Jérémi 44:26 - Kazambale lé Sebe Sauunu 1979

²⁶ ’Kaa Juda munu faa lé ka ke é nyanale Éjipiti tɛrɛ la, ’ka tɔné dɔ Gakelebale dére lɛ. Gakelebale léma: Ka ye, maa anbo ’nyɔɔn an tɔ blɛn nya léé, Juda mi do kpen ’ka dan an tɔ laa lɛ é dɛrɛ lo. Yé Éjipiti tɛrɛ faa la, mi do kpen ’ka dan a fe lɛ léé, Mizan Gakelebale a é yuɛma, lo.

Jérémi 44:26 ပူးပေါင်းရင်းမြစ်များ

Wepélisiananu 22:16

yé é léé: I we ’ko kɛlɛ yé i ’ka i be wɔlɛ do kpen nyané kɛlɛ lɛ an lɛ lo, amalé maa, Gakelebale dére lé, maa anbo ’nyɔɔn léé,

Lɛrɛvɔ Sɛbɛ 50:16

Yé Bale lé mi nyané lɛ léé: É kɛlɛ kaa yé i voo anlé bélidɔwenu nɔnɔna, Yé anlé gipawe a i ’léé?

Lɛrɛvɔ Sɛbɛ 89:34

Naa, maa ’ka dan anlé zin si lɛ a lee lo, Yé maa ’ka dan an yara pale we ta nyané kɛlɛ lɛ a lɛ lo.

Ézai 62:8

Gakelebale é bɛyi valé é bɛ plɛplɛ ’nyɔɔn léé: Maa ’ka dan ilé ’sa nɔ lɛ i nyanézannu lé fɛblele nya é dɛrɛ lo, Ilé dɔrɔ lé ke ilé nyanama tɔnɔ nya, Bɛnnu ’ka dan a mini lɛ é dɛrɛ lo.

Jérémi 22:5

Naa, dé ka ’ka ka tɔné dɔa dére ’konu lɛ lo, maa anbozen ’nyɔɔn léé, kɔn ’ko, é dan kɛlɛ lɛ é ’bin nya.

Jérémi 24:8

Gakelebale léé: Juda nwiinzan blɛn Sédésias koo, wo nwiinzannu koo, Jérusalɛm munu pɔné lé wo vo tɛrɛ ’ko la koo, munu lé woo nyanaa Éjipiti tɛrɛ la koo, maa dan wo kɛlɛ lɛ bélé bɔrɔyiliporo naanénu lé mi ’ka bɔa wo blele lɛ wo naané lé we ma lo, wo zo.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Jérémi 44:11

Bɛwemalé lai sunyanu lé Gakelebale, Izraɛl lé Bale léma: Ka ye, an nwunzi dɔ ka ta wenaané kɛlɛle ka lɛ we ma, yee valé Juda munu faa kulu gale we gi.

Jérémi 44:14

Juda munu pɔnénu lé wo go nyana lɛ Éjipiti tɛrɛ la, ’té é a wo gi léé, wo dan go lɛ ’wo pa gi Juda tɛrɛ la, fɛana lé wa a va léé, wo nyana kli, ana, wo va mi do kpen ’ka dan fwi lɛ lo, mi do kpen ’ka dan so lɛ a ta lo, mi do kpen ’ka dan go lɛ Juda tɛrɛ la é dɛrɛ lo, ’té dé é ’ka mi kenu lé ’bɛnu é dan vɔ lɛ fli gi, wo saa nya lo.

Jérémi 44:24

Jérémi we fe é ziin munu faa valé lomu faa lɛ léé: ’Kaa Juda munu faa lé ka ke Éjipiti tɛrɛ la, ’ka tɔné dɔ Gakelebale dére lɛ.

Jérémi 46:18

Minwiinzan blɛn lé a tɔ ke lai sunyanu lé Gakelebale, é léma: Maa a é yuɛma! É dan da lɛ bélé Tabɔɔ gɔ lé ke gɔnu méléna, a zo, Bélé Kaamɛl gɔ lé é ke wɛyi sɔnɔ, a zo.

