Jérémi 44:17 - Kazambale lé Sebe Sauunu 1979

¹⁷ Naa, dé ko wean fe, ko kɛla; é sɔ ko lɛ léé, ko lasikɔrɔpo kyɛ ble lagi fuale lɛ yé ko ’yi zana a lɛ, ko valé ko tranu koo, ko nwiinzan blɛnnu valé ko nwiinzannu koo, ko kɛla turu fɛan zo Juda tɛrɛ la flanu valé Jérusalɛm zinu ta, a zo. ’Bɛ bléyi va ko fɛ blé yé ko kaan, ko gi éé nanaan, ’té wenaané do kpen ’ka bɔa ko ma lo.

Jérémi 44:17 ပူးပေါင်းရင်းမြစ်များ

2 Minwiinzannu 17:16

Wo Gakelebale, wolé Bale lé bélidɔwenu faa vo, yé wo diriné serele fié kɛlɛ, wo Asataté miyilinu kɛlɛ, wo dia ’wo bli la lagi fɛnu faa ’lɛ, yé wo Baal bɔ.

2 Minwiinzannu 22:17

Wo an vo, yé wo bale bɛnu ban lasikɔrɔ nya an bli flile wo bɛnu panyanama nya we gi, amalé an bli fli fɛkona ma, yé é ’ka dan dɔrala lɛ lo.

2 Minwiinmunu lé Wezuofe Sɛbɛ 28:23

Damas munu lé ’bɛnu bɛ mini a lɛ, é ’bɛnu lé yonu ban, yé é léé: Naa, Sirinu nwiinzan blɛn lé yonu bɔ é va, amalé maa dan wo ban lɛ yé ’wo bɔ an va. Naa, wo kɛlɛ a diafɛnu valé Izraɛl munu faa saanfɛnu nya.

Néémi 9:34

Ko nwiinzannu koo, kolé Balebanmunu koo, ko tranu koo, wo ’ka ilé bélidɔwe kɛlɛ lɛ monomono lo, yé ilé bélidɔwe sɔnnénu valé we lé bé fe wo lɛ, wo ’ka wo ta tawo lɛ lo.

Lɛrɛvɔ Sɛbɛ 106:6

Ko wenyané kɛlɛ bélé ko tranu zo, Ko weple kɛlɛ; ko wenaané kɛlɛ.

Lɛrɛvɔ Sɛbɛ 12:4

Gakelebale ’é dabli lɔlu faa nyaa ma, ’Bɛ valé boblɛn lɔlu nya.

Fwile 16:3

Izraɛl lé nénu lé wo lɛ léé: Bléyian va lé ko ke é nyanale wibɔ zi Éjipiti tɛrɛ la, ’té ko buru blé, ’té ko kaan, mɛmalé Gakelebale ’ka é bɛ kɛlɛ lɛ ko ma yé ko ga ’bɛ bléyi va loo? Naa, ka da ko nya nyéné lé fɛna ’ko, mi gu ’ko faa gyɛle lɔrɔ nya we gi.

Ézai 48:5

Amalé maa we ’konu fe ka lɛ é kyɛn, Maa wo fe ka lɛ wo bɔle ’lɛ, Té ka fe léé, ’wolé miyilinu ɛ wo kɛlɛ, lo, Té ka fe léé, ’wolé miyili nyaale koo, ’wolé miyili folile koo, wo ɛ we ’konu béli dɔ, lo.

Jérémi 1:16

Maa dan Juda munu lé we ble lɛ wo kɛlɛwe plenu lé we ma. Wo sɔn vɔ an ma yé wo lasikɔrɔpo kyɛ ble bale bɛnu lɛ, yé wo ’wo ’wuo tua ’wo bɛ kɛlɛfɛnu lɛ, azama.

Jérémi 11:12

Juda tɛrɛ la flamunu valé Jérusalɛm munu é dan go lɛ bale bɛnu lé woo lasikɔrɔpo kyɛ blé wo lɛ, wo zuo, naa, dé we tɔntɔn bɔ wo ma yian nya, ’bɛ yi nya ’bɛnu ’ka dan wo si lɛ we gi lo.

Jérémi 18:15

Naa, alé munu gi éé saan an ma, woo lasikɔrɔpo kyɛ blé miyilinu lɛ, ’Té woo tawoo zi saanlenu ta, ’té woo sié zi kwanu ta, Yé woo goo zi bɛnu ta, zinu lé wo ’ka tegele lo, wo ta.

Jérémi 19:13

Jérusalɛm kɔnnu valé Juda nwiinzannu lé kɔnnu, wo dan kɛlɛ lɛ fɛ lé wana sɔnné sɛrɛ, a nya, bélé Tofɛt zo; kɔnnu faa lé wo lasikɔrɔ kyɛ ble wo nwiin lagifɛnu faa ’lɛ, ’té woo baleban’yi zanaan bale bɛnu lɛ wo nwiin bɛ, woo lé.

Jérémi 44:21

Lasikɔrɔpo lé ka kyɛ ble Juda tɛrɛ la flanu valé Jérusalɛm zinu ta bɛ, ka koo, ka tranu koo, ka nwiinzan blɛnnu valé ka nwiinzannu koo, tɛrɛlamunu koo, a sele ’ka dɔ lɛ Gakelebale gi loo? É ’ka é bɔn‐in bɔrɔ lɛ ’bɛ ma loo?

