Jérémi 44:6 - Kazambale lé Sebe Sauunu 1979

⁶ An bli fli yé an wɛwɛ nwa yé wo Juda flanu valé Jérusalɛm kyɛ ble, yé wo kɛlɛ é ’bin valé bwi nya, ka a ye kyɔ fɛan zo, a zo.

Jérémi 44:6 ပူးပေါင်းရင်းမြစ်များ

Ézai 1:7

Kalé tɛrɛ vo é pla yé kalé flanu kyɛ ble. Bɛnnu kalé féinu si ka lee ka yuɛ va; wo ’wii kalé fɛnu ta yé wo wo sɛrɛ bélé bwigimunu zo.

Ézai 51:17

Jérusalɛm munuoo, ’ka vuo, ’ka nwa, Ka lé ka Gakelebale leekana gi bliflile mini, ’Yiminikana lé a gifɛ éé mi yuɛi nɔɔan, ka lé ka ’yi mini a gi, ’té ka foroloo vɔa fɔɔ yé ka bɔ a bo ma, ’ka vuo.

Ézai 51:20

I benu kɛlɛ tɔɔtɔɔ, ’té woo yiaan zinu ta yé wo ’ka bɔa nwale lɛ lo, Bélé zoro lé éé séli sian a gi, a zo, Gakelebale bli fli wo ma, Ilé Bale bon‐ɛn wo nya fɔɔ yé a bɛn mini wo lɛ.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Jérémi 21:12

David kulunu, Gakelebale léma: ’Ka we tegele kɛlɛ bladi, yé ’ka munu si vanu lee, dé an bli é da fli bélé kyɛ zo, ’té éé blé, ’té mi do ’ka bɔa a dirile lɛ lo, ka kɛlɛwe naanénu lé we ma.

Jérémi 21:5

’Bɛ zuo, maa ɛ dan guli dan lɛ ka va, an bɛ soile nya, an bɛ plɛplɛ nya, an bli flile nya, an wɛwɛ valé an bli tɔntɔn blɛn nya.

Jérémi 34:22

Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.

Jérémi 36:7

Dé Gakelebale é dan é tɔné dɔ lɛ wolé dunuvɔmadére lɛɛ? Yé dé wo dan si lɛ wolé wekɛlɛbɛ naané zuoo? Naa, Gakelebale bli flile valé a wɛwɛ lé é glawe fe munu ’ko lɛ wo nya bɛ, wa blɛn.

Jérémi 4:27

Naa, Gakelebale léma: Tɛrɛ ’ko faa é dan sɛrɛ lɛ; Naa, maa ’ka dan a sɛrɛ lɛ tata lo.

Jérémi 4:4

Juda munu valé Jérusalɛm munu, ka kɛlɛle Gakelebale zé nya lé tɔmase ’é kɛlɛ ka ma ma, ’ka daan ka kɛlɛwe kyɛn ma, dé anlé bliflile é da ble bélé kyɛ zo, dé é da nwa bélé kyɛnɛnɛ zo, ’té mi do kpen ’ka bɔa a dirile lɛ lo, ka kɛlɛwe naané lé we ma.

Jérémi 42:18

Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Jérémi 44:22

Gakelebale ’ka bɔa dɔle lɛ ka kɛlɛwe naanénu valé kalé bozowenu kɛlɛle nyi wuo é dɛrɛ lo, amalé kalé flanu vo é ’bin nya, bwi zo, balepamafɛ nya, ka a yé kyɔ fɛan zo, a zo.

Jérémi 7:17

Wenu lé wa kɛla Juda tɛrɛ la flanu ta, é valé Jérusalɛm zinu ta, i ’ka wo yé loo?

Jérémi 7:20

Amalé Mizan Gakelebale léma: Ka ye, blaminu koo, winu koo, féiyilinu koo, tɛrɛ tɔnɔnu koo, an bli é dan fli lɛ wo valé fɛkona ma, yé an wɛwɛ é dan dɔ lɛ wo ma. Wo kyɛ é dan ble lɛ yé é ’ka dan diri lɛ pelo.

Jérémi 7:34

Ginana siaalenu koo, ginanale baba lé siaale koo, ledɛrɛsizannu valé bodɛrɛsizannu lé lɛrɛ vɔle koo, maa dan wo yi ga lɛ Juda tɛrɛ la valé Jérusalɛm zinu ta; naa, ana fla é dan kɛlɛ lɛ bwi saa nya.

Jérémi 8:3

Lai sunyanu lé Gakelebale léma: Munu faa lé wo dan vo lɛ bɛn nyané ’ko gɔnɔlazannu nya fɛfaana lé maa wo bin‐é ana, ga é dan kɛlɛ lɛ wo ’léé néné yé é mini vole é yuɛma ta. Maa lai sunyanu lé Gakelebale ɛ ke a fena.