Jérémi 49:13

Naa, Gakelebale léma: Maa anbozen ’nyɔɔn, léé, Bozra é dan kɛlɛ lɛ guru zana a gizan valé serelebomazan nya; wo dan a sɛrɛ lɛ tata yé wo bale pa a ma. Alé flanu é dan kɛlɛ lɛ é ’bin nya, ’té ’bɛ glɛ ’ka lo.

Jérémi 5:2

Dé wa fe boenwo léé: Gakelebale a é yuɛma, ’Té wa bale ’nyɔɔnna vié nya.

Jérémi 51:14

Lai sunyanu lé Gakelebale ébo ’nyɔɔn léé: Iin, maa dan i nyanézannu fan lɛ bélé gangannu zo, yé wo dan nwa lɛ i ma gulidan siaalenu nya.

Jérémi 7:9

Mɛ ɛ kɛlɛɛ? Ka kyeen woo, ka mi gya, ka mi bɛ na valé mi bɛ zana ginian, ka bale ’nyɔɔn‐an vié nya, ka lasikɔrɔpo kyɛ blé Baal lɛ, ka goo bale bɛnu lé ka ’ka wo dɔɔa lo, wo zuo.

Ézékiɛl 20:39

Mizan Gakelebale léma: Yé ’kaa Izraɛlnu, ka faa do do ’é go kalé miyilinu ban. Naa, ’bɛ zuo ka dan ka tɔné dɔ lɛ an lɛ, yé ka ’ka dan an tɔ sauun sɛrɛ lɛ kalé blɛfɛnu valé kalé miyilinu nya é dɛrɛ lo.

OZÉ (Osée) 4:15

Oo ’kaa Izraɛlnu, dé kabo nɔ bɔrɔdɛ kɛlɛle lɛ, té Juda ’é we dɔ ’é nwiin ’bɛ kɛlɛle nya lo; té ka go Gilgal lo; té ka go loru Bɛt‐Avan lo; té ka bale ’nyɔɔn a fele nya léé, Gakelebale a é yuɛma, lo.

Amɔs 6:10

Dé alé mi do da a gale sia lɛ a kyɛblele we ma, dé é a a va léé, é a gale si kɔn‐in, é dan a laa lɛ kɔnsorogizan lee léé: Mi do a i va é ziin bɛɛ? Yé mi ’ko é dan a zi pa lɛ a lɛ léé: Mi do ’ka ana lo. Yé é dan a fe lɛ ’bɛ lɛ léé: ’I tadɔ. Gakelebale tɔ fe bléyian ke ’ko lo.

Amɔs 6:8

Mizan Gakelebale ébo ’nyɔɔn, Gakelebale, lai sunyanu lé Bale léma: Maa nyé yélié Jakɔb lé boblɛn ma, yé alé fuakɔnnu za a an gi; maa dan fla valé é tafɛnu faa pa lɛ munu lee.

Amɔs 8:7

Gakelebale Jakɔb tɔbɔmazan ’nyɔɔn léé, wo kɛlɛwe do kpen ’ka dan saan lɛ ’é gi lo.

Mi Nɔnɔle 14:28

Bé fe wo lɛ léé: Gakelebale léma: ’é a é yuɛma; ka ’é ma we ble ’é tɔné gi fɛan zo bɛ, ’é dan a kɛlɛ lɛ ka lɛ a zo.

Ébrunu 3:18

Dé é ’ka munu lé wo Kazambale lɛgama, wo nya lo, ’té denu lɛ lé Kazambale ébo ’nyɔɔn léé, ’é ’ka dan ’élé flinle nɔ lɛ wo lɛ loo?

Ébrunu 6:13

Kazambale blivolɛdére fe aan wo Abraam lɛ, fɛ do lé é ke blɛn yé é mini yeebozen ta, é ’ka ’bɛ ye lɛ yé é ’bɛ ’nyɔɔn lo, bɛwemalé é ’ébozen ’nyɔɔn,

Ébrunu 6:18

Yé we fié ’ko lé wo ’ka nɔlaan monomono lo, ’té Kazambale ’ka bɔaléé, é viéwo wo gi lo, woo plɛplɛ no kaa lɛ. Kaa lé, kaa kaa yɔɔna ye, we fié ’ko, woo plɛplɛ no kaa lɛ, yé yee yɔɔna lé é ke blivolɛdére lé Bale a fe kaa lɛ, a nya.