Jérémi 44:4 - Kazambale lé Sebe Sauunu 1979

⁴ Maa an wuozannu balelayezannu faa pa ka lɛ zia, yé an ’ka daan lɛ wo pale ma ka lɛ zia lo, a fele ka lɛ we ma léé, bozowe ’konu lé wo za ke an gi, té ka wo kɛlɛ lo.

Jérémi 44:4 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:15

É sɔ Gakelebale wo tranu lé Bale lɛ léé, ’é élé munu valé ébozé nyanana tadɔ, amalé éé munu nwunvɔa wo va yifaama, léé, ’wo ’élé we pla wo lɛ.

Néémi 9:30

I ’wuo dɔ wo kɛlɛwenu wuo lɛɛ kiɛre nya, yé i we lɛ kini wo lɛ i léli valé ilé balelayezannu nya. Yé wo ’ka wo tɔné dɔ lɛ ’bɛnu lɛ monomono lo. Yé i wo pa bɛn bɛnu lee.

Néémi 9:34

Ko nwiinzannu koo, kolé Balebanmunu koo, ko tranu koo, wo ’ka ilé bélidɔwe kɛlɛ lɛ monomono lo, yé ilé bélidɔwe sɔnnénu valé we lé bé fe wo lɛ, wo ’ka wo ta tawo lɛ lo.

Jérémi 16:18

É vinin maa dan wolé weple valé wolé wenyané ma ban wo lɛ gɔnɔ fié; wo anlé tɛrɛ la sɛrɛ, yé wo anlé tɔnɔtɛrɛ fan miyili galenu koo, wolé bozowenu koo, wo nya, azama.

Jérémi 26:5

dé ka ’ka ka tɔné dɔ lɛ anlé balelayezannu lé wo ke an wuozannu nya, ’té maa wo nwunvɔ ka va bɛ, wo lɛ lo, dɔlé ’té maa wo paan ka lɛ zia yifaama yé ka ’ka ka tɔné dɔ lɛ lo,

Jérémi 29:19

Wo ’ka ’wo tɔné dɔ lɛ an dére lɛ lo, yé an wuozannu lé wo ke balelayezannu nya, ’té maa wo paan wo lɛ zia yifaama bɛ, wo ’ka ’wo tɔné dɔ lɛ ’bɛnu lɛ lo, amalé maa dan a kɛlɛ lɛ a zo. Maa Gakelebale ɛ ke a fena.

Jérémi 32:33

Wo nwun zi dɔ an ta, wo ’ka an nagini lɛ lo; wo we paa wo gi yifaama, naa, wo ’ka wo tɔné dɔ lɛ léé, wo we paa ’wo gi lo.

Jérémi 32:34

Wo ’wolé bozofɛnu dɔa, kɔn lé wo an tɔ laan a ta bɛ, a gi, yé wo ana tiri dɔ.

Jérémi 32:35

Wo gɔ nwiin yobannanu dɔ Baal zé nya, Bɛn‐Inom gɔ worona, léé, wo ’wo benu valé wo lunu kɛlɛ Mɔlɔk banfɛ nya. Maa ’ka a fe lɛ wo lɛ léé, wo ’bɛ zoɛ we kɛlɛ lo; yé é ’ka boenwo dɔ lɛ an ’wuo gi léé, woo ’bɛ zo dunuzénmitawe kɛla yé wo Juda munu kɛla wenyanékɛlɛzannu nya lo.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Jérémi 35:17

Amalé Gakelebale lai sunyanu lé Bale, Izraɛl munu lé Bale léma: Ka ye, we tɔntɔnnu faa lé maa wo lɛ kini Juda munu koo, Jérusalɛm munu koo, wo lɛ, maa dan wo kɛlɛ lɛ wo lɛ. An wo laa, yé wo ’ka we lɛ lo, azama.

Jérémi 7:13

Yé Gakelebale léma: Sin, ka we ’konu faa kɛlɛ, yé an we plale sia ka lɛ yé ka ’ka a ’ma lɛ an lɛ lo, yé an ka laa, yé ka ’ka a zi pa lɛ lo.

Jérémi 7:17

Wenu lé wa kɛla Juda tɛrɛ la flanu ta, é valé Jérusalɛm zinu ta, i ’ka wo yé loo?

Jérémi 7:18

Nénu éé kyɛ yélié yé wo tinu éé kyɛ sɔn‐o, yé lomu éé buruyɔɔ zɔn‐o yé wo gatonu kɛlɛ a nya lagi fuale zé nya, é valé ’yi zanale nya bale bɛnu lɛ, an bli flile we gi.

Jérémi 7:25

Yian nya lé ka tranu si Éjipiti tɛrɛ la, é sia ’bɛ bléyi ma fɔɔ kyɔ, maa an wuozannu, balelayemunu pa ka lɛ zia; maa wo paan zia yifaama, yé an ’ka daan lɛ a ma lo.

Ézékiɛl 16:36

Mizan Gakelebale léma: Ilé fɛwezannu ’yibole i lee koo, i porole bɔrale ilé gɔné gini bléyi va i bwɛnu yuɛ va, ’é valé ilé bozo miyilinu koo, nénu lé bé nɔ wo lɛ, wo nyɛ koo, ’bɛ lé we ma lé

Ézékiɛl 16:47

I ’ka tawo lɛ é wo wolé zi ta lo; i ’ka wolé bozowe saa kɛlɛ lɛ lo, ’bɛ a izé ma kiéné; i kɛlɛwenu faa a é vɔnle é mini wozé ta.

Ézékiɛl 18:31

Bélidɔwe sɔnné sɛrɛlenu faa lé wo ke kalé wenyanénu nya, ’ka sɔn vɔ wo ma. ’Ka ka bli kɛlɛ bli dɛrɛ nya, yé ’ka ’wuogibɔrɔlenu nɔla. Izraɛlnu, mɛmalé ka gaan?

Ézékiɛl 8:10

An wɔra, yé maa nagini, ’té tawoplɛlawinu koo, wi naanénu koo, Izraɛl munu lé miyilinu faa koo, wo fotonu a é dɔle guru ma fɛfaana.

Daniɛl 9:6

Balelayezannu lé wo we fe i tɔ gi, ko nwiinzan blɛnnu koo, ko nwiinzannu koo, ko tranu koo, kolé tɛrɛlamunu faa koo, wo lɛ, ko ’ka ko tɔné dɔ lɛ woo, i wuozannu lɛ lo.

Zakari 7:7

Bléyian va lé munu a é nyanale Jérusalɛm woboma duaa, é valé é zi flanu nya, ’té munu a é nyanale yirinwana bɛyilazia fɛna pɛblɛɛna, we lé Gakelebale a fe balelayemunu vininnu lɔlu nya ’bɛ bléyi va, ka ’ka a gi dɔɔa loo?

1 Piɛri 4:3

É vinin na, ka tawo yolémunu lé blibɔmawe yɛrama; ’té ka we vɔnle kɛla, ’té ka bli éé bɔa fɛnu ma, ’té ka nwɛ taan, ’té ka nyɔnɔfɛ kiɛre kiɛre blé, ’té ka fɛ kiɛre kiɛre minian, ’té ka miyilinu bɔa, dɔlé ’té miyili bɔle yi a é gale. ’Bɛ a é yi.