Jérémi 44:3 - Kazambale lé Sebe Sauunu 1979

³ Naa, wo wenyané kɛlɛ an bli flile we ma. Wo lasikɔrɔpo kyɛ ble bale bɛnu lé wo ’ka wo dɔɔa lo, yé ka ’ka wo dɔɔa lo, yé wo tranu ’ka wo dɔɔa lo, wo lɛ, yé wo wo bɔ, amalé an bli fli.

Jérémi 44:3 ပူးပေါင်းရင်းမြစ်များ

Néémi 9:33

Wenu faa lé wo bɔ ko ma, bii a wo gi tegele, naa, i ibo nagɔɔn yarapawelazan nya, yé ko ɛ wenyané kɛlɛ.

Ézai 3:8

Jérusalɛm guru zana a gi yé Juda tɛrɛ sɛrɛ; naa, wo péli vɔ Gakelebale ma wo dére valé wo kɛlɛwenu nya, yé alé fuasan ’ka kana zén‐é wo gi lo, azama.

Jérémi 11:17

Lai sunyanu lé Gakelebale lé é i suru, yee ɛ we tɔntɔn laa i ma, Izraɛl munu valé Juda munu lé we lɛrɛlɛrɛ kɛlɛle we ma; wo an blifliwe kɛlɛ lasikɔrɔpo kyɛblele nya Baal lɛ, azama.

Jérémi 16:10

Dé i we ’konu faa fale vɔ munu ’ko lɛ, wo dan a fe lɛ i lɛ léma: Mɛmalé Gakelebale bon‐ɛn ko nya a fele nya léé, ’é we tɔntɔn blɛn ’konu bɔa ko maa? Mɛ weple lé ko kɛlɛɛ? Mɛ wenyané lé ko kɛlɛ Gakelebale, kolé Bale maa?

Jérémi 22:9

Yé wo dan a zi pa lɛ léé: Wo sɔn vɔ Gakelebale, wolé Bale lé gipawe ma, yé wo dia ’wo bli la bale bɛnu ’lɛ yé wo ’bɛnu bɔ, amalé.

Jérémi 29:19

Wo ’ka ’wo tɔné dɔ lɛ an dére lɛ lo, yé an wuozannu lé wo ke balelayezannu nya, ’té maa wo paan wo lɛ zia yifaama bɛ, wo ’ka ’wo tɔné dɔ lɛ ’bɛnu lɛ lo, amalé maa dan a kɛlɛ lɛ a zo. Maa Gakelebale ɛ ke a fena.

Jérémi 32:30

Naa, é sia wo kiéné la bléyi va fɔɔ kyɔ, Izraɛl munu valé Juda munu an ’namawe saa ɛ kɛlɛ. Izraɛl munu an bli fli wo bɛ panyanama nya. Maa Gakelebale ɛ ke a fena.

Jérémi 44:23

Ka lasikɔrɔpo kyɛ ble, yé ka wenyané kɛlɛ Gakelebale ma; ka ’ka ka tɔné dɔ lɛ Gakelebale dére lɛ lo; ka ’ka tawo lɛ alé bélidɔwenu koo, a déretawenu koo, alé weplalenu koo, wo ta lo, amalé we tɔntɔn ’konu bɔ ka ma, ka a yé kyɔ fɛan zo, a zo.

Jérémi 44:8

Mɛmalé ka an bli fli ka bɛ panyanama nyaa? Ka da nyana lɛ Éjipiti tɛrɛ la yé ka lasikɔrɔpo kyɛ ble ’bɛna bale bɛnu lɛ. Mɛmalé ka kabo bɔra kulu gale lɛ yé wo bale pa ka ma yé wo ka kɛlɛ serele bomazannu nya tɛrɛ la bɛnnu faa mélénaa?

