Jérémi 44:22 - Kazambale lé Sebe Sauunu 1979

²² Gakelebale ’ka bɔa dɔle lɛ ka kɛlɛwe naanénu valé kalé bozowenu kɛlɛle nyi wuo é dɛrɛ lo, amalé kalé flanu vo é ’bin nya, bwi zo, balepamafɛ nya, ka a yé kyɔ fɛan zo, a zo.

Jérémi 44:22 ပူးပေါင်းရင်းမြစ်များ

Wepélisiananu 19:13

Naa, ko dan fɛkona sɛrɛ lɛ, siaale ana munu ma kɛlɛ plɛplɛ Gakelebale tɔné gi, azama. Gakelebale ko pa zia léé, ’ko ana sɛrɛ.

Wepélisiananu 6:3

Yé Gakelebale léma: An léli ’ka dan vo lɛ mi gi yifaama lo. Munu a wimi nya é pla, yé wolé tɛrɛlalɛɛ é dan kɛlɛ lɛ sin yɔ suiɛdo.

2 Minwiinzannu 17:15

Wo sɔn vɔ alé bélidɔwe koo, gipawe lé é a kɛlɛ wo tinu va koo, wenu lé é a pla wo lɛ koo, wo ma. Wo go boafɛnu zuo yé wobozen kɛlɛ boazannu nya, yé bɛnnu lé ke wo zi, wo go wo zuo, dɔlé ’té Gakelebale a yi ga wo lee léé, té ’wo wo zuo sona lo.

Ézai 1:24

Bɛwemalé, Mizan, lai sunyanu lé Gakelebale, Izraɛl lé Mi Plɛplɛ léma: Maa dan we do kɛlɛ lɛ an mazannu lɛ, yé an bli é dɔrala, yé maa dan anzé lɛgi pa lɛ an nyanézannu ma.

Ézai 43:24

I ’ka ilé gɔɔli sɛrɛ lɛ lia ginzan lɔle an lɛ we ma lo; An ’ka kan lɛ ilé sarakabowi nyɔnɔ nya lo; Naa, i kle pa an ta ilé wenyané nya, Yé i an wɔlɛi nyaa an ma ilé weple nya.

Ézai 7:13

Naa, Ézai léé: ’Kaa David gɔnɔlazannu lé ka ke minwiinzannu nya, ’ka tɔné dɔ. Dé ka munu wɔlɛ gi nyaa ’wo ma, ’bɛ ’ka kazé bɔa loo? É a lé ka anlé Bale wɔlɛ gi nyaa é ziin?

Jérémi 15:6

Gakelebale léé: I sɔn vɔ an ma, yé i go i zuo zia, Naa, maa an bɛ soi i ma, yé maa i kulu ga; An wɔlɛ gi nyaa an ma, nyanai zénle i ta we ma.

Jérémi 18:16

Wo ’wolé tɛrɛ kɛlɛ boatɛrɛ nya, ’té munu a ma we nanaan; Munu faa lé woo giéan ana, woo dɔa dan‐uun, ’té woo ’wuo nyɔɔn‐an.

Jérémi 21:12

David kulunu, Gakelebale léma: ’Ka we tegele kɛlɛ bladi, yé ’ka munu si vanu lee, dé an bli é da fli bélé kyɛ zo, ’té éé blé, ’té mi do ’ka bɔa a dirile lɛ lo, ka kɛlɛwe naanénu lé we ma.

Jérémi 23:2

Bɛwemalé, munu pazannu lé woo fɛblele no anlé munu lɛ, Gakelebale, Izraɛl lé Bale wo ma we fe léé: Ka anlé ’blanu fwila, ka wo bin; ka ’ka wo pa lɛ é zima lo, amalé maa dan we lɛdɔ lɛ ka gi kalé we lɛrɛlɛrɛ kɛlɛle we ma. Maa Gakelebale ɛ ke a fena.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 25:11

Tɛrɛ ’ko faa é dan vo lɛ é pla, bwi gi nya; yé bɛnnu ’ko é dan pla lɛ Babilɔn nwiinzan blɛn wuo, lɛɛ yɔ yaa wɔlɛ vu.

Jérémi 25:18

Jérusalɛm koo, Juda flanu koo, a nwiinzan blɛnnu koo, alé mi segelenu koo, maa a nɔ wo lɛ léé, ’wo kɛlɛ é ’bin nya; ana ’é vo é pla yé ’wo we nana a ma yé ’wo bale pa a ma, fɛan zo lé ka a yé kyɔ, a zo.

Jérémi 25:38

É nwa é nyanana, bélé fɛan zo lé golizrané éé nwaan é yiina, a zo; naa, wolé tɛrɛ vo bwi nya, fɛsɛrɛzan wɛwɛ dɔle valé alé bliflile baba lé we ma.

Jérémi 26:6

’té wean maa kɛlɛ Silo lɛ, yee duo lé maa dan a kɛlɛ lɛ munu ’ko lɛ, yé maa dan fla ’ko kɛlɛ lɛ balepama fla nya tɛrɛla bɛnnu faa yuɛ gi.

Jérémi 29:18

Maa dan wo zuo bin lɛ gwɔun koo, lɔrɔ koo, migyɛgyɛ koo, wo nya, yé maa dan wo kɛlɛ lɛ kanaleefɛ nya tɛrɛ la bɛnnu faa lɛ; maa dan wo kɛlɛ lɛ balepamazannu koo, kwavɔmitazannu koo, wenanamazannu koo, serelebomafɛnu koo, wo nya, bɛnnu faa lé maa wo pa zia wo va bɛ, wo lɛ.