Jérémi 44:25

Lai sunyanu lé Gakelebale, Izraɛl lé Bale léma: Ka valé ka nanu, we lé é bɔra ka ’léé, ka kɛlɛ. Ka léé, balekundére lé ’wa fe, ’wo dan a lɛ sɔɔ lɛ; ’wo dan lasikɔrɔpo kyɛ ble lɛ lagi fuale lɛ yé ’wo dan ’yi zana lɛ a lɛ. Yé sin, ka kalé balekundére lɛ sɔɔ, yé we lé ka fe, ka kɛlɛ.

Jérémi 44:9

Ka tranu lé weple kɛlɛle koo, Juda nwiinzan blɛnnu lé weplenu kɛlɛle koo, wo nanu lé weplenu kɛlɛle koo, weplenu lé ka valé ka nanu wo kɛlɛ Juda tɛrɛ la valé Jérusalɛm zinu ta bɛ, wo sele saan ka gii?

Jérémi 7:17

Wenu lé wa kɛla Juda tɛrɛ la flanu ta, é valé Jérusalɛm zinu ta, i ’ka wo yé loo?

Jérémi 7:18

Nénu éé kyɛ yélié yé wo tinu éé kyɛ sɔn‐o, yé lomu éé buruyɔɔ zɔn‐o yé wo gatonu kɛlɛ a nya lagi fuale zé nya, é valé ’yi zanale nya bale bɛnu lɛ, an bli flile we gi.

Ézékiɛl 20:32

Ka léma: É sɔ ’wo lɛ léé, ’wo kɛlɛ bélé bɛngɔnɔnu zo, bélé tɛrɛ bɛ tamunu zo. É sɔ ’wo lɛ léé, ’wo yili valé gɔlɛ ban. We ’ko lé é dɔ ka gi bɛ, a lɛ ’ka dan sɔɔ lɛ lo.

Ézékiɛl 20:8

Yé wo nwa an ma, yé é ’ka sɔ lɛ wo lɛ léé, wo tɔné dɔ an dére lɛ lo. Boafɛnu lé ’bɛnu éé wo sian ana, wovazan do kpen ’ka sɔn vɔ lɛ ’bɛnu ma lo, yé wo ’ka daan lɛ Éjipitinu lé miyilinu ma monomono lo. É dɔ an gi léé, an wɛwɛ dɔ wo ma yé an bli flile lɛ é sɔɔ wo ma Éjipiti tɛrɛ la.

Ézékiɛl 23:41

I nyana yialafɛ nɔnɔmi do ta, ’té tablé do a é dɔrale a ’lɛ, yé i anlé lasikɔrɔ valé anlé nyɔnɔ dɔra yee tablé ’ko ta.

Ézékiɛl 8:16

Yé é go an nya Gakelebale lé kɔn gɔrɔ gi. Yé ka ye, Gakelebale lé kɔn ’léé valé balebanna méléna, dé mi yɔ do wɔlɛ soru léé? wana. ’Té wo nwunzi a é dɔle Gakelebale bangikɔn la, ’té wo yara a é dɔle yirinwanazia, ’té woo diaan ’wo bli la yirinwanazia yiri ’lɛ.

Abaku 1:16

Amalé éé saraka boo élé séli lɛ, yé éé lasikɔrɔ kyɛ blé élé duɛnu lɛ. Naa, wolé we ma lé éé fɛ nyɔnɔzan blé, ’té alé fɛ a néné.

Mi Nɔnɔle 30:12

yé dé a zana a gi dɔɔ, dé ’bɛ ’ka we do si lɛ a ta a zi lo, yé é ’ka a yi ga lɛ lo, alé Bale kunmawe faa valé alé Bale ’nyɔɔndére faa, é a lé é wo lɛ sɔɔ.

Mi Nɔnɔle 30:2

Moizi we fe Izraɛl bɛnnu nwiinzannu lɛ yé é léé: Dére lé Gakelebale a vo an va, yee lé ke ’ko:

Maak 6:26

Yé gyamalati bli kyɛ dɔ, naa, alé yoblele valé fɛtikɛlɛmunu lé we ma, é ’ka a gba vɔ lɛ lo.

Bélidɔwesɛbɛ Fiézan 23:23

Dé i Gakelebale, ilé Bale kun ilé blibɔmale nya, we lé é bɔra i ’léé yé bé fe, ’bé ta tawo yé ’bé lɛ sɔɔ.

Filip munu 3:19

Wozé nyaana é dan kɛlɛ lɛ wo sanle nya; wolé Bale lé ke wo bɔn nya, yé we lé é ke yaragyɛwenu nya, a gi lé woo baama; yé tɛrɛlawenu saa ma lé woo bɔn‐in bɔrɔan.

1 Piɛri 1:18

Ka a gi dɔɔ léé, é vinin ka tawo ka tranu lé gwɛma tawobɛ gi, naa sin, Bale ka si ’bɛ zuo. É ’ka ka tabo lɛ kyan valé gɔɔlifu lé woo sɛra, ’bɛnu nya lo.

Weblezannu 11:36

É lé a lɛ léé: An ti, dé i Gakelebale kun, yé sin Gakelebale i lɛgi pa i nyanézannu Amɔn benu ma, bé kɛlɛ an lɛ fɛan zo lé é si i ’léé, a zo.