Jérémi 5:19

Dé ka fe léé: Mɛmalé Gakelebale kolé Bale éé we ’ko faa kɛla ko lɛɛ? bé zi pa wo lɛ léé: Ka sɔn vɔa an ma fɛan zo yé ka bale bɛnu bɔ kalé tɛrɛ la, a zo duo lé ka dan pla lɛ bɛn bɛnu wuo, tɛrɛ lé é ’ka kazé nya lo, a ta.

Jérémi 5:29

Gakelebale léé: Maa ’ka dan we lɛdɔ lɛ wo gi we ’konu ma loo? Maa ’ka dan anzé lɛgi pa lɛ ’bɛ zo bɛn ma loo?

Jérémi 7:19

Gakelebale léé: Maa lɛ lé ka ke a kɛlɛnaa? Kabo lɛ kaan loo? Kabo lé yaragyɛwe kaan loo?

Jérémi Lé Wuvɔ Sɛbɛ 1:8

Jérusalɛm lé wenyané fan, Bɛwemalé é kɛlɛ léabomafɛ nya; Munu faa lé wa tɔ bɔa turu, wa yé mi porole nya, amalé woo serele boo a ma; Yeebozen éé bamaflin woo, ’té éé ’wuo vɔa é wuo.

Jérémi Lé Wuvɔ Sɛbɛ 4:13

Alé balelayezannu lé wenyanénu ma ban lo, Alé Balebanzannu lé Wo mi tegelenu nyɛ zana A méléna, wolé weplenu ma ban lo.

Ézékiɛl 9:9

Yé é a zi pa an lɛ léé: Izraɛl munu valé Juda munu lé weple a blɛn. É gié é glɛ ta. Tɛrɛ a é fanle migyɛwe saa nya. Fla a é fanle weple saa nya. Naa, wo léé, Gakelebale sɔn vɔ tɛrɛ ’ko ma. Gakelebale ’ka ’wo yé lo.

Daniɛl 9:5

Ko wenyané kɛlɛ; ko weplenu kɛlɛ; ko a mi nyanénu valé nwamimazannu nya. Ko sɔn vɔ ilé bélidɔwe sɔnnénu valé i déretawenu ma.

Bélidɔwesɛbɛ Fiézan 13:6

Dé i bu lé négɔné léé, dé i be léé, dé i lu léé, i na lé ka yiaan a nya saa do la, dé ’bɛ léé, i béé lé é sɔ i lɛ bélé ibozen zo, dé ’bɛ léé, dé wo va mi do da kyeen gi yé é lé i lɛ léé, kaa go, kaa bale bɛ bɔ, dé é a bale lé bii valé i tinu ’ka a dɔɔa é kyɛn lo, a nya,

Bélidɔwesɛbɛ Fiézan 29:25

Yé wo dan a zi pa lɛ wo lɛ léé: Gipawe lé Gakelebale wo tranu lé Bale a kɛlɛ wo va, bléyian va lé é wo si Éjipiti tɛrɛ la, wo sɔn vɔ a ma, ’bɛlé we ma.

Bélidɔwesɛbɛ Fiézan 29:26

Bale bɛnu lé wo ’ka wo dɔɔa lo, ’té Gakelebale ’ka a nɔ lɛ wo lɛ lo, wo go wo bɔ lɛ yé wo dia ’bɛnu ’lɛ, ’bɛlé we ma lé é bɔ wo ma a zo.

Bélidɔwesɛbɛ Fiézan 32:17

Miyilinu lé wo ’ka Bale nya lo, wo wo ban, Balenu lé wo ’ka wo dɔɔ lɛ é vinin lo, Bale dɛrɛnu lé wo da lao bɛ, ’Té wo tranu ’ka kana lɛ wo lee lo, wo wo ban.

Ébrunu 3:16

Wo lé wo nwa mi ma we ’male zuo, dé é ’ka munu faa lé wo si Éjipiti tɛrɛ la, ’té Moizi a wo ’lɛ, wo nya lo, ’té denu léé?