Jérémi 44:7 - Kazambale lé Sebe Sauunu 1979

⁷ Sin, Gakelebale, lai sunyanu lé Bale, Izraɛl lé Bale léma: Mɛmalé ka wenaané blɛn kɛlɛ kabozen lɛ yé gɔnénu koo, lomu koo, nénu koo, nyɔmanénu koo, ka wenaané ’ko kɛlɛ wo kulugawe nya Juda munu méléna fɔɔ yé ka va mi do kpen ’ka voo ana é dɛrɛ loo?

Jérémi 44:7 ပူးပေါင်းရင်းမြစ်များ

Wegɔnévɔlenu 1:18

yé wo, wolé tɛrɛ la lee lé wo zi dɔa, yé woboen lee lé woo san vɔa.

Wegɔnévɔlenu 15:32

Mi lé éé sɔn vɔa é drɔle ma, é ébozen yé boami nya, naa, mi lé éé tɔné dɔa weplale lɛ, a gi é dan kini lɛ.

Wegɔnévɔlenu 5:22

Wo dan wenyanékɛlɛzan kun lɛ ébo lé wenyané kɛlɛna, alé wenyané balenu a yerean.

Wegɔnévɔlenu 8:36

Naa, mi lé éé wenyané kɛla an ma, éé wenyané kɛla ébozen ma; Munu faa lé woo an za paan, gale sɔ wo lɛ.

Jérémi 25:6

Té ka go bale bɛnu zuo, wo bɔle valé ka diale wo ’lɛ we ma lo, té ka an bli fli ka bɛ kɛlɛfɛnu nya lo, yé maa ’ka dan wenaané do kɛlɛ lɛ ka lɛ lo.

Jérémi 25:7

Naa, Gakelebale léma: Ka ’ka ka tɔné dɔ lɛ an lɛ lo, ka an bli fli ka bɛ kɛlɛfɛnu nya yé é nɔla ka ma we tɔntɔn nya.

Jérémi 26:19

Juda munu nwiinzan blɛn Ézékia valé Juda munu faa, wo Misé gyɛɛ? Ézékia ’ka kana lɛ Gakelebale lee loo? É ’ka zanté vɔ lɛ Gakelebale lɛ loo? Yé wenaané lé Gakelebale a fe léé, é dan bɔ lɛ wo ma, é bli si a kɛlɛle lɛ. Yé kaa, kaa a a va léé, kaa ’bɛ zoɛ weple blɛn dɔ kaa nwiin?

Jérémi 3:24

Ko kiéné la bléyi va, miyilinu ko tinu panyanama tɔnɔ ble; wolé ’blanu koo, wolé dirinu koo, wo benu valé wo lunu koo, wo wo ble.

Jérémi 38:17

Yé Jérémi lé Sédésias lɛ léé: Gakelebale, sunyanu lé Bale, Izraɛl lé Bale léma: Dé i yɔfalo fu vɔ i bɔrɔ ma yé i go ibo nya Babilɔn munu nwiinzan blɛn lé zilɛzannu lɛ, i dan vo lɛ é yuɛma, yé wo ’ka dan fla ’ko kyɛ ble lɛ lo; bii valé ilé munu é dan vo lɛ é yuɛma.

Jérémi 42:20

Ka a gi kɛlɛna kabozen lɛ. Naa, ka an pa zia Gakelebale kalé Bale va, a fele nya léé: ’I go kolé muun nya Gakelebale kolé Bale va. We faa lé Gakelebale kolé Bale é dan a fe lɛ, bé fe ko lɛ yé ko dan a kɛlɛ lɛ.

Jérémi 44:14

Juda munu pɔnénu lé wo go nyana lɛ Éjipiti tɛrɛ la, ’té é a wo gi léé, wo dan go lɛ ’wo pa gi Juda tɛrɛ la, fɛana lé wa a va léé, wo nyana kli, ana, wo va mi do kpen ’ka dan fwi lɛ lo, mi do kpen ’ka dan so lɛ a ta lo, mi do kpen ’ka dan go lɛ Juda tɛrɛ la é dɛrɛ lo, ’té dé é ’ka mi kenu lé ’bɛnu é dan vɔ lɛ fli gi, wo saa nya lo.

