo dan kɛlɛ lɛ dunuzénmitazannu koo, munu gi nyɛkinizannu koo, bale pamazannu koo, serele bomazannu koo, wo nya.

Jérémi 44:3

Naa, wo wenyané kɛlɛ an bli flile we ma. Wo lasikɔrɔpo kyɛ ble bale bɛnu lé wo ’ka wo dɔɔa lo, yé ka ’ka wo dɔɔa lo, yé wo tranu ’ka wo dɔɔa lo, wo lɛ, yé wo wo bɔ, amalé an bli fli.

Jérémi 44:7

Sin, Gakelebale, lai sunyanu lé Bale, Izraɛl lé Bale léma: Mɛmalé ka wenaané blɛn kɛlɛ kabozen lɛ yé gɔnénu koo, lomu koo, nénu koo, nyɔmanénu koo, ka wenaané ’ko kɛlɛ wo kulugawe nya Juda munu méléna fɔɔ yé ka va mi do kpen ’ka voo ana é dɛrɛ loo?

Jérémi 7:9

Mɛ ɛ kɛlɛɛ? Ka kyeen woo, ka mi gya, ka mi bɛ na valé mi bɛ zana ginian, ka bale ’nyɔɔn‐an vié nya, ka lasikɔrɔpo kyɛ blé Baal lɛ, ka goo bale bɛnu lé ka ’ka wo dɔɔa lo, wo zuo.

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

Ézékiɛl 9:6

’Ka wo gyɛ; mi kwakwanu koo, pɛniɛnu koo, blɛnnu koo, nénu koo, lomu koo, ’ka wo gyɛ. Naa, dé miomian tɔmase ke a ma, té ka bié ’bɛzan ma lo. Yé ka péli sia anlé fɛna sauun na. Wa péli sia mi segelenu lé wo ke kɔn ’léé, wo ta.

OZÉ (Osée) 4:13

Woo ’wolé balenu baan gɔnu nwiin; woo lasikɔrɔpo kyɛ blé gɔpanénu nwiin, ’bɛ valé sɛnéyili koo, pupliéyili koo, térébɛntyili koo, wo wuo, ’té wo furɔ a néné. Bɛwemalé ka lunu kɛlɛ bɔrɔdɛlomu nya, yé ka be nanu kɛlɛ gɔnéginilomu nya.

Abaku 1:16

Amalé éé saraka boo élé séli lɛ, yé éé lasikɔrɔ kyɛ blé élé duɛnu lɛ. Naa, wolé we ma lé éé fɛ nyɔnɔzan blé, ’té alé fɛ a néné.

Bélidɔwesɛbɛ Fiézan 32:25

Wo dan ga lɛ ’wo kɔlɛ ma gwɔun ’léé, Yé wo dan ga lɛ wo bɔn gi kana nya. Dé é a pɛniɛ nyaoo, dé é a blɛn nyaoo, wolé we a do. Dé é a nyɔ ma né nyaoo, dé gɔné kwa léoo, wolé we a do.

Ébrunu 3:16

Wo lé wo nwa mi ma we ’male zuo, dé é ’ka munu faa lé wo si Éjipiti tɛrɛ la, ’té Moizi a wo ’lɛ, wo nya lo, ’té denu léé?