Jérémi Lé Wuvɔ Sɛbɛ 1:1

Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Jérémi Lé Wuvɔ Sɛbɛ 1:13

É kyɛ si loru yé é a zén an wɔlɛnu ma ’té éé wo blé. É séli vɔ an lee, Yé é kɛlɛ léé, an dia an zuozia; É an bli kyɛ dɔ é baba, yé an fuu éé sié an ta yifaama.

Jérémi Lé Wuvɔ Sɛbɛ 5:18

Yee lé ke léé, Siɔn kɛlɛ é ’bin nya, ’Té gwenu éé bɔrɔwoo ana.

Ézékiɛl 20:33

Mizan Gakelebale léma: Maa a é yuɛma. Maa dan pla lɛ ka nwiin an bɛ plɛplɛ valé an bɛ soile nya, ’é valé an wɛwɛ dɔle nya ka ma.

Ézékiɛl 20:34

Maa dan ka si lɛ munu méléna, maa dan ka si lɛ tɛrɛnu lé ka go ana, wo ta, yé maa ka zén ékeva an bɛ plɛplɛ valé an bɛ soile nya, é valé an wɛwɛ dɔle nya ka ma.

Ézékiɛl 24:13

Weple a i tiridɔfɛ va. Naa, é sɔ an lɛ léé, maa i gi bɔ, yé i gi ’ka bɔ lɛ lo, amalé i gi ’ka dan bɔ lɛ i tiridɔle gi lo fɔɔ ’té an wɛwɛ dɔle lɛ sɔɔ é wo i ma.

Ézékiɛl 24:8

Amalé maa a nyɛ zana gɔlɛ ta, léé, té wa ta yɔɔ lo, yé wa ye léé, an wɛwɛ dɔ a ma, yé anzé lɛgi pa a ma.

Ézékiɛl 5:13

’Bɛ zo lé anlé bliflile lɛ é dan sɔɔ lɛ; an wɛwɛ é dan dɔ lɛ wo ma faa, yé an bli é dɔrala, yé wo dan a gi dɔɔ lɛ léé, maa Gakelebale, an we fe bliflile nya, yé an wɛwɛ dɔ ’wo ma.

Ézékiɛl 6:12

Mi lé é ke baa, bawurumagyɛ é dan a gyɛ lɛ, yé mi lé é ke é pu, é dan ga lɛ gwɔun ’léé; yé mi lé é vo fla, fla mabɛn bléyi va, é dan zamaga wo lɛ lɔrɔ nya. ’Bɛ zo lé an wɛwɛ dɔle wo ma lɛ é dan sɔɔ lɛ.

Ézékiɛl 8:18

Maa é ziin, maa dan we kɛlɛ lɛ wo lɛ an wɛwɛ dɔle nya. An yuɛyi ’ka dan dɔ lɛ a la wolé we ma lo, yé an nyanai ’ka dan zén lɛ wo ta monomono lo; dé wo siaa dére plɛplɛ nya an tɔné gioo, maa ’ka dan an tɔné dɔ lɛ wo lɛ lo.

Daniɛl 9:12

Dérenu lé é a fe ko valé ko nwiinzannu lé woo zi gɔɔn‐an ko lɛ, kolé we nya, é wo lɛ sɔɔ. É we tɔntɔn blɛn bɔ ko ma. We lé é bɔ Jérusalɛm ma, ’bɛ zo we ’ka bɔ lɛ tɛrɛ la fɛ bɛ do kpen na lo.

Lévinu 26:28

maa dan dɔ lɛ ka ma é ziin bliflile blɛn nya yé maa dan we lɛdɔ lɛ ka gi taawo gɔnɔ sɔrafié kalé wenyanénu ma.

Lévinu 26:31

Maa dan kalé flanu kɛlɛ lɛ é bin nya; maa dan kalé fɛna sauunnu sɛrɛ lɛ tata, yé maa ’ka dan kalé lasikɔrɔ gin nénénu si lɛ é dɛrɛ lo.

Naum 1:2

Gakelebale a maawobale nya; é ézé lɛgi paan; Gakelebale é ézé lɛgi paan, a wɛwɛ a é baba. Gakelebale é ézé lɛgi paan ’é mazannu ma, Éé é nyanézannu va we paan é bli gi.

Zakari 1:2

Gakelebale bli fli ka tranu ma é baba.

Zakari 1:6

Duowo, an dérenu lé maa wo pa an wuozannu balelayezannu ’léé ka tranu zé nya, wo lɛ ’ka é sɔɔle loo? Yé wo nɔla yé wo léé: We lé é dɔ lai sunyanu lé Gakelebale gi léé, é a kɛla ko lɛ kolé tawobɛ valé ko kɛlɛwenu yɛrama, é a kɛlɛ.

Zakari 7:14

Maa wo sɔɔla bɛngɔnɔ faa lé wo ’ka ’bɛnu dɔɔa lo, wo ta; tɛrɛ sɛrɛ wo zuo, yé gozan valé dazan ’ka ye lɛ é dɛrɛ lo; yé wo ginanamatɛrɛ kɛlɛ bwi nya.