Jérémi 44:8

Mɛmalé ka an bli fli ka bɛ panyanama nyaa? Ka da nyana lɛ Éjipiti tɛrɛ la yé ka lasikɔrɔpo kyɛ ble ’bɛna bale bɛnu lɛ. Mɛmalé ka kabo bɔra kulu gale lɛ yé wo bale pa ka ma yé wo ka kɛlɛ serele bomazannu nya tɛrɛ la bɛnnu faa mélénaa?

Jérémi 51:22

I nya lé an gɔnénu valé lomu gyɛ, I nya lé an mi segelenu valé nénu gyɛ, I nya lé an pɛniɛnu valé blɛnnu gyɛ.

Jérémi 7:19

Gakelebale léé: Maa lɛ lé ka ke a kɛlɛnaa? Kabo lɛ kaan loo? Kabo lé yaragyɛwe kaan loo?

Jérémi 9:21

Naa, gale wɔra kolé fɛnɛtinu ta, É wɔra kolé fuakɔnnu gi; É nénu kulu ga zinu ’léé, Yé é mi boronénu nyaa vuun ta.

Jérémi Lé Wuvɔ Sɛbɛ 2:11

An yuɛyi kiɛre zénle we ma an yuɛ fuu si é ta, a bli ’ka é male an gi lo; An gi nyɛ kini Dunu zénmitawe lé é bɔ anlé munu ma, alé we ma. Nunukénénénu valé nyɔmanénu fuu si wo ta flaworo dii zinu ta.

Jérémi Lé Wuvɔ Sɛbɛ 2:22

I di kinile laa bɛ faa ma léé, ’é zén an gi, bélé fɛti yi la mi zénle zo. Gakelebale bli fli yian nya, mi lé ’bɛ é so a lee, ’bɛzan ’ka lo, yé voéyuɛmazan ’ka lo. Munu lé maa wo pa yé wo tin, An nyanézan wo ble.

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

Ézékiɛl 9:6

’Ka wo gyɛ; mi kwakwanu koo, pɛniɛnu koo, blɛnnu koo, nénu koo, lomu koo, ’ka wo gyɛ. Naa, dé miomian tɔmase ke a ma, té ka bié ’bɛzan ma lo. Yé ka péli sia anlé fɛna sauun na. Wa péli sia mi segelenu lé wo ke kɔn ’léé, wo ta.

Abaku 2:10

Migɔnɔ kiɛre kulu gale ma lé ilé kɔn kɛlɛ serelebomafɛ nya, yé biibozen lɛ lé i wenyané ’ko kɛlɛ.

Mi Nɔnɔle 16:38

Munu lé wobo bɔra gale lɛ wolé wenyané ma bɛ, ’i wolé kyɛnyɛsibɔnu si, yé ’i wo panu dɔ yé ’i wo bua balebanna ta. Wo wo dɔ Gakelebale ’lɛ, yé wo wo pa é yɛrama Bale zé nya, amalé wenu lé wo bɔ, wo dan kɛlɛ lɛ wo sele dɔ Izraɛlnu gifɛnu nya.

Bélidɔwesɛbɛ Fiézan 32:25

Wo dan ga lɛ ’wo kɔlɛ ma gwɔun ’léé, Yé wo dan ga lɛ wo bɔn gi kana nya. Dé é a pɛniɛ nyaoo, dé é a blɛn nyaoo, wolé we a do. Dé é a nyɔ ma né nyaoo, dé gɔné kwa léoo, wolé we a do.

Jozué 6:21

yé fɛnu faa lé é ke fla, gɔnénu valé lomu koo, nénu valé mi kwanu koo, dirinu koo, ’blanu koo, sokofalenu koo é ziin, wo wo faa gyɛ bale pale wo ma nya gwɔun nya.

Weblezannu 21:11

Ka kɛlɛ ’ko zo: Gɔnénu faa valé lomu faa lé wo gɔné dɔɔ gɔné nya, ’ka wo gyɛ.

1 Samuɛl 15:3

’I go sin, ’i guli dan Amalɛk va yé ’i alé fɛnu faa sɛrɛ; té i wo do kpen vo lo; gɔnénu valé lomu koo, nénu valé nyɔmanénu koo, dirinu valé ’blanu koo, nyɔgɔménu valé sokofalenu koo, ’ka bale pa wo ma, ’ka wo faa gyɛ.

1 Samuɛl 22:19

Yé Saul Balebanzannu lé fla Nɔb gyɛ gwɔun nya: gɔnénu koo, lomu koo, nénu koo, nyɔmazannu koo, dirinu koo, sokofalenu koo, ’blanu koo, wo wo faa gyɛ gwɔun nya.