Jérémi 44:2 - Kazambale lé Sebe Sauunu 1979

² Lai sunyanu lé Gakelebale, Izraɛl lé Bale léma: Wenaanénu faa lé maa a bɔ Jérusalɛm valé Juda flanu faa ma, ka a ye; kyɔ wo vo é ’bin nya, ’té mi do ’ka ana é dɛrɛ lo.

Jérémi 44:2 ပူးပေါင်းရင်းမြစ်များ

2 Minwiinzannu 21:13

Maa dan Jérusalɛm lé we kɛlɛ lɛ bélé Samari valé Akab lé we zo. Maa dan Jérusalɛm gi saa lɛ, woo pala gi saan fɛan zo yé wa yara bua a gi saale zuo, a zo.

Fwile 19:4

We lé maa kɛlɛ Éjipiti munu lɛ, yé maa ka si gola bɛanu la yé maa da ka nya an va fɛan zo ’ko, ka a ye.

Ézai 24:12

Fla vo é pla, wo duolinu ’wii yé wo vo é wuli nya.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Jérémi 25:11

Tɛrɛ ’ko faa é dan vo lɛ é pla, bwi gi nya; yé bɛnnu ’ko é dan pla lɛ Babilɔn nwiinzan blɛn wuo, lɛɛ yɔ yaa wɔlɛ vu.

Jérémi 34:22

Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 44:22

Gakelebale ’ka bɔa dɔle lɛ ka kɛlɛwe naanénu valé kalé bozowenu kɛlɛle nyi wuo é dɛrɛ lo, amalé kalé flanu vo é ’bin nya, bwi zo, balepamafɛ nya, ka a yé kyɔ fɛan zo, a zo.

Jérémi 44:23

Ka lasikɔrɔpo kyɛ ble, yé ka wenyané kɛlɛ Gakelebale ma; ka ’ka ka tɔné dɔ lɛ Gakelebale dére lɛ lo; ka ’ka tawo lɛ alé bélidɔwenu koo, a déretawenu koo, alé weplalenu koo, wo ta lo, amalé we tɔntɔn ’konu bɔ ka ma, ka a yé kyɔ fɛan zo, a zo.

Jérémi 7:34

Ginana siaalenu koo, ginanale baba lé siaale koo, ledɛrɛsizannu valé bodɛrɛsizannu lé lɛrɛ vɔle koo, maa dan wo yi ga lɛ Juda tɛrɛ la valé Jérusalɛm zinu ta; naa, ana fla é dan kɛlɛ lɛ bwi saa nya.

Jérémi 8:3

Lai sunyanu lé Gakelebale léma: Munu faa lé wo dan vo lɛ bɛn nyané ’ko gɔnɔlazannu nya fɛfaana lé maa wo bin‐é ana, ga é dan kɛlɛ lɛ wo ’léé néné yé é mini vole é yuɛma ta. Maa lai sunyanu lé Gakelebale ɛ ke a fena.

Jérémi 9:11

Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Jérémi Lé Wuvɔ Sɛbɛ 1:1

Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Jérémi Lé Wuvɔ Sɛbɛ 1:16

Bɛwemalé an wuvɔa, ’té an yuɛyi éé zén‐é, Naa, mian énɔ an tɔrɔ paama, é si an ma baa, Mian éé an fuu dɔa an ta, yee lé. Guliwuo vo an nyanézannu lɛ, amalé an benu bli kyɛ dɔ é baba.

Jérémi Lé Wuvɔ Sɛbɛ 5:18

Yee lé ke léé, Siɔn kɛlɛ é ’bin nya, ’Té gwenu éé bɔrɔwoo ana.

Daniɛl 9:12

Dérenu lé é a fe ko valé ko nwiinzannu lé woo zi gɔɔn‐an ko lɛ, kolé we nya, é wo lɛ sɔɔ. É we tɔntɔn blɛn bɔ ko ma. We lé é bɔ Jérusalɛm ma, ’bɛ zo we ’ka bɔ lɛ tɛrɛ la fɛ bɛ do kpen na lo.

Lévinu 26:31

Maa dan kalé flanu kɛlɛ lɛ é bin nya; maa dan kalé fɛna sauunnu sɛrɛ lɛ tata, yé maa ’ka dan kalé lasikɔrɔ gin nénénu si lɛ é dɛrɛ lo.

Lévinu 26:43

Wo dan si lɛ wolé tɛrɛ la, yé bléyian va lé wolé tɛrɛ ke é sɛrɛle, ’té wa baa, é dan élé flinyinu kɛlɛ lɛ; wo lɔlu plɛn anlé gɔnɔlawenu ma, yé wo boen serele bo anlé bélidɔwenu ma, amalé wo dan wolé weplenu banwo lɛ.

Misé 3:12

Bɛwemalé, kalé we ma lé wo dan Siɔn kuu lɛ bélé féi bli zo; Jérusalɛm é dan kɛlɛ lɛ gɔlɛzun nya, yé pɔrɔ é dan vɔ lɛ Balekɔn dɔna gɔ nwiin.

Zakari 1:6

Duowo, an dérenu lé maa wo pa an wuozannu balelayezannu ’léé ka tranu zé nya, wo lɛ ’ka é sɔɔle loo? Yé wo nɔla yé wo léé: We lé é dɔ lai sunyanu lé Gakelebale gi léé, é a kɛla ko lɛ kolé tawobɛ valé ko kɛlɛwenu yɛrama, é a kɛlɛ.

Bélidɔwesɛbɛ Fiézan 29:2

Moizi Izraɛlmunu faa laa, yé é lé wo lɛ léé: We faa lé Gakelebale a kɛlɛ ka yuɛ va Éjipiti tɛrɛ la, Faraɔn koo, a wuozannu faa koo, alé tɛrɛ faa koo, wo lɛ, ka ana ye.

Jozué 23:3

We faa lé Gakelebale, kalé Bale a kɛlɛ bɛnnu ’konu lɛ ka ’lɛ, ka a ye, naa, Gakelebale, kalé Bale é ka ma guli dan.