Jérémi 44:27 - Kazambale lé Sebe Sauunu 1979

²⁷ Ka ye, maa dan an yara dɔ lɛ ka ta wenaané kɛlɛle ka lɛ we ma; wezin kɛlɛle kaan lo, yé Juda munu faa lé wo ke Éjipiti tɛrɛ la, wo kulu é dan ga lɛ gwɔun valé lɔrɔ nya fɔɔ yé wo bɛ do ’ka vo lo.

Jérémi 44:27 ပူးပေါင်းရင်းမြစ်များ

2 Minwiinzannu 21:14

Anlé munu pɔné lé wo vo, maa dan daan lɛ wo ma, yé maa dan wo pa lɛ wo nyanézannu lee; wo dan kɛlɛ lɛ wo nyanézannu faa lé gulizarafɛ valé dɔnmawi nya;

Jérémi 1:10

Sin, maa i pla migɔnɔnu valé bɛntɛrɛnu nwiin, léé, ’i wo si wo dɔna, yé ’i wo gyɛ; ’i wo guru zana a gi yé ’i wo sɛrɛ tata; ’i wo dɔ ’wo dɔna yé ’i wo nyana ’wo pa gi.

Jérémi 21:10

Naa, Gakelebale léé: Maa an yuɛ vɔa fla ’ko ta wenaané kɛlɛle a lɛ we ma; wezin kaan lo. Maa dan a nɔ lɛ Babilɔn nwiinzan blɛn lɛ, yé é dan a kyɛ ble lɛ.

Jérémi 31:28

Yé fɛan zo lé maa yara pa wo sile wo dɔna koo, wo gyɛle koo, wo sɛrɛle tata koo, wo guru zanale a gi valé we tɔntɔn bɔle wo ma koo, wo ta, a zo duo lé sin, maa dan yara pa lɛ wo nyanale valé wolé fla pale ta. Maa Gakelebale ɛ ke a fena.

Jérémi 39:16

’I go bé fe Étiopi mi Ébɛd‐Mélɛk lɛ léé: Lai sunyanu lé Gakelebale, Izraɛl lé Bale léma: Bé ye, wenu lé maa wo bɔle fla ’ko ma zuo fe, ’té wa wenaanénu nya, wo ’ka wezinnu nya lo, wo dan bɔ lɛ yi ’ko nya i yuɛ va.

Jérémi 42:16

gwɔun lé ka kanaan a lee, é dan bɔ lɛ ka ma Éjipiti tɛrɛ ’ko la. Lɔrɔ lé ka kanaan a lee, é dan bɔ lɛ ka ma Éjipiti tɛrɛ la, yé ka dan ga lɛ ’bɛna.

Jérémi 44:12

Juda munu pɔnénu lé wo yara nɔla léé, ’wo go nyana lɛ Éjipiti tɛrɛ la, maa dan wo kulu ga lɛ. Wo dan ga lɛ Éjipiti tɛrɛ la gwɔun valé lɔrɔ nya, a péli sia né kiénénu ma fɔɔ yé é bɔ mi kwanu ma; wo dan zamaga wo lɛ gwɔun valé lɔrɔ nya; yé wo dan kɛlɛ lɛ dunuzénmitazannu koo, munu gi nyɛkinizannu koo, bale pamazannu koo, serele bomazannu koo, wo nya.

Jérémi 44:13

Munu lé woo nyanaan Éjipiti tɛrɛ la, maa dan we lɛdɔ lɛ wo gi bélé fɛan zo lé an we lɛdɔ Jérusalɛm munu gi, gwɔun koo, lɔrɔ koo, bawuruma gyɛ koo, wo nya, a zo.

Jérémi 44:14

Juda munu pɔnénu lé wo go nyana lɛ Éjipiti tɛrɛ la, ’té é a wo gi léé, wo dan go lɛ ’wo pa gi Juda tɛrɛ la, fɛana lé wa a va léé, wo nyana kli, ana, wo va mi do kpen ’ka dan fwi lɛ lo, mi do kpen ’ka dan so lɛ a ta lo, mi do kpen ’ka dan go lɛ Juda tɛrɛ la é dɛrɛ lo, ’té dé é ’ka mi kenu lé ’bɛnu é dan vɔ lɛ fli gi, wo saa nya lo.

Jérémi 44:18

Naa, ko daan aan wo lasikɔrɔpo kyɛblele valé ’yi zanale ma lagi fuale lɛ, fɛ faa vuru ko ma yé gwɔun valé lɔrɔ ko gyɛ.

Jérémi 9:15

Amalé, lai sunyanu lé Gakelebale, Izraɛl munu lé Bale léma: Ka ye, maa dan kɔnɔn nɔ lɛ munu ’konu lɛ wolé fɛblele nya, yé maa dan laleyi nɔ lɛ wo lɛ wo miniyi nya.

Jérémi 9:16

Maa dan wo nwɛɛn lɛ bɛnnu lé wo valé wo tinu ’ka wo dɔɔ lɛ lo, wo méléna, yé maa dan wo zuo bin lɛ gwɔun nya fɔɔ yé maa wo kulu ga.

Ézékiɛl 5:12

Bawurumagyɛ é dan ka va munu lɛ do gyɛ lɛ yé wo dan ga lɛ lɔrɔ nya ka méléna; yé maa dan mi lɛ do gyɛ lɛ gwɔun nya i zi, yé maa dan mi lɛ do nwɛɛn lɛ fɛfaana, yé maa dan ’bɛnu zuo bin lɛ gwɔun nya.

Ézékiɛl 7:6

A nyaana looo, a nyaana lo. É bɔ i ma, bé ye, é a dana.

Daniɛl 9:14

Amalé Gakelebale we tɔntɔn ’ko bɔ ko ma sɔbɛlawe nya. Naa, Gakelebale kolé Bale a tegele é kɛlɛwenu faa gi, naa, ko ’ka ko tɔné dɔ lɛ a dére lɛ lo.

Amɔs 9:8

Ka ye, Mizan Gakelebale yuɛ a é dɔle bɛntɛrɛ lé we a gyɛ, a ta; maa dan a sɛrɛ lɛ tata tɛrɛ ta, duowo, maa ’ka dan Jakɔb lé munu kulu ga lɛ tata lo. Yee lé Gakelebale a fe.