Jérémi 29:19

Wo ’ka ’wo tɔné dɔ lɛ an dére lɛ lo, yé an wuozannu lé wo ke balelayezannu nya, ’té maa wo paan wo lɛ zia yifaama bɛ, wo ’ka ’wo tɔné dɔ lɛ ’bɛnu lɛ lo, amalé maa dan a kɛlɛ lɛ a zo. Maa Gakelebale ɛ ke a fena.

Jérémi 30:14

Munu faa lé i sɔ wo lɛ, wo gi éé saan i ma, Wo va mi do kpen ’ka i gibɔrɔ paan lo, Naa, maa i gyɛ bélé an nyanézan zo; Maa we lɛdɔ i gi gla nya Ilé weple kiɛre lé we ma, Ilé wenyanénu ’léé blɛn lé we ma.

Jérémi 34:22

Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.

Jérémi 4:4

Juda munu valé Jérusalɛm munu, ka kɛlɛle Gakelebale zé nya lé tɔmase ’é kɛlɛ ka ma ma, ’ka daan ka kɛlɛwe kyɛn ma, dé anlé bliflile é da ble bélé kyɛ zo, dé é da nwa bélé kyɛnɛnɛ zo, ’té mi do kpen ’ka bɔa a dirile lɛ lo, ka kɛlɛwe naané lé we ma.

Jérémi 42:18

Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Jérémi 44:12

Juda munu pɔnénu lé wo yara nɔla léé, ’wo go nyana lɛ Éjipiti tɛrɛ la, maa dan wo kulu ga lɛ. Wo dan ga lɛ Éjipiti tɛrɛ la gwɔun valé lɔrɔ nya, a péli sia né kiénénu ma fɔɔ yé é bɔ mi kwanu ma; wo dan zamaga wo lɛ gwɔun valé lɔrɔ nya; yé wo dan kɛlɛ lɛ dunuzénmitazannu koo, munu gi nyɛkinizannu koo, bale pamazannu koo, serele bomazannu koo, wo nya.

Jérémi 44:2

Lai sunyanu lé Gakelebale, Izraɛl lé Bale léma: Wenaanénu faa lé maa a bɔ Jérusalɛm valé Juda flanu faa ma, ka a ye; kyɔ wo vo é ’bin nya, ’té mi do ’ka ana é dɛrɛ lo.

Jérémi 44:6

An bli fli yé an wɛwɛ nwa yé wo Juda flanu valé Jérusalɛm kyɛ ble, yé wo kɛlɛ é ’bin valé bwi nya, ka a ye kyɔ fɛan zo, a zo.

Jérémi 48:9

’Ka miané bɛa nɔ Moab lɛ, Yé é si a nya yé é go. Alé flanu é dan kɛlɛ lɛ bwi nya, Mi do ’ka dan nyana lɛ ana é dɛrɛ lo.

Jérémi 5:9

Gakelebale léé: Maa ’ka dan we lɛdɔ lɛ wo gi we ’konu ma loo? Maa ’ka dan anzé lɛgi pa lɛ ’bɛ zo bɛn ma loo?

Ézékiɛl 39:23

Yé bɛnnu é dan a gi dɔɔ lɛ léé, Izraɛl lé weplenu lé we ma lé wo go Izraɛl munu nya luu gi. Wo sɔn vɔ an ma, amalé an yara yɔɔ wo ma. Maa wo pa wo nyanézannu lee léé, wo faa é zamaga wo gwɔun ’léé.

Ézékiɛl 5:13

’Bɛ zo lé anlé bliflile lɛ é dan sɔɔ lɛ; an wɛwɛ é dan dɔ lɛ wo ma faa, yé an bli é dɔrala, yé wo dan a gi dɔɔ lɛ léé, maa Gakelebale, an we fe bliflile nya, yé an wɛwɛ dɔ ’wo ma.

Daniɛl 9:11

Izraɛlnu faa ilé bélidɔwe sɛrɛ yé wo ’ka i dére ’ma lɛ lo. Amalé balepalenu valé bale ’nyɔɔnlenu lé wo ke é gyɛle Bale wuozan Moizi lé bélidɔwe gi, wo wo kun. Naa, ko wenyané kɛlɛ Bale ma, azama.

Daniɛl 9:12

Dérenu lé é a fe ko valé ko nwiinzannu lé woo zi gɔɔn‐an ko lɛ, kolé we nya, é wo lɛ sɔɔ. É we tɔntɔn blɛn bɔ ko ma. We lé é bɔ Jérusalɛm ma, ’bɛ zo we ’ka bɔ lɛ tɛrɛ la fɛ bɛ do kpen na lo.

Amɔs 2:13

Ka ye, maa dan ka wii lɛ bélé goro lé ’sanwunnu ke é fanle a nya éé tɛrɛ wiian fɛan zo, a zo.

Malasi 2:17

Ka Gakelebale wɔlɛ gi nyaa é ma ka dére nya, yé ka léé, ’wo a wɔlɛ gi nyaa a ma mɛ nyaa? Ka fé léé: Miomian wenaané kɛlɛ, é a é zima Gakelebale yuɛ gi, yee ɛ Gakelebale gi nanaan. ’Bɛ dére ’ko ɛ Gakelebale wɔlɛi nyaa é ma; dé ’bɛ kaan lo, ka fé léé: We tegele kɛlɛ Bale a kyɛɛn?

Rom munu 9:22

Yé dé é sɔ Kazambale lɛ léé, élé bliflile valé élé plɛplɛ nagɔɔn, yé bliflimabɔnu lé é wo dɔ wo sɛrɛle we gi bɛ, dé é ’wuo dɔ wo wuo bli tiéé baba nya, a leewe kaan loo?